Pistill

Þrjár spurningar um nýja ríkisstjórn

Illugi Jökulsson telur sig eiga rétt á að fá þremur spurningum svarað

Oddvitar ríkisstjórnarflokkanna - eða flokksins. Þetta er skjáskot úr sjónvarpinu eins og sjá má af táknmálstúlkinum.

Ég kaus engan þeirra þriggja flokka sem nú hafa myndað ríkisstjórn.

Eigi að síður tel ég mig hafa rétt á að krefjast svara við þremur spurningum af forystumönnum flokkanna.

Og vona og treysti að þeir bregðist skjótt og vel við.

Í fyrsta lagi - spurning til Óttarrs Proppé.

Hvenær, hvers vegna og af hverjum af var sú ákvörðun tekin að Björt framtíð skyldi fram í rauðan dauðann fylgja Viðreisn bæði í einu og öllu? Var um þetta rætt innan flokksins eða stafaði þetta eingöngu af því hve hændur Óttarr Proppé varð að Benedikt Jóhannssyni?

Athugið að það dugar ekki að svara: Báðir flokkarnir eru frjálslyndir miðjuflokkar og því eðlilegt að þeir leggi saman krafta sína til að öðlast meira vægi.

Flokkarnir tveir voru nefnilega ekki að „leggja saman krafta sína“ heldur væri sanni nær að Björt framtíð hafi lagt sig niður og gerst deild í Viðreisn.

Þetta blasti við öllum með augu og eyru í höfðinu.

Björt framtíð mun vissulega hafa sýnt því einlægan áhuga að mynda fimmflokkastjórnina (það segir Birgitta hreinskilnislega), en strax og ljóst varð að Viðreisn hafði engan slíkan áhuga, þá fylgdi Björt framtíð Viðreisn í blindni en myndaði sér - að því er virðist - ekki sjálfstæða skoðun á því hvort haldið skyldi áfram í bandalaginu við Benedikt.

Sem leiðir beint að spurningu númer tvö:

Er það rétt, Benedikt Jóhannsson, að þú hafir alla tíð sýnt algjört áhugaleysi í viðræðum um fimmflokkastjórnina, varla sagt eitt einasta orð á fundum og gefið frá byrjun fullkomlega til kynna með orðum (eða orðaleysi) og fasi og áhugaleysi að þú værir bara að bíða eftir að þessu lyki, svo þú gætir snúið þér að þínu raunverulega áhugamáli - að mynda Engeyjarstjórnina?

Sem sé: Lagðir þú eitthvað til málanna í viðræðum um fimmflokkastjórnina, Benedikt, eða ekki?

Eða voruð þið frændur búnir að ákveða og handsala hvernig staðið skyldi að þessu?

Og í þriðja lagi, Bjarni Benediktsson.

Ef Jóhanna Sigurðardóttir hefði stungið oní skúffu mikilsverðri skýrslu sem snerti jafnt þjóðarhag og tilefni kosninga - til dæmis árið 2013 - og hún hefði síðan logið blákalt um það hvenær sú skýrsla hefði borist, hvenær hún sjálf hefði séð hana og hvaða máli skýrslan hefði skipt - hversu fljótur hefðir þú orðið upp á háa C í þinni algjöru hneykslun yfir þessum lygum og þeirri ótrúlegu spillingu?

Það má skeika tveim þrem sekúndum í svarinu.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Fréttir

Lögbann á frekari umfjöllun um viðskipti forsætisráðherra

Fréttir

Faðir Bjarna Benediktssonar greiddi upp skuldir hans vegna áhættuviðskipta

Pistill

Baráttan við TR-kerfið – mig grunaði aldrei hversu niðurlægjandi hún yrði

Blogg

„Getur ekki einhver þaggað niðri í Stundinni?“

Fréttir

Þrýsti á fjölmiðlaeiganda vegna umfjöllunar um Vafningsmálið en segist aldrei hafa reynt að stöðva fréttaflutning

Pistill

Það sem Sjálfstæðisflokkurinn vill ekki að þú vitir um húsnæðismál

Mest lesið í vikunni

Pistill

Það sem Sjálfstæðisflokkurinn vill ekki að þú vitir um heilbrigðismál

Fréttir

Lögbann á frekari umfjöllun um viðskipti forsætisráðherra

Fréttir

Faðir Bjarna Benediktssonar greiddi upp skuldir hans vegna áhættuviðskipta

Rannsókn

Engeyingarnir fengu tveggja milljarða kúlulán til að eignast N1

Afhjúpun

Bjarni losnaði við 50 milljóna kúlulánaskuld í aðdraganda hrunsins

Pistill

Einum vísað af lista Sjálfstæðisflokksins