Ekkert lagafrumvarp á Bandaríkjaþingi hefur fengið jafn mikla athygli síðustu mánuði og þingsályktunartillaga Alexandriu Ocasio-Cortez og Ed Markey, öldungadeildarþingmanni frá Massachusetts um The Green New Deal. Ályktunin kallar á umfangsmikla ætlun í fjórtán liðum um róttækar aðgerðir í loftslagsmálum, algert kolefnishlutleysi bandarískrar orkuframleiðslu fyrir árið 2030 og efnahagslífsins alls árið 2050 sem yrði náð með risavaxinni fjárfestingu í grænum innviðum og orkusparneytnari byggingum.

Þingsályktunartillagan kallar á að gerð verði raunhæf áætlun um hvernig hægt sé að ná fram þeim grundvallarbreytingum á bandaríska hagkerfinu sem eru nauðsynlegar ef afstýra á því vistkerfishruni sem nýleg loftslagsskýrsla Sameinuðu þjóðanna kallar á.

Áætlun um að afstýra vistkerfishruni

The New Green Deal er langsamlega metnaðarfyllsta tillaga sem Demókrataflokkurinn hefur lagt fram í loftslagsmálum. Aðgerðir Obama, sem snerust um að hrinda í framkvæmd svokallaðri „Step It Up“ áætlun sem flokkurinn lagði fram 2007, um að draga úr kolefnislosum um 80% fyrir árið 2050, duga ekki til …