Bless, frjálsa líf,“ segir Nara Walker og lokar dyrunum að heimili sínu á eftir sér. „Ég hefði viljað ná að hlusta á eitt lag til viðbótar áður en ég fer inn. Síðasta lagið,“ segir hún en bætir því við að hún geti hlustað á tónlist í bílnum. Hún dregur litla ferðatösku á eftir sér niður stigann, aðrar eigur hennar standa í töskum og pokum inni í íbúðinni og bíða þess að verða sóttar. Sjálf er hún á leið í fangelsi, þar sem hún mun afplána þann hluta dómsins sem var ekki skilorðsbundinn á Hólmsheiði. Alls var hún dæmd í átján mánaða fangelsi fyrir að bíta tungubroddinn af eiginmanni sínum og ráðast á vinkonu hans. „Þetta er súrrealískt,“ segir hún. 

Ljósmyndari Stundarinnar hefur fylgt Nöru eftir þessa síðustu daga fyrir fangelsið. Á þeim tíma reyndi hún að koma öllum upplýsingum á framfæri varðandi dómsmálið og finna tilgang í þeirri baráttu.

Nara …