Móð­ir á Kirkju­bæj­arklaustri ætl­ar að flytja með börn­in sín úr bæn­um þar sem hún tel­ur ástand­ið í Kirkju­bæj­ar­skóla óvið­un­andi. Son­ur henn­ar hef­ur lít­ið mætt í skól­ann í á ann­að ár eft­ir at­vik í skól­an­um sem for­eldr­arn­ir kærðu til lög­reglu. Mál­ið var lát­ið nið­ur falla. Skóla­stjór­inn er nú á för­um en sveit­ar­stjór­inn seg­ir það „eng­um ein­um að kenna þeg­ar tveir deila“.

For­setafram­bjóð­end­urn­ir fjór­ir sem mælst hafa lík­leg­ast­ir til þess að kom­ast alla leið á Bessastaði þann 1. júní næst­kom­andi svör­uðu spurn­ing­um blaða­mann­anna Helga Selj­an og Að­al­steins Kjart­ans­son­ar mjög mis­skýrt í Pressu fyr­ir viku síð­an. Hér eru nokk­ur dæmi um spurn­ing­ar sem þau áttu erfitt með.

Sæmd­arkúg­un hef­ur færst í auk­ana síð­ast­lið­in ár, en lög­regl­an tel­ur að­eins hluta slíkra brota rata inn á borð til sín. Þo­lend­ur eru oft mjög ung­ir, jafn­vel á grunn­skóla­aldri. Þetta kem­ur fram í nýj­asta þætti Á vett­vangi í um­sjón Jó­hann­es­ar Kr. Kristjáns­son­ar.

Katrín Jak­obs­dótt­ir, for­setafram­bjóð­andi og fyrr­ver­andi for­sæt­is­ráð­herra þar til fyr­ir tæp­um mán­uði síð­an, tel­ur sig ekki þurfa að svara spurn­ing­um um mál sem hún kom að á Al­þingi sem enn eru í vinnslu þar. Í fyrsta skipti er for­setafram­bjóð­andi í þeirri stöðu að þurfa mögu­lega að sam­þykkja eða synja lög­um sem við­kom­andi kom að á þingi sem ráð­herra.

Rík­is­sjóð­ur sit­ur uppi með yf­ir 500 millj­óna króna reikn­ing eft­ir að Har­ald­ur Johann­essen, fyrr­ver­andi rík­is­lög­reglu­stjóri, hækk­aði líf­eyr­is­rétt­indi út­val­inna und­ir­manna sinna um helm­ing, án þess að hafa til þess heim­ild. Þetta er nið­ur­staða meiri­hluta Hæsta­rétt­ar sem kall­ar verk Har­ald­ar „ör­læt­is­gjörn­ing“. Stór hluti þess­ara und­ir­manna Har­ald­ar skrif­aði und­ir op­in­bera stuðn­ings­yf­ir­lýs­ingu við hann stuttu síð­ar. Samn­ing­arn­ir standa samt því und­ir­menn­irn­ir vissu ekki bet­ur en að Har­ald­ur mætti gera þá. Um­mæli tveggja ráð­herra hafi styrkt þá trú þeirra.

Nær eng­ar breyt­ing­ar hafa orð­ið á fylgi efstu fram­bjóð­enda á allra síð­ustu dög­um sam­kvæmt kosn­inga­spánni. Ef horft er til síð­ustu kosn­inga þar sem nýr for­seti var kos­inn þurfa fram­bjóð­end­ur þó ekki að ör­vænta. Fylg­ið fór þá á fleygi­ferð á síð­ustu vik­un­um.

Rit­stjóri Morg­un­blaðs­ins seg­ir upp­lýs­ing­ar um að Séra Frið­rik Frið­riks­son, stofn­andi KFUM, hafi beitt fjöl­marga drengi kyn­ferð­is­legu áreiti og of­beldi vera „get­gát­ur eins manns“ eft­ir að „ímynd­un­ar­afl hans fór loks í gang eft­ir tæp 75 ár.“ Það að stytta af hon­um hafi ver­ið fjar­lægð sé merki um of­stæki þeirra sem noti hvert tæki­færi til að þykj­ast betra og pen­inga­laus­ara en ann­að fólk.

Arn­ar Þór Jóns­son, hæsta­rétt­ar­lög­mað­ur og for­setafram­bjóð­andi, seg­ir að eitt­hvað sé til sem heiti rétt og rangt. Fólk geti því ekki ver­ið kett­ir. Hann, ásamt Stein­unni Ólínu Þor­steins­dótt­ur og Helgu Þór­is­dótt­ur, tók þátt í kapp­ræð­um í nýj­asta þætti Pressu.