Ný tegund karlmennsku er forsenda farsællar stjórnunar alþjóðlegra fyrirtækja eða stofnana og ekki bara þess, heldur er hún grundvöllur þess að heimsbyggðin öll eigi bjarta framtíðin fyrir höndum. Þetta er mat keníska ráðgjafans Pauline Muchina, gestakennara í MPM-náminu við HR, þar sem hún kenndi á námskeiðinu verkefnastjórnun á framandi slóð. Pauline færir fyrir því rök að viðteknar karlmennskuhugmyndir grafi undan fjölskyldum, fyrirtækjum og möguleikum þjóða til að sækja fram á við. Eina leiðin til að koma á réttlæti og sjálfbærri þróun sé að endurskilgreina karlmennsku frá grunni.

„Um allan heim hafa karlmenn alist upp í eitraðri karlmennsku.“

Í fyrirlestrum Pauline kom hugtakið neikvæð karlmennska oft til tals. Hvernig skilgreinir hún hana, neikvæða karlmennsku? „Um allan heim hafa karlmenn alist upp í eitraðri karlmennsku. Í því felst sú trú að þú þurfir að vera árásargjarn til að vera karlmaður. Þú þurfir að vanvirða annað fólk, sérstaklega konur, og að þú þurfir …