Fréttir

Hafnarfjarðarbær greiddi 250 þúsund krónur fyrir viðtal við oddvita Sjálfstæðisflokksins

Samskiptastjóri Hafnarfjarðarbæjar og yfirlýstur Sjálfstæðismaður, Einar Bárðarson, keypti opnuumfjöllun við Rósu Guðbjartsdóttur í kynningarblaði Fréttablaðsins. Minnihlutinn hefur kallað eftir frekari upplýsingum um útgjöld Einars.

Rósa Guðbjartsdóttir, oddviti Sjálfstæðisflokksins. Minnihluti bæjarstjórnar Hafnarfjarðar hefur kallað eftir upplýsingum um útgjöld bæjarins til miðlunar.

Rósa Guðbjartsdóttir, oddviti Sjálfstæðisflokksins í Hafnarfirði og formaður bæjarráðs, var til viðtals í kynningarblaði Fréttablaðsins um Hafnarfjörð á þriðjudag. Umfjöllunin var keypt af Einari Bárðarsyni, samskiptastjóra Hafnarfjarðar, og kostaði bæinn 250 þúsund krónur.

Gunnar Axel Axelsson, bæjarfulltrúi Samfylkingarinnar í Hafnarfirði, gagnrýnir kaupin og spyr hvort eðlilegt sé að slík umfjöllun sé keypt rétt fyrir kosningar. „Mér finnst galið að bærinn sé að kaupa umfjöllun með einum frambjóðanda. Það er ljóst að einhver þarf að svara fyrir þetta,“ segir hann.

Í umfjölluninni kemur fram hve ánægðir Hafnfirðingar eru með sveitarfélagið sitt, hve líflegur bærinn hafi orðið á síðustu misserum og að verslun blómstri. Þá er fjallað um framtíðarsýn Rósu og rætt við hana um nýja Hraunahverfið, svokallað „fimm mínútna hverfi“, sem áætlað er að byggist á næstu tíu til tuttugu árum.

Ákörðunina um að kaupa umfjöllunina tók Einar Bárðarson en hann var ráðinn samskiptastjóri Hafnarfjarðarbæjar tímabundið frá 1. ágúst í fyrra fram til 31. ágúst í ár. Einar hefur frá sextán ára aldri verið virkur í störfum Sjálfstæðisflokksins, meðal annars átt sæti í flokksráði og miðstjórn flokksins ásamt því að hann var ráðinn aðstoðarmaður Kjartans Ólafssonar, þáverandi þingmanns Sjálfstæðisflokksins, árið 2008.

Málið verður tekið fyrir á fundi bæjarráðs á morgun og að sögn Gunnars Axels hefur minnihlutinn kallað eftir frekari upplýsingum um útgjöld bæjarins til miðlunar.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Pistill

Neyðarkall til stjórnvalda

Fréttir

Skoða ábendingu um „gerviverktaka“ í Hörpu

Fréttir

Segir Arnfríði ekki með réttu geta talist handhafi dómsvalds

Fréttir

Ekki upplýst um nýlegri dæmi þess að börn séu þvinguð til að hitta barnaníðinga

Fréttir

FM Belfast hafa enn ekki fengið greitt fyrir Airwaves

Pistill

Hvað vonuðum við?

Mest lesið í vikunni

Pistill

Það eru engin átök á Gaza og atburðirnir eru ekki sorglegir

Fréttir

Nýr stjórnarformaður Íbúðalánasjóðs á leigufélag sem er virkt á húsnæðismarkaði

Pistill

Hvalárvirkjun og efnahagslögmálin

Fréttir

Eyþór efndi ekki loforðið í Árborg því það stóðst ekki lög en endurtekur nú leikinn í Reykjavík

Pistill

Neyðarkall til stjórnvalda

Fréttir

Stjórnarformaður Íbúðalánasjóðs á annað leigufélag sem græddi 12 milljónir í fyrra