Allir í heiminum hafa á einhverjum tímapunkti velt fyrir sér við hvaða íslenska stjórnmálaflokk vinirnir í sjónvarpsþáttunum Friends samsama sér. Enginn hefur hins vegar komið upp með fullkomið svar við þessari áleitnu spurningu.

Fyrr en núna!

Eftir þrotlausar rannsóknir í æsilegu kappi við tímann (því Friends fara af Netflix um áramótin) liggja óvéfengjanlegar og afar vísindalegar niðurstöður fyrir. Það er gaman að horfa á Friends, en hræðileg sjálfstortíming að hugsa um íslensk stjórnmál. Því eru kjósendur beðnir um að kjósa héðan í frá eftir tilfinningu fyrir persónunum í Friends, því það kemur í ljós fullkomin samsvörunin milli persóna þáttanna og íslenskra stjórnmálaflokka.

Sem sagt - bless við málþóf, málskrúð og málamiðlanir og halló vinátta og óhemju lifandis býsn af kynferðislega hlöðnu gríni.

Þeir sem ekki þekkja Friends eru beðnir um að spyrja barnabörnin sín út í málið.

	Stjórnmálaflokkur	Friends týpa	Útskýring
	Sjálfstæðisflokkurinn	Joey	Algerlega sjálflægur. Allir virðast samt fyrirgefa honum allt, svo lengi sem hann setur upp hvolpsaugun. Er búinn að prófa að vera með öllum. Frelsið skiptir hann öllu máli, en hann gerir sér engan vegin grein fyrir afleiðingum sjálfselskunnar.
	Framsóknarflokkurinn	Phoebe Buffet	Alltaf úr takti. Alltaf lamandi hallærisleg, en soldið sjarmerandi stundum. Passar alls staðar inn í og hvergi. Aðallega hvergi. Yfirleitt tekur maður ekkert eftir henni, en svo gerir hún eitthvað svo rosalega úr takti að maður tekur andköf. Stendur í þeirri trú að hún sé hæfileikarík.
	Vinstrihreyfingin - Grænt framboð	Chandler	Besti vinur Joey og ver allt sem hann gerir, bókstaflega fram í rauðan dauðann. Er alltaf að reyna að vera í einhverju liði, passa inn, en mistekst alltaf. Varnarmekanisminn felst í því að bulla.
	Samfylkingin	Rachel	Smart. Rosalega smart. Var ég búinn að segja smart? Skilgetið afkvæmi miðstéttarinnar. Átti í hörmulegu sambandi við Joey. Skotin í Ross.
	Píratar	Ross	Nörd. Er alltaf svolítið skrýtinn í hópi venjulegs fólks. Getur verið alveg óbærilega leiðinlegur þegar hann hefur rétt fyrir sér. Skotinn í Rachel.
	Viðreisn	Monica	Allt þarf að ganga upp - stærðfræðilega rétt planað. Reynir að virka létt og leikandi, en það er bara pínlegt. Stærðfræðingar eru ekki lús á því, sama hvað þeir reyna. Engin tilviljun að Ross og Monica eru systkini - bæði nördar.
	Flokkur Fólksins	Janice	Góðhjörtuð dramadrottning - en alveg frámunalega hávaðasöm og pirrandi. Ó. Mæ. God. Helst illa á karlmönnum.
	Miðflokkurinn	Ursula Buffet	Hinn illi tvíburi Phoebe Buffet. Frekari útskýring óþörf.
	Sósíalistaflokkurinn	Ugly naked guy	Miðlarnir reyna að sýna hann aldrei. Vinirnir snerta hann ekki nema með risastóru priki. Engu að síður er borin fyrir honum óttablandin virðing, en er hann lifandi eða dauður? Er hann goðsögn?