Þann 12. september síðastliðinn, fyrir nákvæmlega mánuði síðan, hafði Áslaug Ragnhildardóttir samband við lögreglu og tilkynnti að sést hefði til fyrrverandi sambýlismanns hennar, Thomas DeFarrier, í Hagkaup í Skeifunni. Ekki hafði sést til hans á landinu um skeið, síðan um það leyti er hann fékk fjögurra mánaða fangelsisdóm eftir gróft ofbeldi á hendur henni. Lögreglan brást ekki við tilkynningunni á nokkurn hátt.
Áslaug ber merki þess að hafa búið við ofbeldi af hendi mannsins. Hún er með ör á nefinu eftir að hann skallaði hana í andlitið svo hún nefbrotnaði. Seinna þurfti hún að fara í aðgerð þar sem nefgöng hennar sködduðust við höggið. Þetta var aðeins eitt skipti af mörgum þar sem Thomas hefur ráðist á hana. Versta tilfellið var fyrir tveimur árum þegar hann réðst á hana með hurðarkarmslista, þar sem hún lá í rúmi á heimili þeirra. Hún upplifði árásina þannig að hann hygðist drepa hana. Fyrir …
Athugasemdir