Sjáið fyrir ykkur Himalajafjöllin. Þau teygja sig eftir mótum Indlandsskaga og Kína eina 2.500 kílómetra nokkurn veginn frá austri til vesturs nema hvað allra vestast sveigja þau dálítið í norðvestur. Þar um slóðir eru margir hrikalegir fjallstindar, hæstur er Mamostong Kangri í Karakoram-hluta Himalaja. Og þar fellur hinn 76 kílómetra langi skriðjökull Sianchen ofan úr 5.700 metra hæð; íslenskir skriðjöklar eru barnaleikur miðað við þetta tröll. En einmitt á þessu svæði hefur líka myndast um það bil 40 kílómetra breiður og tæplega 150 kílómetra langur dalur utan í fjallshlíðunum milli hinna eiginlegu Himalajafjalla og ívið lægri fjallgarðs sem kallast Pir Panjal. Dalbotninn er mestallur sléttur og í 1.200 metra hæð yfir sjávarmáli en hæðardrög fara vaxandi eftir því sem nær dregur fjallgörðunum sem umlykja dalinn.
Miðnæturbörn hefjast í Kasmír
Veðurfar í þessum dal er temprað miðað við það sem gerist og gengur á Indlandi, enda skjólsælt milli fjallanna. Þar hefur …
Athugasemdir