Vissulega er ýmislegt sem ég sakna við Ísland, fjarlægðin gerir fjöllin blá, en það eru líka ástæður fyrir því að ég flyt ekki til baka. Noregur er frábært land og hér eru 10 hlutir sem mér líkar betur við Noreg heldur en Ísland. Einnig valdi ég Suður-Noreg af ástæðu.
1. Hvítar strendur og heit sumur
Síðasta sumar eyddi ég ómældum tíma á ströndinni í 30-32 stiga hita, syndandi í sjónum og grillandi pulsur á ströndinni. Það er svo dásamlegt að búa í landi þar sem það kemur alvöru sumar, þar sem maður getur hoppað út í sumarkjól og það er heitt!
2. Ekkert rok
Ég get næstum talið á fingrum annarrar handar hversu oft kemur rok hjá mér, ég fer í göngutúr daglega með hundinn minn og við löbbum nær undantekningalaust í logni. Ég næ varla að venjast því, þvílík dásemd.
Athugasemdir