„Ástin getur dvínað en rúgbrauðið er alltaf traust“
Bíllinn hans Torfa Ásgeirssonar hefur fylgt honum í gegnum súrt og sætt.
« Síðasta síða
Síða 2 af 21
Næsta síða »
Fór með hjartað í buxunum á fund átrúnaðargoðsins
Fyrir nokkrum mánuðum, þegar Þóri Snæ Sigurðarsyni áskotnaðist allra fyrsta hljómplatan sem Ragnar Bjarnason söng inn á, lét hann slag standa og hringdi í átrúnaðargoð sitt í þeirri von að fá áritun. Raggi tók vel á móti Þóri á heimili sínu, áritaði plötuna, sagði honum bransasögur og kvaddi að lokum með orðunum: „Gangi þér vel, elskan!“
Fjarstjórnun ekki síður mikilvæg en fjarvinna
Það er kúnst að reka fyrirtæki sem reiðir sig á fjarvinnu starfsmanna. Þetta segir Bjarney Sonja Ólafsdóttir Breidert, framkvæmdastjóri alþjóðlega hugbúnaðarfyrirtækisins 1xINTERNET. Hún segir að fólk verði jafnvel agaðra og afkastameira í fjarvinnu en í hefðbundnu vinnuumhverfi, að því gefnu að hún sé vel skipulögð og ferlar séu skýrir.
Fyrst íslenskra kvenna til að útskrifast sem hjarta- og lungnaskurðlæknir
„Ég ætla að verða læknir þegar ég verð stór,“ sagði Ragnheiður Martha Jóhannesdóttir við ömmu sína, þegar hún var ekki nema tveggja ára. Nú, þrettán árum eftir að hún hóf læknanám við Háskóla Íslands, er hún orðin hjarta- og lungnaskurðlæknir, fyrst íslenskra kvenna.
Kannski veiran núllstilli okkur?
Feðgarnir Ólafur Ingi Kristinsson og Kristinn Ólafsson líta á björtu hliðarnar
Samheldni og náungakærleikur áberandi í Eyjum
Íbúar í Vestmannaeyjum virðast bregðast við ástandinu sem þar hefur skapast vegna COVID-19 með æðruleysi og von um að allt fari á besta veg. Þar hafa meira en hundrað íbúa greinst með kórónaveiruna og á þriðja hundrað er í sóttkví. Dagsferð Heiðu Helgadóttur ljósmyndara til Eyja breyttist í langa helgarferð þar sem hún varð veðurteppt í Eyjum. Það kom ekki að sök, því Eyjamenn tóku henni opnum örmum og leyfðu henni að fylgjast með óvenju rólegu mannlífinu þar þessa dagana. Hún segir samheldni þeirra og samkennd áberandi, eins og Hlynur lögreglumaður, sem fór með henni víða um Eyjarnar, sagði: „Þetta er afskaplega létt og gott samfélag, allir eru mjög samhuga. Við ætlum bara að klára þetta saman.“
Hólmfríður Helga Sigurðardóttir
Fyllt upp í tómið
Sambýlismaður í sóttkví, tvö grunnskólabörn og eitt leikskólabarn í heimakennslu vegna smita í þeirra skólum. Þannig var síðasta vika og Hólmfríður Helga Sigurðardóttir hélt að nú þyrfti að nýta hugmyndaflugið svo engum færi að leiðast. Annað kom á daginn.
Heimilisofbeldi eykst í faraldrinum – tvær látnar
Lögreglustjórinn á Suðurnesjum hefur óskað eftir framlengingu á gæsluvarðhaldi yfir sambýlismanni konu sem fannst látin í heimahúsi í Sandgerði að kvöldi 28. mars. Framkvæmdastýra Kvennaathvarfsins, dómsmálaráðherra og ríkislögreglustjóri lýsa allar yfir áhyggjum af auknu heimilisofbeldi. Flest bendir til þess að tvær konur hafi verið myrtar í heimahúsum á Íslandi eftir að kórónaveirufaraldurinn braust út.
Dagbækur úr útgöngubanni: „Ekkert verður aftur eins og það var“
Róttækar breytingar á daglegu lífi eru nú veruleiki fólks um heim allan. Söknuður eftir hversdagslífi, vinum og fjölskyldu, ótti við hið ókunna, atvinnuóöryggi og tortryggni í garð yfirvalda er meðal þess sem lesa má úr dagbókarfærslum sex jarðarbúa, skrifaðar á sjö dögum. Allir búa þeir við útgöngubann á sínum bletti jarðarkúlunnar. En þrátt fyrir að allir lifi þeir nú tíma sem eiga sér enga hliðstæðu í sögunni njóta þeir í auknum mæli fegurðar þess einfalda, finna til djúpstæðs náungakærleika og vilja síður snúa aftur til þess mynsturs sem einkenndi líf þeirra áður en veiran tók það yfir.
Straujar peningaseðlana til að drepa veiruna
Mikil óvissa ríkir hjá íbúum Ungverjalands um það hvað stóraukin völd stjórnvalda í kjölfar lagabreytingar hafi í för með sér. Einn þeirra er Herald Magyar, rithöfundur, þýðandi, leikari og listamaður frá Ungverjalandi, sem býr ásamt eiginkonu sinni í litlu húsi í útjaðri smábæjar í norðurhluta Ungverjalands. Líf þeirra hefur kollvarpast á skömmum tíma. Herald er einn sex jarðarbúa sem deila dagbókum sínum úr útgöngubanni með lesendum Stundarinnar.
Óttast hungrið meira en veiruna
Stjórnvöld í Argentínu hafa stært sig af því að hafa brugðist hratt við ógninni sem stafar af COVID-19. Frá því 19. mars hefur útgöngubann verið í gildi þar. Lucia Maina Waisman er blaðamaður, samfélagsmiðlari, kennari og baráttukona fyrir mannréttindum, sem er búsett í borginni Kordóba í Argentínu. Hún deilir dagbókarfærslum sínum með lesendum Stundarinnar.
„Það er svo mikil þögn þarna úti“
Stjórnvöld í Bandaríkjunum fóru hægt af stað með aðgerðir til að hefta COVID-19 faraldurinn og landsmenn virðast nú súpa nú seyðið af því, þegar útbreiðsla hans virðist stjórnlaus. New York-ríki hefur hingað til farið verst út úr faraldrinum en tilfellunum fjölgar hins vegar hratt í fleiri ríkjum, meðal annars í Los Angeles þar sem Siobhan Murphy, rithöfundur og framleiðandi, býr.
Býst ekki við að börnin snúi aftur í skólann á þessu ári
Í Katalóníu hefur verið strangt útivistarbann í gildi frá því um miðjan mars. Þar, eins og víðar í landinu, eru íbúar uggandi enda standast heilbrigðisstofnanir álagið vegna kórónaveirunnar illa. Í Barcelona býr Judit Porta, blaðamaður og menningarmiðlari, með eiginmanni og tveimur börnum. Þau búa í lítilli íbúð í Gracia-hverfinu og hafa ekki stigið út fyrir hússins dyr svo vikum skiptir. Hún deilir hér dagbók sinni með lesendum Stundarinnar.
„Getum við farið?“
Í Marrakesh í Marrokkó búa hjónin Birta og Othman með dætur sínar fjórar. Þarlend yfirvöld brugðust hraðar við COVID-vánni en mörg nágrannaríkin, settu meðal annars á strangt útgöngubann og aðrar hömlur á daglegt líf. Þrátt fyrir aðgerðirnar hefur tilfellum kórónaveirunnar fjölgað þar hratt á undanförnum dögum. Birta Árdal Nóra Bergsteinsdóttir deilir dagbók sinni með lesendum Stundarinnar. Í henni má meðal annars lesa að fjölskyldan hafði hug á að koma til Íslands á meðan á heimsfaraldrinum stendur, sem hefur reynst erfitt hingað til.
Dreifir gleði til að takast á við óttann
Leikkonan Edda Björgvinsdóttir er ein þeirra fjölmörgu sem hafa skráð sig í bakvarðasveit undanfarna daga. Í dag mætir hún til starfa á dvalar- og hjúkrunarheimilið Lund á Hellu, ekki þó sem heilbrigðisstarfsmaður heldur sem gleðidreifari. Faðir Eddu, 97 ára, dvelur á Lundi. Þau feðgin hafa ekki sést svo vikum skiptir, öðruvísi en í gegnum gler, svo búast má við fagnaðarfundum.
Sögð njóta sömu réttinda og grískir ríkisborgarar í Grikklandi
Tvær fjölskyldur frá Írak, með þrjár ungar stúlkur á sínu framfæri, voru ekki metnar í nægilega viðkvæmri stöðu til að þeim yrði veitt alþjóðleg vernd á Íslandi. Senda á fjölskyldurnar aftur til Grikklands, þar sem þær bjuggu áður í tjaldi í á þriðja ár, við afar slæman aðbúnað. Í fjölskyldunni eru einstaklingar sem eiga við alvarleg andleg og líkamleg veikindi að stríða, auk þess sem ein stúlkan, Fatima, glímir við fötlun eftir að hafa orðið fyrir sprengjuárás í æsku.
« Síðasta síða
Síða 2 af 21
Næsta síða »
