Það hefur verið vitlaust að gera hjá þeim Elínu Sif Halldórsdóttur, Guðrúnu Ólafsdóttur og Hrafnhildi Magneu Ingólfsdóttur í hljómsveitinni Náttsól að undanförnu og lukkan hefur verið með þeim í liði. Kvöldið áður en kvikmyndin Lof mér að falla var frumsýnd, þar sem Elín fer með eitt aðalhlutverka, kom í ljós að tekist hefði að safna 4000 evrum á Karolina Fund, sem gerir þeim kleift að klára útgáfu á sinni fyrstu breiðskífu. Hvernig leið þeim að bíða eftir því hvort það tækist að fjármagna plötuna?

„Við vorum orðnar frekar stressaðar í síðustu vikunni þar til við fengum póst frá Karolina Fund þegar þrír dagar voru eftir af söfnuninni. Þá töldu þau vera góðar líkur á því að söfnunin hefðist. Það var vissulega gott að heyra og við fórum algjörlega á fullt í að deila og tala við vini og vandamenn. Söfnunin gekk frekar hægt að 50 prósentunum og það var í …