Fréttir

Samskipti við erlend ríki ástæða trúnaðar um mál Hauks

Í minnisblaði til utanríkismálanefndar um málefni Hauks Hilmarssonar eru upplýsingar um samskipti við erlend ríki og fjölþjóðastofnanir. Ekki hægt að birta þau samskipti án þess að fyrirgera trúnaði að mati ráðuneytisins.

Engar nýjar upplýsingar Samkvæmt svörum utanríkismálaráðuneytisins hafa engar markverðar upplýsingar komið fram um mál Hauks Hilmarssonar síðustu viku. Mynd: Mbl

Ástæða þess að trúnaður ríkir um minnisblað það sem utanríkisráðuneytið afhenti utanríkismálanefnd Alþingis um málefni Hauks Hilmarssonar, sem týndur er í Sýrlandi, er sú að í því koma fram upplýsingar sem lúta að samskiptum við erlend ríki og fjölþjóðastofnanir. Væru þær upplýsingar gerðar opinberar myndi trúnaði í samskiptum vera fyrirgert. Því fengu aðstandendur Hauks Hilmarssonar ekki sömu gögn og nefndinni voru afhent. Engar upplýsingar hafa komið fram um mál Hauks síðustu daga.

Þetta kemur fram í svari Sveins H. Guðmarssonar, upplýsingafulltrúa utanríkisráðuneytisins, við fyrirspurn Stundarinnar. Í því kemur fram að aðstandendum Hauks hafi verið afhent öll gögn er varði mál hans sem „heimilt var að veita aðgang að samkvæmt upplýsingalögum. Minnisblaðið sem utanríkismálanefnd fékk innihélt svar við spurningu um verkferla hjá íslenskum stjórnvöldum vegna íslenskra ríkisborgara á átakasvæðum og almennar upplýsingar um stöðu máls Hauks Hilmarssonar.“

Ekki komið fram nýjar upplýsingar

Eva Hauksdóttir, móðir Hauks, lýsti því í frétt Stundarinnar í síðustu viku að hún hefði óskað eftir því að fá frekari gögn um mál sonar síns. Hún hefði lýst því að hún gerði ekki athugasemdir við að persónugreinanlegar upplýsingar verði máðar út úr gögnunum. Í svari ráðuneytisins við fyrirspurn Stundarinnar kemur fram að haft hafi verið að leiðarljósi við við afgreiðslu upplýsingabeiðni frá aðstandendum Hauks að veita þeim eins miklar upplýsingar og frekast væri kostur. „Sum þeirra samskipta sem utanríkisráðuneytið hefur átt vegna málsins eru hins vegar þess eðlis að ekki er hægt að leggja fram gögn um þau án þess að fyrirgera nauðsynlegum trúnaði. Aðstandendur hans hafa hins vegar verið upplýstir um efni og niðurstöðu þeirra samskipta eftir því sem kostur hefur verið. Þá tók ráðuneytið saman yfirlit yfir þau samskipti sem átt hafa sér stað vegna málsins, þar á meðal samskipti sem ekki er heimilt að afhenda gögn um. Eftir að upplýsingabeiðnin var afgreidd fóru aðstandendur Hauks fram á að fá líka þau gögn og upplýsingar sem undanþegin voru aðgangi. Um það verður úrskurðarnefnd um upplýsingamál að skera úr.“

Samkvæmt upplýsingum utanríkisráðuneytisins hafa engar mikilsverðar upplýsingar komið fram um mál Hauks frá því að utanríkismálanefnd Alþingis var afhent minnisblað í málinu 11. apríl síðastliðinn. Eftirgrennslan um afdrif Hauks séu hins vegar stöðugt í gangi af hálfu ráðuneytisins og virk eftirfylgni sé með málinu. Utanríkisráðuneytið geti þó ekki svarað fyrir um aðrar aðgerðir sem íslensk stjórnvöld kunni að hafa gripið til vegna leitar að Hauki, til að mynda af hálfu lögreglu.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Fréttir

Vigdís Hauksdóttir lætur víkinga bera sig í kosningamyndbandi

Aðsent

400 manns senda Katrínu Jakobsdóttur opið bréf vegna „vanrækslu stjórnvalda“ í máli Hauks

Fréttir

Segir ummæli Brynjars ófagleg og afvegaleiða umræðu

Aðsent

Typpi, hvalir og Kristján Loftsson

Fréttir

Inga Sæland segist ekki vera hugsjónalaus afæta

Fréttir

Kallar tilmæli Svandísar „veruleikafirringu“ – Ljósmæður telja sig hafa gert samning

Mest lesið í vikunni

Fréttir

Björn Ingi Hrafnsson ógjaldfær

Fréttir

Ætlar ekki að segja sig úr Sjálfstæðisflokknum

Viðtal

Finnur mun meira fyrir fötluninni á Íslandi

Fréttir

Forstjóri Isavia segir miklar launakröfur áhyggjuefni: Hækkaði sjálfur í launum um 400 þúsund milli ára

Fréttir

Vigdís Hauksdóttir lætur víkinga bera sig í kosningamyndbandi

Fréttir

Starfsfólk Árnastofnunar reitt við Ríkisútvarpið