Gengu fylktu liði í bæinn fyrir skólasystur

Stór hluti nemenda í Hagaskóla gekk út úr skólanum klukkan 9 í morgun, til að ganga saman að húsnæði Kærunefndar útlendingamála og Dómsmálaráðuneytis og afhenda 6000 undirskriftir sem safnað hefur verið til styrktar nemanda í skólanum, Zainab Safari, sem yfirvöld hafa vísað úr landi.

holmfridur@stundin.is

Nemendur í Hagaskóla slepptu fyrstu skólastundum dagsins og gengu þess í stað fylktu liði að húsnæði Kærunefndar útlendingamála á Skúlagötu og því næst að Dómsmálaráðuneytinu, þar sem undirskriftir þeirra til styrktar skólasystur þeirra, Zainab Safari og fjölskyldu hennar voru afhentar. Undirskriftirnar eru hátt í 6000 talsins en þeim var bæði safnað meðal nemenda Hagaskóla og á vefsíðunni Change.org. Lögregla var með nokkurn viðbúnað í miðbænum í kringum kröfugönguna og fór lögreglubíll á undan hópnum. 

Áður en krakkarnir lögðu af stað buðu þeir foreldrum og öðrum að koma í skólann, fá sér kaffisopa og kleinu og styrkja málstaðinn með frjálsum framlögum, sýna fjölskyldunni og nemendunum í aðgerðum sínum samstöðu. Þannig var hafin peningasöfnun fyrir fjölskylduna.

Sindri Bjarkason, nemandi í 10. bekkHann segir að nemendum Hagaskóla finnist hræðilegt að vísa eigi Zainab úr landi. Þeir hafi ákveðið að gera það sem þeir geta til að koma í veg fyrir það.

Sindri Bjarkason, nemendi í 10. bekk, er einn þeirra sem barist hefur fyrir því að Zainab fái að vera áfram meðal nemenda í Hagaskóla. Hann sagði nær alla nemendur skólans hafa tekið þátt í undirskriftarsöfnuninni og göngunni. „Þetta er bara næstum allur skólinn, við erum bara öll sameinuð hérna til að koma og styðja við hana Zainab. Þegar við komumst að því að Zinab átti möguleika á að vera vísað úr landi fannst okkur það bara alveg hræðilegt, svo við hópuðumst saman og ákváðum að reyna að gera eitthvað í þessu. Við erum búin að vera að safna undirskriftum, bæði frá nemendum skólans en líka bara alls staðar að úr heiminum, erum komin með hátt í 6000 undirskriftir sem við erum að fara að skila núna,“ sagði Sindri á göngunni.

Zainab er 14 ára og kom hingað til lands með móður sinni og tólf ára bróður sem gengur í Hagaskóla. Þeim var synjað um efnislega meðferð á Íslandi, á grundvelli þess að þau hafi þegar alþjóðlega vernd í Grikklandi.  

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Nýtt á Stundinni

Mótmæltu niðurfellingu nauðgunarmála

Mótmæltu niðurfellingu nauðgunarmála

·
Helmingur yfirstjórnenda lögreglunnar fékk stöðuna án auglýsingar

Helmingur yfirstjórnenda lögreglunnar fékk stöðuna án auglýsingar

·
Ferskir straumar í nýrri tónleikaröð við Hlemm

Ferskir straumar í nýrri tónleikaröð við Hlemm

·
Þegar nasisminn nam land

Illugi Jökulsson

Þegar nasisminn nam land

·
Annað andlit  – sama röddin

Þóra Kristín Ásgeirsdóttir

Annað andlit – sama röddin

·
Bróðir ráðherrans sem skipaði Sigríði án auglýsingar fékk stöðu án auglýsingar

Bróðir ráðherrans sem skipaði Sigríði án auglýsingar fékk stöðu án auglýsingar

·
Hefur unnið að sáttum fyrir hönd forsætisráðuneytisins en hafnar því að lögregla hafi beitt harðræði

Hefur unnið að sáttum fyrir hönd forsætisráðuneytisins en hafnar því að lögregla hafi beitt harðræði

·
Kafli 1: Allt verður breytt en samt ekki

Alma Mjöll Ólafsdóttir

Kafli 1: Allt verður breytt en samt ekki

·
Nei, nei og aftur nei!

Illugi Jökulsson

Nei, nei og aftur nei!

·
Börnin mín eiga rétt á framtíð!

Hjalti Hrafn Hafþórsson

Börnin mín eiga rétt á framtíð!

·
Þjóðskrá neitar transkonu um að leiðrétta nafn hennar og kynskráningu

Þjóðskrá neitar transkonu um að leiðrétta nafn hennar og kynskráningu

·
Val um að vera edrú: Ævisaga partídýrs

Ágústa Arna Sigurdórsdóttir

Val um að vera edrú: Ævisaga partídýrs

·