Þessi grein birtist upphaflega í Stundinni fyrir meira en 3 árum.
Stundarskráin

Streymi, mannætuplöntur og óralangir útgáfutónleikar

Tón­leik­ar, við­burð­ir og sýn­ing­ar 23. októ­ber til 12. nóv­em­ber.

Streymi, mannætuplöntur og óralangir útgáfutónleikar
Ritstjórn
ritstjorn@heimildin.is

Margt er á döfinni í menningarlífinu næstu vikur. Athugið að tímasetningar gætu breyst með stuttum fyrirvara vegna samkomubanns og að fjöldatakmarkanir geta átt við.

Iceland Airwaves 2020

Hvar? www.dice.fm streymi
Hvenær? 13. & 14. nóvember
Aðgangseyrir: 7.250 kr.

Iceland Airwaves hefur verið uppskeruhátíð íslensku tónlistarsenunnar í rúmlega tvo áratugi. Hátíðin byrjaði sem eins dags veisla í flugskýli árið 1999 og stækkaði uns hún varð fimm daga hátíðin sem lagði miðbæ Reykjavíkur undir sig og fleiri hundruð hljómsveita komu fram. Hátíðin var stökkpallur fyrir yngri flytjendur, og fögnuður fyrir reyndari. Sökum COVID-19 er ógerlegt að halda hátíðina með þessu sniði, en í stað þess að blása hana alveg af munu sextán af bestu og áhugaverðustu hljómsveitum landsins koma fram á nettónleikum. Meðal þeirra eru Ásgeir Trausti, Bríet, Cell7, Daði Freyr, Emilíana Torrini, Hatari, Kælan Mikla, Mammút, Ólafur Arnalds og Of Monsters and Men.

Kvikmyndaverðlaun Norðurlandaráðs 2020

Hvar? Bíó Paradís
Hvenær? Til 26. október
Aðgangseyrir: 1.690 kr.

Kvikmyndaverðlaun Norðurlandaráðs eru veitt til að auka áhuga á norrænu menningarsamfélagi og samstarfi um umhverfismál, svo og að veita verkefnum sem skarað hafa fram úr á sviði lista eða umhverfismála athygli. Fimm myndir frá fimm löndum hafa verið tilnefndar og verða til sýnis í Bíó Paradís til 26. október.

Sófa kabarett

Hvar? Crowdcast-netsýning
Hvenær? 24. október kl. 21.00
Aðgangseyrir: 1.200 kr.

Kabarett-hópurinn Túttífrútturnar býður áhorfendum sýningu til að létta lundina á þessum þreytandi COVID-tímum. Til sýnis verða valin atriði úr burlesque, dragi, loftfimleikum, daðurdönsum, töfrabrögðum og fleiru. Á þessari netsýningu koma fram fjölbreyttir skemmtikraftar. Taka skal fram að um er að ræða sýningu sem er ekki ætluð börnum.

Syngjum saman

Hvar? Hannesarholt
Hvenær? 25. október & 8. nóvember kl. 14.00
Aðgangseyrir: 1.000 kr.

Hannesarholt hefur hlúð að sönghefðinni síðastliðin rúm sjö ár með því að bjóða reglulega upp á fjöldasöng í Hljóðbergi. Textar birtast á tjaldi og gestir taka undir, en einnig verður streymt frá viðburðinum fyrir þá sem ekki eiga heimangengt. Þann 25. október leiða Marína Ósk og Mikael Máni söngin, og Hera Björk og Benni Sig 8. nóvember.

Samtal við Lucky 3

Mynd: Håkon Broder Lund

Hvar? www.fineart.lhi.is
Hvenær? 30. október
Aðgangseyrir: Ókeypis!

Lucky 3 er listahópur stofnaður af Darren Mark, Dýrfinnu Benitu Basalan og Melanie Ubaldo, en þau eru íslenskir listamenn af filippeyskum uppruna. Hópurinn hélt sýninguna Lucky Me? síðastliðinn nóvember, en þau koma fram í viðtalsseríu Listaháskóla Íslands. Hægt er að fylgjast með streymi af viðtalinu á netinu.

Múlinn

Hvar? Harpa
Hvenær? 4. & 11. nóvember kl. 20.00
Aðgangseyrir: 3.000 kr.

Þríeykið í Múlanum hefur verið að í tólf ár, en upp á síðkastið hefur það komið fram í Flóa, sal Hörpu þar sem er nóg pláss og auðvelt að virða fjarlægðarmörk. Tveir tónleikar fara fram á næstunni; á þeim fyrri gengur Haukur Gröndal Múlanum til liðs og á þeim seinni Magnús Jóhann og Skúli Sverrisson.

Halloween föstudagspartísýning: Litla hryllingsbúðin

Hvar? Bíó Paradís
Hvenær? 30. október kl. 20.00
Aðgangseyrir: 1.690 kr.

Litla hryllingsbúðin er einn vinsælasti kvikmyndasöngleikur sem gerður hefur verið, en hann er byggður á samnefndum Broadway-söngleik. Nördalegur blómasali kaupir blóðþyrsta mannætuplöntu af kínverskum götusala og hlutirnir taka strax dýfu niður á við er hann rembist við að standast kröfur plöntunnar. Fram koma meðal annars Rick Moranis, Steve Martin, James Belushi og Bill Murray.

Tíu tíma útgáfutónleikar Mammúts

Hvar? Gamla bíó
Hvenær? 7. nóvember kl. 12.00 & 17.30
Aðgangseyrir: 3.900 kr.

Listræna rokksveitin Mammút bar sigur úr býtum í Músiktilraunum 2004 og hefur komið víða við síðan þá. Nú er fimmta plata sveitarinnar væntanleg og því efnir hún til einstakra útgáfutónleika. Í tíu klukkutíma mun sveitin flytja efni af nýjustu breiðskífu sinni, Ride the Fire, í bland við valin lög af fyrri plötum.

Fílalag í beinni

Hvar? Borgarleikhúsið
Hvenær? 11. nóvember kl. 19.30
Aðgangeyrir: 3.900 kr.

Saman hafa þeir Bergur Ebbi og Snorri Helgason gefið út hlaðvarpið Fílalag frá árinu 2014, en í hverjum þætti er eitt valið dægurlag krufið til mergjar. Nú gefst áhorfendum færi á að sjá þessa tvo skemmtilegu listamenn fíla lag á sviði og vera hluti af því að taka upp næsta þátt.

Úff, hvað þetta er slæm hugmynd!

Hvar? Tjarnarbíó
Hvenær? 31. okt, 7. & 13. nóv. kl. 20.00
Aðgangseyrir: 4.400 kr.

Á þessari metaleiksýningu um sköpun leiksýningar fær íslenskur leikari spunaleikkonu frá Varsjá og kokk til að reyna að búa til vinsæla leiksýningu á pólsku. Saman leiða þau áhorfendur í gegnum þessa einlægu gamansýningu þar sem fjallað er um löngun okkar til að tengjast. Sýningin er á pólsku með enskum texta.

Kjósa
0
Hvernig finnst þér þessi grein? Skráðu þig inn til að kjósa.
Efnisorð

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Stundarskráin

Mest lesið

Mest lesið

Mest lesið í vikunni

Skólastjórinn hættir eftir áralanga óánægju foreldra
1
Fréttir

Skóla­stjór­inn hætt­ir eft­ir ára­langa óánægju for­eldra

Móð­ir á Kirkju­bæj­arklaustri ætl­ar að flytja með börn­in sín úr bæn­um þar sem hún tel­ur ástand­ið í Kirkju­bæj­ar­skóla óvið­un­andi. Son­ur henn­ar hef­ur lít­ið mætt í skól­ann í á ann­að ár eft­ir at­vik í skól­an­um sem for­eldr­arn­ir kærðu til lög­reglu. Mál­ið var lát­ið nið­ur falla. Skóla­stjór­inn er nú á för­um en sveit­ar­stjór­inn seg­ir það „eng­um ein­um að kenna þeg­ar tveir deila“.
Katrín telur sig ekki þurfa að svara spurningum um laxeldisfrumvarp
5
FréttirLaxeldi

Katrín tel­ur sig ekki þurfa að svara spurn­ing­um um lax­eld­is­frum­varp

Katrín Jak­obs­dótt­ir, for­setafram­bjóð­andi og fyrr­ver­andi for­sæt­is­ráð­herra þar til fyr­ir tæp­um mán­uði síð­an, tel­ur sig ekki þurfa að svara spurn­ing­um um mál sem hún kom að á Al­þingi sem enn eru í vinnslu þar. Í fyrsta skipti er for­setafram­bjóð­andi í þeirri stöðu að þurfa mögu­lega að sam­þykkja eða synja lög­um sem við­kom­andi kom að á þingi sem ráð­herra.
Davíð kallar borgarstjórn bjálfa fyrir að taka niður styttuna af Séra Friðriki
8
FréttirSr. Friðrik og drengirnir

Dav­íð kall­ar borg­ar­stjórn bjálfa fyr­ir að taka nið­ur stytt­una af Séra Frið­riki

Rit­stjóri Morg­un­blaðs­ins seg­ir upp­lýs­ing­ar um að Séra Frið­rik Frið­riks­son, stofn­andi KFUM, hafi beitt fjöl­marga drengi kyn­ferð­is­legu áreiti og of­beldi vera „get­gát­ur eins manns“ eft­ir að „ímynd­un­ar­afl hans fór loks í gang eft­ir tæp 75 ár.“ Það að stytta af hon­um hafi ver­ið fjar­lægð sé merki um of­stæki þeirra sem noti hvert tæki­færi til að þykj­ast betra og pen­inga­laus­ara en ann­að fólk.
Steinunn Ólína segist ekki bjóða sig fram gegn Katrínu vegna persónulegrar óvildar
10
Fréttir

Stein­unn Ólína seg­ist ekki bjóða sig fram gegn Katrínu vegna per­sónu­legr­ar óvild­ar

Stein­unn Ólína Þor­steins­dótt­ir sagð­ist í Pressu fara fram fyr­ir hönd þeirra sem upp­lifa valda­leysi gagn­vart stjórn­völd­um. Taldi hún for­seta­kosn­ing­arn­ar vera af­ar póli­tísk­ar að þessu sinni. Þrátt fyr­ir gagn­rýni sína á rík­is­stjórn Katrín­ar Jak­obs­dótt­ur, ít­rek­aði Stein­unn að fram­boð henn­ar væri ekki vegna per­sónu­legra óvild­ar henn­ar í garð Katrínu.

Mest lesið í mánuðinum

Skólastjórinn hættir eftir áralanga óánægju foreldra
2
Fréttir

Skóla­stjór­inn hætt­ir eft­ir ára­langa óánægju for­eldra

Móð­ir á Kirkju­bæj­arklaustri ætl­ar að flytja með börn­in sín úr bæn­um þar sem hún tel­ur ástand­ið í Kirkju­bæj­ar­skóla óvið­un­andi. Son­ur henn­ar hef­ur lít­ið mætt í skól­ann í á ann­að ár eft­ir at­vik í skól­an­um sem for­eldr­arn­ir kærðu til lög­reglu. Mál­ið var lát­ið nið­ur falla. Skóla­stjór­inn er nú á för­um en sveit­ar­stjór­inn seg­ir það „eng­um ein­um að kenna þeg­ar tveir deila“.
Rúlletta Róberts og vitnisburðir starfsfólks: „Þetta er bara rosalega mikið álag“
3
ÚttektRóbert Wessman, Alvogen og Alvotech

Rúll­etta Ró­berts og vitn­is­burð­ir starfs­fólks: „Þetta er bara rosa­lega mik­ið álag“

Starfs­menn Al­votech lýsa vinnu­álag­inu sem ómann­eskju­legu og hafa leit­að til stétt­ar­fé­laga út af ógreiddri yf­ir­vinnu og fleiri mál­um. Vinnu­að­stæð­urn­ar hafa ver­ið svona út af því að Al­votech hef­ur unn­ið að því að fá mark­aðs­leyfi fyr­ir sam­heita­lyf Humira í Banda­ríkj­un­um. Fyr­ir­tæk­ið hef­ur veðj­að öllu á þetta lyf en sala á því hef­ur dreg­ist sam­an og sam­heita­lyfj­um þess hef­ur alls ekki geng­ið eins vel í Banda­ríkj­un­um og reikn­að var með.
Ákveðið að saksækja þrjá í Lindsor-málinu rúmum 15 árum síðar
7
Skýring

Ákveð­ið að sak­sækja þrjá í Lindsor-mál­inu rúm­um 15 ár­um síð­ar

Sama dag og Geir H. Haar­de flutti ræðu til þjóð­ar­inn­ar þar sem hann bað guð um að blessa Ís­land veitti Kaupþing af­l­ands­fé­lagi lán sem not­að var til að kaupa verð­lít­il skulda­bréf af starfs­mönn­um og vild­ar­við­skipta­vini bank­ans. Nú, 15 og hálfu ári eft­ir að lán­ið var veitt, stend­ur til að sak­sækja þrjá ein­stak­linga í Lúx­em­borg vegna þess.

Mest lesið í mánuðinum

Nýtt efni

Mest lesið undanfarið ár