Ætli það sé ekki sanngjörn krafa að forystumenn Bjartrar framtíðar, Viðreisnar og Sjálfstæðisflokksins kunni skil á þeim stjórnarsáttmála sem ríkisstjórn þeirra hyggst starfa eftir næstu árin og segi satt og rétt frá þegar þeir kynna efni sáttmálans fyrir almenningi?
Í viðtali við Harmageddon í dag sagði Óttarr Proppé:
„Fyrir þarseinustu kosningar var lofað að það yrði þjóðaratkvæðagreiðsla um að halda áfram eða ekki, það varð ekki, hér er það alveg rígneglt í stjórnarsáttmála.“
En í stjórnarsáttmála nýrrar ríkisstjórnar stendur:
„Komi fram þingmál um þjóðaratkvæðagreiðslu um aðildarviðræður við Evrópusambandið eru stjórnarflokkarnir sammála um að greiða skuli atkvæði um málið og leiða það til lykta á Alþingi undir lok kjörtímabilsins.“
Las Óttarr ekki örugglega sáttmálann áður en hann skrifaði undir?
Athugasemdir