Fimmtán verk myndlistarkonunnar Mörtu Maríu Jónsdóttur eru nú til sýnis í Sverrissal Hafnarborgar undir yfirskriftinni Umrót. Verkin eiga það sameiginlegt að í þeim heldur Marta María áfram að vinna með mörkin á milli teikningar og málverks, sem hún hefur verið að kanna á undanförnum árum. „Það má segja að þetta séu teiknuð málverk,“ útskýrir hún. „Þau sýna heim sem er á mörkum þess að myndast og eyðast, sýna að ekkert stendur í stað, að allt er að breytast, alltaf. Þetta er stefið og andrúmsloftið sem sýningin er unnin í og þaðan kemur titillinn, Umrót.“
Hún segist bæði hafa unnið út frá sínum eigin innsta kjarna en líka út frá tæknilegum spurningum, eins og þeirri hvernig best sé að búa til spennu á myndfleti. „Ég er alltaf að reyna að þróa myndmálið sem ég vinn með og finna nýjar leiðir. Það er svo alltaf ánægjulegt ef það leiðir mann á óvæntar …
Athugasemdir