Kristínu Auði Kelddal, skrúðgarðyrkjumeistara, var heldur betur brugðið í gær þegar hún ætlaði að skipta um mold í blómapotti einum sem hún geymir út í glugga á heimili sínu í Hafnarfirði. „Ég fann hann nýfæddan,“ segir Kristín um músarunga sem hún fann, móðurlausann og yfirgefinn í moldinni. „Ekki sáði ég fyrir honum,“ segir garðyrkjumeistarinn og hlær. Kristín segir móður ungans sjálfsagt ekki hafa náð í holuna sína í tæka tíð þegar hún er spurð hvernig þetta bar að garði. En Kristín hefur ásamt Heiðrúnu dóttur sinni ákveðið að hjúkra unganum til lífs.
Kristín hafði samband við dýraspítala stuttu eftir fundinn. „Ég treysti mér varla sjálf að halda honum á lífi og spurði hvort þau vildu taka hann og sjá um hann því þar væri náttúrulega allt til alls.“ Dýraspítalinn sagðist ekki hafa aðstöðu eða tíma til að annast ungann. Kristínu þótti afar skrýtið að þeir sem starfa á dýraspítalanum hafi …
Athugasemdir