Fína fólkið felur sitt á Tortóla. Fína fólkið felur sjitt á Tortóla. Fína fólkið tók saman sína fínustu seðla og keypti þeim far úr landi. Alveg eins og Danir gerðu eftir siðaskiptin 1550 samkvæmt nýjustu fréttum og stórmerkum niðurstöðum Steinunnar Kristjánsdóttur fornleifafræðings. Okkar kaþólska kirkjusilfri var öllu siglt úr landi. Í mörgum skipsförmum! Á tuttugu ára tímabili! Því var öllu komið inn í skrattaskjól hjá Danakonungi þar sem því var steypt í sjóðandi silfurpott og hrært í þar til allir kaleikar og allir skírnarfontar Norður og Suðuramts voru komnir á fljótandi form, þá var þeim hellt í mót og úr þeim steypt þrjú tignarleg silfurljón sem enn standa á gólfi Rósenborgarhallar í Kaupmannahöfn, enn jafn glansandi fín, og enn með sama aulasvipinn og árið sem þau fæddust, árið 1600, aulasvip hins illa getna. „Landsmönnum bar að láta af hendi allan eir og kopar handa konúnginum, af því það þurfti að endurreisa Kaupinhafn eftir stríðið,“ stendur á fyrstu síðu Íslandsklukkunnar. Þá voru það útlensku yfirvöldin sem rændu okkur ættarsilfrinu, nú eru það fjölskyldurnar fjórtan sinnum fjörutíu og þrír, gráðugu frumurnar í þjóðarlíkamanum, þær sem éta þær veiku og gubba gróðanum inn á reikninginn sinn, þær sem éta okkur að innan, þær sem stinga okkur í bakið og stinga undan öllu því sem verðmiða hefur og geymir það svo utan lands, utan okkar kerfis. Þess vegna sveltur heilbrigðiskerfið, þess vegna fáum við ekki nýjan spítala, þess vegna er sparað í leikskólum, þess vegna er Buglið í ruglinu, þess vegna er skólakerfið okkar í þriðju deild, þess vegna fáum við ekki fleiri starfslaun listamanna, þess vegna er ekki hægt að bora ein göng á ári, þess vegna er ekki hægt að kaupa nýjan Herjólf, þess vegna er ekki hægt að vernda Gullfoss og Geysi, þess vegna er ekki hægt að útrýma einbreiðu brúnum, þess vegna fær Vesturbyggð ekki veginn sinn um Teitsskóg. Vegna þess að feitasta prósentið okkar sefur á Saga class með hundrað milljónir í hvorum vasanum, á leið sinni út úr hagkerfinu og hlær svo crap-chattað að loknum málsverði á Sheraton Panama City um leið og það sýgur sína sveru og fitugu fingur og sýnir borðfélögunum selfís með sér og Bjarna Ben á golfgríninu í Bradenton, FLA, sem teknar voru í vikunni áður, allir á stuttermabolum frá Ashley Madison. „Nei, BB er hættur öllu off shore dæmi núna, ég meina hann verður að passa sig,“ er sagt yfir glasi af armagnakki og svo er gubbað smá í tauservíettuna með fallega íbróderaða Sheraton S-inu. Þannig sjáum við og heyrum fyrir okkur hinar eilífu mergsugur Íslands, silfurþjófana nýju, sem stungu þó á sig einni teskeið til að heiðra uppruna gróðans, áður en allt var brætt í Tortóla-pottinn, og geyma hana í skenki sínum í Gróðabæ, og fægja á Þorláksmessu um leið og þeir fá sína augnbotnaskekjandi hræsnisfullnægingu undir lestri jólakveðja Ríkisútvarpsins: „Baldur Swift og Svansí á Tortóla senda landsmönnum hugheilar jólakveðjur“. Það eru ekki allir með. Það róa ekki allir í sömu átt. Sumir liggja neðan þilja og nota ár sína til að hræra í silfurpottinum sjóðheita. Mergsugur Íslands. Við vissum af þeim, við mætum þeim stundum í umferðinni, sakbitnum með sólgleraugun í Reinsunum sínum svörtu, þessum líkkistum liðins hagkerfis, og kannski grunaði okkur að slíkir landssvikarar leyndust líka á þingi. En að þeir væru líka ráðherrar, og forsætisráðherrar, var eitthvað sem jafnvel svæsnustu samsæringamenn hafði ekki órað fyrir. Og þó spáðum við öll í órana sem ullu út úr Siðmundi Davíð fyrir síðustu kosningar, stóryrðin öll um kröfuhafana og hrægammana, dýrin sem við þekktum ekki og skildum ekki, ekki frekar en það sem hann sagði, maðurinn sem var að rústa kosningunum eins og hver annar Rassi Trump án þess að nokkur fengi við ráðið, af því enginn skildi hann, enginn þekkti þennan heim sem hann var að lýsa, enginn hafði möguleika á nokkurri innsýn í hann, en alltof mörg okkar sáu bara peningana sem hann veifaði, og kylfuna í hinni. Fyrir vikið hljómaði Svigmundur Davíð eins og sígaunatöframaðurinn Melkídes hjá Márquez í Hundrað ára einsemd sem fræddi þorpsbúana í frumskóginum um fyrrirbærið ís. Þannig vorum við á svipinn: Ha? Ís? Hvað er það? Ha? Hrægammar? Hvað er það? Við skömmuðumst okkar fyrir að vita þetta ekki og ypptum öxlum, en þarna var Svikmundur Davíð að lýsa sínum hvunndagsheimi, því á hverjum morgni flaug hann eins og undirhökustór pelíkani suður í Karíbahaf til að líta til með hreiðri sínu og elsku Önnu, telja gulleggin sem gullfrúin góða, panamíski leynireikningapassarinn Guilia Conchita Gonzalés, hafði lofað að liggja á fyrir þau hjónin (þótt hún væri reyndar látin) svo klækjust þar út um síðir svartgljáandi ungar af Toyota-ættum, vonandi kæmust þeir á legg fyrir hrægömmum miðbaugs. Úr þessum skrautlega flugheimi steig Siðblundur Davíð niður til okkar, við sjáum það nú, til að tala á kosningafundum, og leit út eins og eftirhrunsfrelsari með IceSave-geislabaug og blessun frá Ólafi V Íslandskonungi. (Ath: þá var Ólafur Ragnar í sínum fimmta fasa, en fasarnir eru þessir: Ólafur I (Framsókn), Ólafur II (Samtök frjálslyndra og vinstrimanna), Ólafur III (Alþýðubandalagið) Ólafur IV (fyrirhrunsforseti) og Ólafur V (eftirhrunsforseti). En Stríðsmundur Davíð passaði sig á því að minnast ekkert á að sjálf væru þau hjónin kröfuhafar, þau hefðu á sínum tíma flúið með milljarð úr landi, gamla góða Toyotagróðann sem myndaður var með framlagi þeirra þúsunda Íslendinga sem samviskusamir höfðu sparað fyrir sinni Corollu og sínum Landkrúser allan sjöunda áratuginn, allan níunda áratuginn og allan tíunda áratuginn og greitt inn í Pálsveldið sinn bílaumboðsskatt sem dóttir flutti svo úr landi ásamt útkaupsverðinu, langaláni Svanga-Mangans í Lánsbanka Íslands, peningar sem Corollu-eigendur höfðu líka safnað fyrir handa þeim góðu hjónum sem þeir hugðust kjósa sér til forystu að loknu þessu hvimleiða skúringastarfi Jóhönnu Sigurðardóttur, hreinir og klárir blóðpeningar sem Svangi-Mangi slapp svo við að borga til baka, því allt var klabbið afskrifað ásamt mannorði þess sama Eyjamanns. Þannig komust þúsund milljónir úr landi, í tíu ferðum á Saga Class, eins og silfrið eftir siðaskiptin, og allar urðu þær samferða þrjátíu þúsund öðrum milljónum sem vinir og kunningjar úr fíniríslífinu á Flötunum og Fyrirhrunsbyggðunum höfðu með sér, allt í boði þjóðarbankans, bankans okkar, bankans sem við eignuðumst eftir Hrun, bankans sem græðir milljarða á ári hverju, á hverri einasta músarskrefi okkar í heimabankanum, á milli þess sem hann styður og hjálpar þungvösuðum krónuflóttamönnum út í vél og breiðir þar yfir þá teppið á Saga Class og réttir þeim síðan Moggann sinn fullan af krónískum krónuelskandi krónuáróðursgreinum eftir ekki-Sigmund Davíð og Sigmund Davíð. Þeir vilja ekki aðra mynt því krónan er þeirra töframeðal sem breytir allri annarri mynt í milljón, öllum aflandseigum þeirra í skrilljón, ekki síst ef hún hrynur meira, eins og menn vita að hún gerir, því það hefur hún hundrað sinnum gert á hundrað árum. Þess vegna gera Samherji og Vestmannaeyjar upp í evrum, sem á Íslandi kallast efrur og hafa efragengi. Efragengið nýtur efragengis. Almúginn má notast við neðragengið. Þeir mega sem eiga. Við sluppum frá Dönum ’44 en sleppum aldrei frá Danskinum í okkur sjálfum, rammíslenska einokunarkaupmanninum sem situr í Saga Lounge og vætir sitt gin í tónik yfir lestri aflátsbréfanna sem kennd eru við Reykjavík. Mergsugurnar sjúga ekki bara inn að beini heldur úr því líka. Þess vegna eru sjúkrarúm í bílageymslunni, þess vegna eru börnin okkar í gámastofum, þess vegna eru holurnar í hagkerfinu okkar. Bjarni Ben gerði eina, og fyllti með smá skammti úr sinni gullblöðru, það var hola í höggi í boði frændanna hjá Borgun. Ólöf Nordal gerði aðra en hætti við á síðustu stundu að fylla hana af nordölum og áldölum þegar hún heyrði óvænt afa sinn muldra utan úr skammdegismyrkrinu orðin „íslenzk menning“ (með zetu), og kom þá fram í huga hennar Hola íslenskra fræða. En formaður og varaformaður Sjálfstæðisflokksins voru semsagt fremst meðal jafningja. Í þeim flokki eru reglurnar skýrar: Sá ríkasti verður formaður, Ólöf næstríkasta varaformaður (Gulli minn, keep on trying…). Samt mætir hann, sá síðastnefndi, í viðtölin til að svara fyrir ruglið og tekst óaðfinnanlega að leika hlutverk heiðarlegasta flokksmannsins þrátt fyrir FL-tattúið á enninu, sem er þeim kostum búið að aðeins langminnugir fá það séð. Ó, Ísland, í höndum hramma! Hræsnara, þjófa og gamma! Og þetta er fólkið sem við erum að stóla á að hætti að bakka upp heimsins frægasta endeming sem situr í næsta herbergi við þau, undir portretti af Jónasi á Hriflu og teiknar, teiknar landakortin sín, Ísland eins og hann vildi sjá það, allt í stíl ekki-Páls Samúelssonar með risavöxnum flettiskiltaauglýsingum frá Mossack Fonseca — „utan lands og laga“. Siðblindur Davíð reyndist vera sonur föður síns, mannsins sem fenginn var gullkálfur að sjá um, en sveik þá pligt og eignaði sér hann sjálfur (það er sagan um Gróða hirðinn) að hætti mafíósa stærri landa. Vandinn hefst svo, eins og maðurinn sagði, þegar heilagur mafíuson vill stíga út úr glæpaheiminum og inn í borgaralega heiminn, þegar Mafían vill láta kjósa sig til valda og sendir sína fulltrúa í fundahreinsun: Hún tekst yfirleitt nokkuð vel en eðlið leitar út um síðir, lengi býr að fyrstu gerð, Kögun verður illa af sér öguð, sálin leitar í skattaskjól. Við Íslendingar og Ólafur V, gerðum óheiðarlegan mann að forsætisráðherra og urðum enn og aftur að athlægi heimsins. Eftir þrotlaust 7 ára puð um allar koppagrundir, í þúsund tónleikahöllum, kvikmyndahúsum og listasölum, tókst íslenskum listamönnum að reisa við laskaða ímynd Íslands en þá kom enn og aftur einn fjármálaspilltur pólitíkus og eyðilagði það á tíu mínútum. Ósvífnin og óheiðarleikinn voru svo toppuð með því að sitja áfram í þrjár vikur eftir pólitíska aftöku sem farið hafði fram í leyni í Ráðherrabústaðnum, og láta engan vita, ekki einu sinni sína allra nánustu samstarfsmenn, sem fyrir vikið röltu saklausir inn í sjónvarpsginið trekk í trekk og létu nauðbeygðir út úr sér frasa sem eiga eftir að lifa með þjóðinni næstu þúsund árin. „Það er flókið að eiga peninga á Íslandi“ og „Einhverstaðar verða peningarnir að vera“. Síðmundur Davíð ákvað að sitja áfram og hlífa okkur ekki við alþjóðlegri niðurlægingu, og fyrir það verður honum seint fyrirgefið. Hann er fjórði karkyns forsætisráðherrann af hægri kantinum í röð, ég endurtek: fjórði hvíti karlinn í röð, til að hrökklast úr embætti með skömm. Halldór Ásgrímsson hvarf fylgis- og frægðarlaus á brott, Davíð Oddsson var borinn öskrandi út úr Seðlabankanum, Geir Haarde sigldi þjóðarskútunni í strand, og nú er Sigmundur Davíð afhjúpaður sem heimsfrægur lygari. Maðurinn sem gæti tekið við honum er líka nýafhjúpaður lygari og manneskjan þar á eftir ekki alveg hrein heldur… Í tveimur ríkisstjórnarflokkum er enginn sem getur tekið við! Áts. Hvar er Jóhanna Sigurðardóttir? Er hún nokkuð svo upptekin? Eða hvað annað getur gerst? Við þurfum kosningar en óvíst hvort við fáum. Það eina sem er öruggt í þessari óvissustöðu er að Ólafur V Íslandskonungur mun umbreytast í Ólaf VI.
Þessi grein birtist upphaflega í Stundinni fyrir meira en 8 árum.
Hallgrímur Helgason
Mergsugur Íslands
Hallgrímur Helgason skrifar: „Vegna þess að feitasta prósentið okkar sefur á Saga class með hundrað milljónir í hvorum vasanum, á leið sinni út úr hagkerfinu og hlær svo crap-chattað að loknum málsverði á Sheraton Panama City um leið og það sýgur sína sveru og fitugu fingur og sýnir borðfélögunum selfís með sér og Bjarna Ben á golfgríninu í Bradenton, FLA, sem teknar voru í vikunni áður, allir á stuttermabolum frá Ashley Madison.“
Mest lesið
1
Missti göngugetuna níu ára og missir „himnaríki“ ellefu ára
Þó að læknar telji mikilvægt að hinn ellefu ára gamli Yazan, sem er með ágengan vöðvarýrnunarsjúkdóm, haldi áfram í læknismeðferð telur Kærunefnd útlendingamála ekkert því til fyrirstöðu að vísa honum til lands sem hann hefur sem stendur engin réttindi í. „Ég hef unnið við þetta í næstum 8 ár og aldrei séð svona afgerandi læknisvottorð,“ segir talsmaður fjölskyldunnar. Sex samtök og fjölmargir Íslendingar hafa mótmælt fyrirhugaðri brottvísun.
2
Rúmlega þriðjungslíkur á því að Katrín sigri í forsetakosningunum
Alls 100 þúsund sýndarkosningar, byggðar á síðustu gerðu skoðanakönnunum, sýna að tveir frambjóðendur eiga yfir 30 prósent líkur á því að sigra í komandi forsetakosningum.
3
Aukinn einkarekstur: „Ég hef líka áhyggjur af þessu“
Alma Möller, landlæknir segir að líkt og forstjóri Landspítalans hafi hún áhyggjur af aukinni einkavæðingu í heilbrigðiskerfinu. Áhyggjurnar snúist fyrst og fremst að því að ef við sofnum á verðinum geti aukin útvistun heilbrigðisþjónustu leitt til meiri ójöfnuðar á Íslandi. Þá verði að gæta sérstaklega að því að veikja ekki Landspítalann.
4
Popúlísk aðferð til að ná eyrum óöruggra karla
Popúlistar karlmennskunnar njóta sívaxandi vinsælda. Í spjalli Skoðanabræðra við Patrik Atlason virtist ljóst að konur eigi að tilheyra hlutverki hefðbundinnar húsmóður á meðan að karlinn sér fyrir tekjum heimilisins. Ungir karlmenn eru stöðugt áreittir af algóryþmum samfélagsmiðla með predikurum goðsagnakenndrar karlmennsku, endalausu klámi og óraunhæfum markmiðum sem grafa undan sjálfsvitund þeirra.
5
Ráðherrum ítrekað bent á að gjöf Haraldar stæðist ekki skoðun
Upplýsingar úr fjármálaráðuneytinu styðja ekki þá fullyrðingu Bjarna Benediktssonar að ráðuneytið teldi ríkislögreglustjóra hafa haft heimild til „útfærslu samninga“ sem sagðir eru gjafagjörningar. Í ráðuneytinu voru þvert á móti verulegar efasemdir um að samkomulagið stæðist. Ráðuneytisstjóri í dómsmálaráðuneytinu og lögreglustjórar töldu rétt að skoða hvort Haraldur hefði brotið lög.
6
Vilja hærri auðlindagjöld og komugjöld á ferðamenn
ASÍ segir að sambandið styðji að ráðist verði í endurskoðun á gjaldtöku ferðamanna, veiðigjalda og fiskeldisgjaldi með hækkun auðlindagjalda og að komugjöld verði sett á ferðamenn.
7
Umhverfistofnun telur bæði ótímabundinn kvóta og veðsetningu hans umdeilanlegar breytingar
Ríkisstofnunin Umhverfisstofnun gerir athugasemdir við tímalengd rekstrarleyfa í sjókvíaeldi hér á landi. Nu þegar hafa borist 54 umsagnir við frumvarpið um lagareldi eftir að það var lagt fram á Alþingi í lok apríl. Frumvarpið er afar umdeilt og hefur umræða um það verið hluti af kosningabaráttunni til embættis forseta Íslands.
8
Flóttafólki fækkað um meira en 60 prósent milli ára
Haldi sú þróun í komu flóttafólks sem verið hefur það sem af er ári áfram mun kostnaður hins opinbera vegna þjónustu við umsækjendur um vernd dragast saman um sjöunda milljarð króna milli ára.
9
Gerir starfsfólki kleift að geta sjálft mælt sig reglulega
Effect er lítið fyrirtæki staðsett rétt fyrir utan Borgarnes sem býður upp á hugbúnaðarlausn til að mæla hæfnisgat starfsmanna. „Ég hef alveg farið inn í fyrirtæki þar sem stjórnendur horfa fyrst á mig stórum augum og halda að þetta muni ekki ganga. En núna hef ég farið í gegnum þetta með yfir tuttugu fyrirtækjum,“ segir stofnandinn.
10
Þurfti að ná hrifningarbylgju og halda henni út í mánuð
Heimildin ræddi við fyrrverandi forsetaframbjóðendurna Andra Snæ Magnason rithöfund og Þóru Arnórsdóttur fjölmiðlakonu um það hvernig það er að bjóða sig fram en ná ekki kjöri. Þóra segir að hún hefði átt að standa sig betur. Andri telur baráttuna ganga út á að ná hrifningarbylgju og halda henni út í mánuð.
Mest lesið í vikunni
1
Erla María Markúsdóttir
Hjúkkan sem reyndi að bjarga mér á bráðamóttökunni – og sagði svo upp
Fyrir tveimur árum, upp á dag, dvaldi ég á biðstofu á bráðamóttökunni í rúmar fimm klukkustundir án þess að hitta lækni. Hjúkrunarfræðingurinn sem reyndi að koma mér inn í kerfið gat það ekki. Hún gaf sjálf upp vonina og sagði upp.
2
Fékk ekki að segja bless við eiginmann sinn
Sara Sigurbjörg Guðmundsdóttir, eiginkona Precious Felix Tanimola sem var sendur úr landi til Nígeríu í nótt, segist ekki hafa fengið að kveðja hann: „Síminn var tekinn af honum og ég fékk ekki að segja bless.“ Precious flúði til Íslands frá Úkraínu vegna stríðsins. Honum hafði ári áður verið boðið að spila þar fótbolta með úkraínsku félagsliði.
3
Greindist ungur með Alzheimer og hleypur í fylgd fjölskyldunnar
Hugbúnaðarverkfræðingurinn Stefán Hrafnkelsson er kominn á hjúkrunarheimili eftir að hafa greinst aðeins 58 ára gamall með Alzheimer fyrir sjö árum. Það hefur hjálpað heilsu hans að hlaupa með fjölskyldunni.
4
Kveikti í húsinu og hugsaði: „Þetta er of mikið fyrir eina litla konu, nú er ég hætt“
Katrín Jakobsdóttir var undir gríðarlegu álagi árið 2012. Svo miklu að hún gleymdi að hún væri að sjóða snuð með þeim afleiðingum að slökkviliðið var kallað út. „Þá settist ég á tröppurnar fyrir utan með alla strákana og hugsaði með mér að þetta væri of mikið.“
5
Öryggisverðir gæta Bjarna – „Nokkuð góðir í að vera ósýnilegir“
Bjarni Benediktsson forsætisráðherra vill ekki kalla þá lífverði, öryggisverðina sem fylgja honum hvert fótmál. „Þeir eru nokkuð góðir í að vera ósýnilegir þannig að ég geti sinnt mínum störfum,“ segir hann. Áhættumat vegna öryggis ráðherra ríkisstjórnar Íslands er í sífelldri endurskoðun, samkvæmt embætti ríkislögreglustjóra.
6
Svona breytist líkaminn við hlaup
Hjartalæknirinn Þórdís Jóna Hrafnkelsdóttir lýsir góðum og síðri áhrifum hlaups á mannslíkamann, allt frá hjarta niður í frumustig. Hún þekkir þau á eigin skinni, verandi langhlaupari til margra ára. „Í gegnum tíðina hefur þetta verið mjög góð leið til þess að takast kannski mest á við álag í vinnunni,“ segir hún.
7
Þórður Snær Júlíusson
Er það að gefa að minnsta kosti hálfan milljarð góð meðferð opinbers fjár?
Fyrrverandi ríkislögreglustjóri með sterk flokkspólitísk tengsl tók ákvörðun um að gera vel við nána samstarfsmenn sína rétt áður en þeir fóru á eftirlaun og rétt áður en hann þurfti að semja um starfslok. Kostnaðurinn við þessa ákvörðun er að minnsta kosti rúmlega 500 milljónir króna og skattgreiðendur bera hann. Tveir núverandi ráðherrar voru kolrangstæðir í yfirlýsingum sínum um málið að mati Hæstaréttar og núverandi dómsmálaráðherra getur ekki fengið sig til að biðja um rannsókn á því.
8
„Ótrúlega falleg framtíðarsýn“ að hlaupa með pabba sínum á níræðisaldri
Rannveig Hafberg hélt að hún gæti aldrei byrjað að hlaupa. Hún léttist um 38 kíló á einu og hálfu ári með breyttu mataræði og hleypur væntanlega sitt tíunda ofurmaraþon á Laugaveginum í sumar. Eysteinn Hafberg, faðir hennar, byrjaði að hlaupa um sjötugt eftir hjartaáfall. Hann er orðinn fræg fyrirmynd í íslenska hlaupaheiminum. Móðir hennar er líka byrjuð að hlaupa. Og barnabörnin.
9
Sif Sigmarsdóttir
Fimm ráð til að rífa sig upp af rassinum
Vitneskjan um endanleikann er ein helsta driffjöður mannkyns.
10
Katrín eini matvælaráðherra VG sem tekur ekki afstöðu gegn gjafakvótanum í laxeldinu
Bæði Bjarkey Gunnarsdóttir og Svandís Svavarsdóttir hafa lýst því yfir að þær vilji tímabinda rekstrarleyfin í sjókvíaeldinu. Eini matvælaráðherra VG á síðasta og yfirstandandi kjörtímabili sem ekki hefur gert slíkt hið sama er Katrín Jakobsdóttir forsetaframbjóðandi. Hún vann talsvert að frumvarpinu, fundaði með hagaðilum um það og lét breyta einstaka greinum þess.
Mest lesið í mánuðinum
1
Erla María Markúsdóttir
Hjúkkan sem reyndi að bjarga mér á bráðamóttökunni – og sagði svo upp
Fyrir tveimur árum, upp á dag, dvaldi ég á biðstofu á bráðamóttökunni í rúmar fimm klukkustundir án þess að hitta lækni. Hjúkrunarfræðingurinn sem reyndi að koma mér inn í kerfið gat það ekki. Hún gaf sjálf upp vonina og sagði upp.
2
Skólastjórinn hættir eftir áralanga óánægju foreldra
Móðir á Kirkjubæjarklaustri ætlar að flytja með börnin sín úr bænum þar sem hún telur ástandið í Kirkjubæjarskóla óviðunandi. Sonur hennar hefur lítið mætt í skólann í á annað ár eftir atvik í skólanum sem foreldrarnir kærðu til lögreglu. Málið var látið niður falla. Skólastjórinn er nú á förum en sveitarstjórinn segir það „engum einum að kenna þegar tveir deila“.
3
Rúlletta Róberts og vitnisburðir starfsfólks: „Þetta er bara rosalega mikið álag“
Starfsmenn Alvotech lýsa vinnuálaginu sem ómanneskjulegu og hafa leitað til stéttarfélaga út af ógreiddri yfirvinnu og fleiri málum. Vinnuaðstæðurnar hafa verið svona út af því að Alvotech hefur unnið að því að fá markaðsleyfi fyrir samheitalyf Humira í Bandaríkjunum. Fyrirtækið hefur veðjað öllu á þetta lyf en sala á því hefur dregist saman og samheitalyfjum þess hefur alls ekki gengið eins vel í Bandaríkjunum og reiknað var með.
4
Mistök, hamingja og væntingar Katrínar
Þegar Katrín Jakobsdóttir missti föður sinn ung að árum lærði hún að lífið er mikilvægara en dauðinn, stundin er núna og ekki eftir neinu að bíða. Hún ólst upp við öryggi sem gerir henni kleift að taka áhættur, en lítur svo á að hún hafi ekki neinu að tapa varðandi framboð sitt til forseta.
5
Fékk ekki að segja bless við eiginmann sinn
Sara Sigurbjörg Guðmundsdóttir, eiginkona Precious Felix Tanimola sem var sendur úr landi til Nígeríu í nótt, segist ekki hafa fengið að kveðja hann: „Síminn var tekinn af honum og ég fékk ekki að segja bless.“ Precious flúði til Íslands frá Úkraínu vegna stríðsins. Honum hafði ári áður verið boðið að spila þar fótbolta með úkraínsku félagsliði.
6
Greindist ungur með Alzheimer og hleypur í fylgd fjölskyldunnar
Hugbúnaðarverkfræðingurinn Stefán Hrafnkelsson er kominn á hjúkrunarheimili eftir að hafa greinst aðeins 58 ára gamall með Alzheimer fyrir sjö árum. Það hefur hjálpað heilsu hans að hlaupa með fjölskyldunni.
7
Sif Sigmarsdóttir
Það sem ég á Bjarna Ben að þakka
Í fullkomnum heimi væri pistlahöfundur atvinnulaus.
8
Sif Sigmarsdóttir
Litla Gunna í Kristjaníu, litli Jón á Kvíabryggju
Væri tíma nútímaforeldra betur varið við að valda börnum sínum vonbrigðum en að keyra þau í ballettíma eða mauka fyrir þau avókadó?
9
Ákveðið að saksækja þrjá í Lindsor-málinu rúmum 15 árum síðar
Sama dag og Geir H. Haarde flutti ræðu til þjóðarinnar þar sem hann bað guð um að blessa Ísland veitti Kaupþing aflandsfélagi lán sem notað var til að kaupa verðlítil skuldabréf af starfsmönnum og vildarviðskiptavini bankans. Nú, 15 og hálfu ári eftir að lánið var veitt, stendur til að saksækja þrjá einstaklinga í Lúxemborg vegna þess.
10
Þolendur sæmdarkúgunar eru allt niður í sjö ára gamlir
Sæmdarkúgun hefur færst í aukana síðastliðin ár, en lögreglan telur aðeins hluta slíkra brota rata inn á borð til sín. Þolendur eru oft mjög ungir, jafnvel á grunnskólaaldri. Þetta kemur fram í nýjasta þætti Á vettvangi í umsjón Jóhannesar Kr. Kristjánssonar.
Athugasemdir