Fréttir

Barnaverndarstofa neitar að afhenda barnaverndarnefndum gögnin sem Stundin og RÚV fengu

Persónuvernd hefur tekið gagnaafhendinguna til frumkvæðisathugunar og barnaverndarnefndir höfðu samband við lögreglu vegna málsins.

Barnaverndastofa neitar að afhenda barnaverndarnefndum á höfuðborgarsvæðinu þau gögn sem Stundin og RÚV fengu aðgang að á grundvelli túlkunar stofnunarinnar á upplýsingalögum í síðustu viku.  

Um er að ræða hundruð blaðsíðna af skjölum, meðal annars um einstök barnaverndarmál og umgengnisdeilur foreldra með nöfnum og ýmsum persónugreinanlegum atriðum afmáðum. 

Í gagnapakkanum er til að mynda að finna fundargerð af fundi Barnaverndarstofu um mál tveggja stúlkna sem hefur verið til umfjöllunar í fjölmiðlum.

Mörg málanna sem fjallað er um tengjast hins vegar ekki beint kvörtunum barnaverndarnefnda á höfuðborgarsvæðinu til velferðarráðuneytisins. 

Persónuvernd hefur tekið gagnaafhendinguna til frumkvæðisathugunar auk þess sem Fréttablaðið greindi frá því að málið væri til skoðunar hjá ákærusviði lögreglu. Afhendingin kom barnaverndarnefndum á höfuðborgarsvæðinu í opna skjöldu og hafa þær verið í sambandi við lögreglu vegna málsins. 

Nefndirnar óskuðu eftir því þann 5. maí að fá aðgang að nákvæmlega sömu skjölum og RÚV og Stundin fengu, þ.e. með sömu persónugreinanlegu atriðunum afmáðum.

Stundin fékk upplýsingarnar tveimur dögum eftir að hafa beðið um þær en barnaverndarnefndirnar hafa beðið svara í tæpa viku. Í dag var þeim tilkynnt að gögnin yrðu ekki afhent fyrr en farið hefði verið yfir málið með Persónuvernd. 

Persónuvernd sendi Stundinni og RÚV bréf á dögunum þar sem biðlað er til fjölmiðlanna að fara varlega með gögnin. „Þau ákvæði laga nr. 77/2000 sem veita Persónuvernd valdheimildir, gilda ekki þegar vinnsla fer eingöngu fram í þágu fréttaflutnings. Persónuvernd telur hins vegar að í ljósi þess almenna hlutverks hennar að standa vörð um vernd persónuupplýsinga geti reynst nauðsynlegt að hún minni á þær kröfur sem þá gilda,“ segir í bréfinu. Bent er á að huga verði að því einstaklingar séu ekki auðkennanlegir á grundvelli breytna sem samanlagðar gefa til kynna hver á í hlut hverju sinni. 

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Pistill

Neyðarkall til stjórnvalda

Fréttir

Skoða ábendingu um „gerviverktaka“ í Hörpu

Fréttir

Segir Arnfríði ekki með réttu geta talist handhafi dómsvalds

Fréttir

Ekki upplýst um nýlegri dæmi þess að börn séu þvinguð til að hitta barnaníðinga

Fréttir

FM Belfast hafa enn ekki fengið greitt fyrir Airwaves

Pistill

Hvað vonuðum við?

Mest lesið í vikunni

Pistill

Það eru engin átök á Gaza og atburðirnir eru ekki sorglegir

Fréttir

Nýr stjórnarformaður Íbúðalánasjóðs á leigufélag sem er virkt á húsnæðismarkaði

Pistill

Hvalárvirkjun og efnahagslögmálin

Fréttir

Eyþór efndi ekki loforðið í Árborg því það stóðst ekki lög en endurtekur nú leikinn í Reykjavík

Pistill

Neyðarkall til stjórnvalda

Fréttir

Stjórnarformaður Íbúðalánasjóðs á annað leigufélag sem græddi 12 milljónir í fyrra