Auglýsingin hverfur eftir stutta stund...
Loka

Pistill

Af sviðinni jörð lýðræðisins

„Nú blasir við okkur sá raunveruleiki að hér gæti tekið til starfa hægrisinnaðasta ríkisstjórn í manna minnum. Ríkisstjórn flokka sem engan áhuga hafa haft á því að ræða aukna misskiptingu í samfélaginu og virðast ekki líta á hana sem vandamál,“ skrifar Gústav Adolf Bergmann Sigurbjörnsson, doktorsnemi í heimspeki og fráfarandi stjórnarmaður Lýðræðisfélagsins Öldu.

Þegar kemur að lýðræðismálum, valdeflingu almennings og vinnu með traust á stjórnkerfinu þá skildi seinasta ríkisstjórn eftir sig sviðna jörð. 

Stjórnarskrárferlið, ein merkasta tilraun í íbúalýðræði í mannkynssögunni, var ekki aðeins þaggað heldur markvisst barið niður. Loforð um þjóðaratkvæði og aðkomu þjóðarinnar að ákvörðunum um hvort umræðum við Evrópusambandið skildi haldið áfram var blákalt svikið. Og þegar vanhæfi stjórnmálamanna blasti við öllum í kjölfar Panamamálsins þá voru viðbrögðin ekki hógværð og viðurkenning á því að valdið er lýðsins, heldur hroki og valdbeiting, með þeirri niðurstöðu einni að með herkjum var aðeins hægt að koma einum vanhæfum ráðamanni frá. Og það þrátt fyrir stærstu mótmæli Íslandssögunnar og þó víðar væri leitað. Og eina hugmynd þeirra um aukið íbúalýðræði reyndist vera að flytja kosningarnar fram um nokkra mánuði, og það ekki fyrr en búið var að snúa rækilega upp á hendurnar á þeim.

Nú blasir við okkur sá raunveruleiki að hér gæti tekið til starfa hægrisinnaðasta ríkisstjórn í manna minnum. Ríkisstjórn flokka sem engan áhuga hafa haft á því að ræða aukna misskiptingu í samfélaginu og virðast ekki líta á hana sem vandamál. Flokka sem takmarkaðan áhuga virðast hafa á því að stíga skref í átt að aukinni lýðræðisvæðingu, hvort sem er á hinu opinbera sviði eða í einkageiranum. Það er því mikilvægara nú en oft áður að borgarar landsins láti í sér heyra, þannig að samfélagsleg gildi og uppbygging á því sem við eigum saman verði ekki fótum troðið af fjármálaöflunum.

Ef þið eruð orðin þreytt á ástandinu, en líka þreytt á því að nöldra yfir því, viljið gera eitthvað í málunum, en langar ekki að ganga í stjórnmálaflokk, þá er ég með tillögu handa ykkur:

Í kvöld verður aðalfundur Lýðræðisfélagsins Öldu. Ný stjórn mun hefja störf. 

Lýðræðisfélagið hefur starfað sem þrýstiafl á stjórnvöld og verkalýðsfélög síðan frá hruni. Félagið hefur m.a. lagt áherslu á lýðræðisumbætur, aukna þátttöku almennings, lýðræðisvæðingu fyrirtækja, styttingu vinnudagsins og sjálfbærni í umhverfismálum. 

Fundurinn er öllum opinn, eins og allir fundir félagsins.

Látum 2017 vera ár breytinga, komdu á Stofuna við Vesturgötu í Reykjavík í kvöld klukkan 20 og taktu þátt!

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Pistill

Áskorun um #strákahitting

Fréttir

Bjarni um viðskipti með Sjóvá sem fóru til saksóknara: „Mér líst mjög vel á þetta mál“

Pistill

Þorum við að vera við?

Fréttir

Sagðist sjálfur hafa greitt skuldirnar sem faðir hans yfirtók

Viðtal

Þöggunin tók á sig nýjar myndir eftir stjórnarslitin

Viðtal

„Ég treysti Íslendingum ekki lengur“

Mest lesið í vikunni

Fréttir

Lögbann á frekari umfjöllun um viðskipti forsætisráðherra

Pistill

Það sem Sjálfstæðisflokkurinn vill ekki að þú vitir um húsnæðismál

Pistill

Áskorun um #strákahitting

Pistill

Baráttan við TR-kerfið – mig grunaði aldrei hversu niðurlægjandi hún yrði

Leiðari

Óvinir valdsins

Fréttir

Bjarni um viðskipti með Sjóvá sem fóru til saksóknara: „Mér líst mjög vel á þetta mál“