Einkavæðing bankanna
Fréttamál
Umboðsmaður telur einkavæðingu bankanna gott sem fullrannsakaða
Stjórnskipunar- og eftirlitsnefnd hefur nú til skoðunar hvort hrinda eigi í framkvæmd þingsályktuninni frá 2012 um rannsókn á einkavæðingu bankanna. Lögfræðingur sem starfaði með tveimur rannsóknarnefndum Alþingis telur rannsóknarspurningar sem fylgdu þingsályktuninni vanhugsaðar og umboðsmaður Alþingis telur ólíklegt að sérstök rannsókn á einkavæðingu bankanna leiði fram nýjar markverðar upplýsingar.
Ólafur Ólafsson lýsir pólitískri spillingu á Íslandi í varnarræðu sinni
Fjárfestirinn Ólafur Ólafsson, sem rannsóknarnefnd um einkavæðingu Búnaðarbankans segir hafa staðið að málamyndagerningi til að blekkja yfirvöld, sakar ráðherra Framsóknarfloksins og Sjálfstæðisflokksins um pólitísk inngrip. „Við vorum hafðir að leiksoppum í pólitísku leikriti,“ segir Ólafur meðal annars.
Aðilarnir að plottinu eru umsvifamiklir í íslensku viðskiptalífi í dag
Ólafur Ólafsson, Guðmundur Hjaltason og Hreiðar Már Sigurðsson neituðu allir að mæta í skýrslutöku vegna rannsóknarinnar á einkavæðingu Búnaðarbankans. Þeir eru nú umsvifamiklir í viðskiptalífinu, meðal annars í fasteignaviðskiptum á höfuðborgarsvæðinu og hóteluppbyggingu.
Benedikt ósammála Bjarna Benediktssyni – vill ljúka rannsókn á sölu bankanna
Forsætisráðherrann Bjarni Benediktsson vill ekki nánari rannsókn á einkavæðingu bankanna, en Benedikt Jóhannesson fjármálaráðherra segir svar sitt einfalt: Það þurfi að ljúka rannsókn. Hann hefur skrifað Fjármálaeftirlitinu bréf vegna kaupa vogunarsjóða í Arion banka.
Bjarni vill ekki rannsaka einkavæðingu bankanna
Bjarni Benediktsson forsætisráðherra vill draga lærdóm af blekkingum við einkavæðingu bankanna en ekki rannsaka hana nánar. Meðlimur einkavæðingarnefndar sagði af sér vegna óásættanlegra vinnubragða við sölu ríkisins á Landsbankanum og taldi formenn flokkanna hafa handvalið kaupendur bankanna. Ólafur Ólafsson afsalaði Framsóknarflokknum húsi mánuði áður en hann keypti Búnaðarbankann af ríkinu á fölskum forsendum.
