Fréttir

Vilja að Ísland veiti miklu minni þróunaraðstoð en Alþingi samþykkti

Fjármálaáætlun Benedikts Jóhannessonar felur í sér framlengingu á stefnu ríkisstjórnar Sjálfstæðisflokksins og Framsóknarflokksins að því er varðar framlög Íslendinga til þróunarsamvinnu og gengur gegn þverpólitískri sátt sem náðist á Alþingi árið 2013.

Ísland verður áfram undir meðaltali OECD-ríkja og langt undir meðaltali Norðurlandanna að því er varðar framlög til þróunarsamvinnu sem hlutfall af vergum þjóðartekjum næstu fimm árin samkvæmt fjármálaáætlun Benedikts Jóhannessonar fjármála- og efnahagsráðherra. Ríkisstjórn Sjálfstæðisflokksins, Viðreisnar og Bjartrar framtíðar ætlar að reka sams konar stefnu og ríkisstjórn Sjálfstæðisflokksins og Framsóknarflokksins að þessu leyti.

Árið 2013 náðist þverpólitísk sátt um aukin framlög til þróunarsamvinnu á Alþingi. 39 þingmenn úr öllum flokkum samþykktu þingsályktun þar sem mörkuð var sú stefna að árið 2019 rynnu 0,7% af vergum þjóðartekjum Íslendinga til þróunarmála. Þetta eru hátt í þrefalt hærri framlög en núverandi ríkisstjórn vill verja til málaflokksins árið 2019 og allt til ársins 2022.

Framlög Íslendinga til þróunarsamvinnu nema 0,25% af vergum þjóðartekjum á þessu ári og samkvæmt áætluninni munu þau nema 0,26% út áætlunartímabil fjármálaáætlunarinnar. Þetta eru sömu markmið og lagt var upp með í fjármálaáætlun Bjarna Benediktssonar sem samþykkt var í fyrra en jafnframt í takt við tillögur hagræðingarhóps síðustu ríkisstjórnar sem Guðlaugur Þór Þórðarson, sem nú er utanríkisráðherra og fer með málefni þróunarsamvinnu, átti sæti í á síðasta kjörtímabili. Lagði hópurinn til að framlög til þróunarmála yrðu endurskoðuð og fallið yrði frá áformum um hækkun þeirra. 

 

Rósa Björk Brynjólfsdóttirþingkona Vinstri grænna

„Það er greinilegt að núverandi utanríkisráðherra Íslands er andstæðingur þróunarsamvinnu. Það er ekkert annað en hneykslanlegt en í algjöru samræmi við hugmyndir hans og Vigdísar Hauksdóttur í hagræðingahópi ríkisstjórnar síðasta kjörtímabils,“ segir Rósa Björk Brynjólfsdóttir, þingkona Vinstri grænna í samtali við Stundina.

„Það er samt enn sorglegra að Viðreisn og Björt framtíð skuli styðja þessar niðurskurðarhugmyndir til verkefna sem eiga að gagnast þeim allra fátækustu í heiminum. Það hlýtur að koma mörgum mjög á óvart.“

Í þingsályktuninni sem samþykkt var árið 2013 var sett fram áætlun um alþjóðlega þróunarsamvinnu Íslands á árunum 2013 til 2016. Vigdís Hauksdóttir var eini þingmaðurinn sem greiddi atkvæði gegn málinu og vakti atkvæði hennar mikla hneykslan.

Í áætluninni var lagt upp með að hlutfall þróunarframlaga, sem var 0,26% árið 2013, myndi hækka jafnt og þétt og nema 0,42% árið 2016. Með þessu móti gæti Ísland varið 0,7% af þjóðartekjum til þróunarmála árið 2019 í samræmi við viðmið Sameinuðu þjóðanna um framlög iðnríkja til málaflokksins. Þingmenn Sjálfstæðisflokksins og Bjartrar framtíðar voru á meðal þeirra sem studdu og

Skráðu þig inn til að lesa

Þú færð 4 greinar fríar í mánuði. Þú hefur síðan val um að styrkja óháða blaðamennsku með áskrift á hagstæðu verði, frá aðeins 1.190 krónum á mánuði. Leiðbeiningar má nálgast á stundin.is/leidbeiningar.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Pistill

Baráttan um heilbrigðiskerfið er barátta fyrir lýðræði

Pistill

Vaxandi misskipting

Fréttir

Landlæknir leiðréttir „misskilning“ Óttars – lagatúlkun ráðuneytisins opni á einkavæðingu heilbrigðiskerfisins

Fréttir

Páll vill sýna United Silicon skilning: „Það getur kviknað í hverju sem er“

Úttekt

Nýlendur unga fólksins

Pistill

Burt með grasið, lifi mosinn!

Mest lesið í vikunni

Viðtal

Heimsækja allar kirkjur á höfuðborgarsvæðinu

Pistill

Um kosti þess að búa á Íslandi

Úttekt

Björn Ingi fékk kúlulán meðfram lundafléttu

Fréttir

Segir Viðskiptablaðið fara með dylgjur og lygar

Pistill

Ótrúlegt nokk: Norður-kóreski herinn er sá stærsti í heimi

Pistill

Ísland efnahagsbrotalaust land 2020