Auglýsingin hverfur eftir stutta stund...
Loka

Pistill

Fleiri byssur

Kött Grá Pje vill ekki bara fleiri byssur heldur alvöru herskip og skítabombur.

Við þurfum fleiri byssur í umferð. Skammbyssur það er að segja, og hríðskotabyssur. Afsagaðar haglabyssur sleppa til. Við þurfum nauðsynlega vélbyssur, úff já og handsprengjur og hvað um sprengjuvörpur? Líka stórskotaliðsvopn og almennileg loftskeyti – sænsk til dæmis. Að sjálfsögðu líka eldvörpur, árásarþyrlur, byssustingi og jarðsprengjur. Vopnaleitarhlið, bönkera, brynvarin ökutæki og skriðdreka. Já og eldflaugar með sprengjuoddum, Maginot-línudansflokka, sprengjuflugvélar með ámáluðum rándýrsskoltum og vopnaða kafbáta í hverja vík (og fleiri í alla byggða firði, jú og óbyggða líka). Herskip – ekki sissí gæsluskip með björgunartól og bleikum þyrlum heldur próper tundurspilla, beiti-, orrustu- og flugmóðurskip með bölvandi hrúðurkörlum. Leisergeislasúperbyssur, geimvarnarkerfi, radarstýrð vélbyssu- og napalmúðabelti og hreyfistýrðar teppasprengjusturtur, kjarnaodda, drullubombur, kínverja og hundaskítslorta í logandi pokum; kláðaduft, tóm slökkvitæki, rispaðar Metallica-plötur, prumpublöðrur, vasahnífagreiður, spillta endurskoðendur og brjóstvasatrúðablóm sem sprauta menguðu grunnvatni. Rauðskinnu Galdra-Lofts ljósritaða í almenna umferð, batteríslausa reykskynjara, ormétin epli, skáldverk Helga Jónssonar í heitavatnstanka, grófan klósettpappír, mygluð jarðarber á þúsundkall og gluggaumslög full af útreikningum fjármálastofnana sem hata okkur sem erum krónískt blönk. Svikamiðla, árunuddara og sjálfumglaða reikaheilara með óskilyrtar forvirkar rannsóknarheimildir og vottorð í leikfimi, teygjubyssur í ruslabílana, megna líkamslykt og klósettvatnsblöðrur í strætóana, sem ávallt skulu vera á undan áætlun. Nammi með gráðaostabragði í lobbýin og á nammibarina, vannærðan búfénað í alla fréttatíma og andfúla hunda með spilafíkn og ólæknandi sjálfseyðingarhvöt í hverja hverfissjoppu, á hvern fund borgarstjórnar og palla Alþingis. Þetta er heimurinn í dag, þetta er nútíminn, núið, núvitundin, presensið, geimtíminn, mómentið og allar okkar fjúkandi tjúlluðu grillur. Heill þjóðaröryggisráði og piparúðandi lögregluþjónum í klossum með stáltám. Lifi öfgamennirnir, hvort sem er með bindi, krossa eða keffiyeh. Hestafólk líka. Fleiri vopn, einkum fyrir börnin. Þetta er uppspuni frá rótum, með útúrdúrum og afleggjurum, allt samanfléttað í rauntíma. Ég vil fleiri byssur, meiri skít, fullkominn fölskva. Förgum okkur.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Fréttir

Gagnrýnir prófíl-mynd þingkonu sem kvartar undan áreitni

Fréttir

Isavia þarf að afhenda Aðalheiði yfirstrikaðar upplýsingar: „Svo mér endist ævin til að reka þetta mál“

Fréttir

Þrjú hundruð stjórnmálakonur skora á stjórnvöld: „Hótað nauðgun vegna skoðana minna“

Fréttir

Geir tapar fyrir Mannréttindadómstólnum: Engin mannréttindi brotin í Landsdómsmálinu og málsmeðferð í samræmi við lög

Fréttir

Óttast að trúfélagsapp safni persónuupplýsingum

Fréttir

Undanfarin ár sýnt að sjálfstæð peningastefna geti virkað á Íslandi

Mest lesið í vikunni

Pistill

Davíð spilar með Geir og þjóðina

Aðsent

VG – in memoriam

Fréttir

Gagnrýnir „afsal á forystuhlutverki Sjálfstæðisflokksins til VG“ og segir að frjálsar umræður leyfist ekki í Valhöll

Fréttir

Selur bílinn sinn til að borga ríkinu fyrir eigin brottflutning

Fréttir

Umtalaðasta símtalið birt: „Þetta eru 100 millj­arð­ar, spít­al­inn og Sunda­braut­in“

Fréttir

Gagnrýnir prófíl-mynd þingkonu sem kvartar undan áreitni