Auglysingin hverfur eftir stutta stund...
Loka

Fréttir

Sjálfstæðisflokkurinn vill ekki ódýra leikskóla

Hildur Björnsdóttir frambjóðandi flokksins í Reykjavík segir markmiðið vera að bjóða upp á áreiðanlega leikskóla. „Ódýr þjónusta er gjarnan slæm þjónusta“

Segir ódýra þjónustu gjarnan slæma Hildur Björnsdóttir, frambjóðandi Sjálfstæðisflokksins fyrir komandi borgarstjórnarkosningar, segir Sjálfstæðisflokkinn ekki leggja áherslu á ódýra leikskóla heldur áreiðanlega. Mynd: Sjálfstæðisflokkurinn

Sjálfstæðisflokkurinn leggur ekki áherslu á að leikskólavist í Reykjavík sé ódýr. Þetta kemur fram í aðsendri grein Hildar Björnsdóttur, sem skipar 2. sæti á lista flokksins fyrir komandi borgarstjórnarkosningar, í Fréttablaðinu. „Ódýr þjónusta er gjarnan slæm þjónusta,“ skrifar Hildur og segir að þess í stað vilji Sjálfstæðisflokkurinn bjóða upp á áreiðanlega leikskóla, bestu leikskólana.

Í greininni fjallar Hildur vítt og breitt um dagvistunarúrræði, launamun kynjanna og kynjajafnrétti. Hún bendir á að launamunur kynjanna, körlum í hag, sé ein ástæða þess að körlum sem nýta rétt sinn til fæðingarorlofs fari fækkandi. Þá bíði hundruð barna eftir því að fá leikskólavist í Reykjavík og mæður þeirra taki á sig ábyrgðina við að sinna þeim í meira mæli en karlar, sökum þess að launum mæðranna sem sé fremur fórnandi en feðranna.

„Sjálfstæðisflokkurinn leggur ekki áherslu á ódýrari leikskóla“

Nauðsynlegt sé, skrifar Hildur, að tryggja örugga daggæslu strax að loknu fæðingarorlofi, sem væri æskilegt að lengja. Því hyggist Sjálfstæðisflokkurinn styðja betur við bæði dagforelda og leikskóla í borginni. „Sjálfstæðisflokkurinn leggur ekki áherslu á ódýrari leikskóla. Okkar markmið er að bjóða áreiðanlega leikskóla,“ skrifar Hildur og nefnir að núverandi meirihluti í borginni vilji bjóða ódýrustu leikskólana. Ódýr þjónusta sé hins vegar gjarnan slæm þjónusta og það hafi nýlegar þjónustukannanir sýnt.

Hildur er þar væntanlega að vísa til þjónustukönnunar Gallup, en greint var frá því í janúar síðastliðnum að Reykjavíkurborg mældist neðst í könnuninni í samanburði við önnur sveitarfélög þegar kæmi að þjónustu leikskóla. Mest ánægja var með þjónustuna í Garðabæ. Íbúar Reykjavíkur greiða hins vegar lægstu leikskólagjöldin, um 146 þúsund krónum minna á ársgrundvelli heldur en íbúar Garðabæjar.

Mikill munur á afstöðu eftir könnunum

Reykjavíkborg tekur ekki þátt í þjónustukönnuninni en íbúar borgarinnar eru hins vegar hafði með í úrtaki Gallup til viðmiðunar við önnur sveitarfélög. Ástæðan fyrir því að Reykjavík tekur ekki þátt er sú að það er mat stjórnenda innan borgarkerfisins að könnunin endurspegli viðhorf íbúa til sveitarfélagsins en gefi ekki mynd af gæðum þjónustunnar.

Borgin hefur hins vegar framkvæmt viðhorfskönnun eingöngu meðal foreldra barna á öllum leikskólum borgarinnar undanfarin ár. Niðurstöður könnunar sem framvkæmd var á síðasta ári og birt í maí 2017 var sú að 96 prósent foreldra sögðust ánægðir með leikskóla barna sinna. Sambærileg tala árið 2015 var 95 prósent, en þá var könnunin aðeins lögð fyrir foreldra á um helmingi leikskóla borgarinnar.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Pistill

Heiftarlegt uppgjör launafólks og stjórnmálaelítunnar framundan

Fréttir

Ríkislögreglustjóri heimilaði lífvörðum sona forsætisráðherra Ísraels að koma með skotvopn inn í landið

Fréttir

Kvartar yfir að „þurfa að sitja alltaf undir því að Sjálfstæðisflokkurinn sé einhver spillingarflokkur“

Fréttir

Kosningapróf Stundarinnar opnað

Fréttir

Í gullstöð Leifs Eiríkssonar á Miðnesheiði

Fréttir

Frambjóðandi Kvennahreyfingarinnar vildi kristna grunnskóla

Mest lesið í vikunni

Pistill

Neyðarkall til stjórnvalda

Pistill

Heiftarlegt uppgjör launafólks og stjórnmálaelítunnar framundan

Fréttir

Ríkislögreglustjóri heimilaði lífvörðum sona forsætisráðherra Ísraels að koma með skotvopn inn í landið

Fréttir

Stjórnarformaður Íbúðalánasjóðs á annað leigufélag sem græddi 12 milljónir í fyrra

Fréttir

Skoða ábendingu um „gerviverktaka“ í Hörpu

Fréttir

FME mat hæfi Hauks hjá Íbúðalánasjóði áður en hann hóf stórfelld íbúðakaup