Fréttir

Lagabreytingu á Alþingi þarf til að uppfylla loforð Eyþórs Arnalds

Alþingi þarf að breyta lögum til að Reykjavíkurborg sé heimilt sé að lækka fasteignaskatt á eldri borgara. Eyþór Arnalds kynnti þetta kosningaloforð Sjálfstæðisflokksins um helgina. Tekjulægri eldri borgarar fá nú þegar afslátt.

Eyþór Arnalds Lofar afnámi fasteignaskatta hjá 70 ára og eldri, en lögin heimila það ekki. Mynd: Sjálfstæðisflokkurinn

Lagabreytingu á Alþingi þarf til að Eyþór Arnalds og Sjálfstæðisflokkurinn geti uppfyllt kosningaloforð sitt um afnám fasteignaskatts fyrir 70 ára og eldri í Reykjavíkurborg. Tekjulægri eldri borgarar eru nú þegar undanþegnir fasteignaskatti í Reykjavík, og því nýtist breytingin ekki þeim hópi. Loforðið nýtist einungis tekjuhærri eldri borgurum.

Samkvæmt 4. mgr. 5. gr. laga um tekjustofna sveitarfélaga er sveitarstjórnum eingöngu heimilt að lækka eða fella niður fasteignaskatt sem tekjulitlum elli- og örorkulífeyrisþegum er gert að greiða. Engin heimild er fyrir því að lækka eða fella niður skattinn fyrir ákveðna aldurshópa eða gera slíkt óháð tekjum.

„Heimilt er sveitarstjórn að lækka eða fella niður fasteignaskatt sem tekjulitlum elli- og örorkulífeyrisþegum er gert að greiða“ segir í lögunum. „Skylt er sveitarstjórn að setja reglur um beitingu þessa ákvæðis, svo sem um tekjumörk, tekjuflokka og hvort lækkun er í formi fastrar krónutölu eða hlutfalls af fasteignaskatti.“

Skattur nú þegar felldur niður til tekjulágra

Reykjavíkurborg veitir nú þegar afslátt eða undanþágu frá greiðslu fasteignaskatts, sé viðkomandi elli- eða örorkulífeyrisþegi að uppfylltum ákveðnum skilyrðum, t.d. þeim að viðkomandi eigi lögheimili í eigninni og hún sé til eigin nota. Einstaklingar með tekjur undir 3.910.000 kr. á ári og samskattaðir með tekjur allt að 5.450.000 kr. fá 100% lækkun á fasteignaskatti.

Þá fá einstaklingar með allt að 4.480.000 kr. og samskattaðir með tekjur að 6.060.000 kr. 80% lækkun á fasteignasköttum. Loks fá einstaklingar með allt að 5.210.000 kr. og samskattaðir með tekjur allt að 7.240.000 kr. 50% lækkun á fasteignasköttum. Tekjur dæmigerðs eldri borgara, á aldrinum 67 ára og eldri, eru rétt fyrir ofan miðgildistekjur íbúa á höfuðborgarsvæðinu, eða 5,3 milljónir króna á ári.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Fréttir

Vigdís Hauksdóttir lætur víkinga bera sig í kosningamyndbandi

Aðsent

400 manns senda Katrínu Jakobsdóttur opið bréf vegna „vanrækslu stjórnvalda“ í máli Hauks

Fréttir

Segir ummæli Brynjars ófagleg og afvegaleiða umræðu

Aðsent

Typpi, hvalir og Kristján Loftsson

Fréttir

Inga Sæland segist ekki vera hugsjónalaus afæta

Fréttir

Kallar tilmæli Svandísar „veruleikafirringu“ – Ljósmæður telja sig hafa gert samning

Mest lesið í vikunni

Fréttir

Björn Ingi Hrafnsson ógjaldfær

Fréttir

Ætlar ekki að segja sig úr Sjálfstæðisflokknum

Viðtal

Finnur mun meira fyrir fötluninni á Íslandi

Fréttir

Forstjóri Isavia segir miklar launakröfur áhyggjuefni: Hækkaði sjálfur í launum um 400 þúsund milli ára

Fréttir

Vigdís Hauksdóttir lætur víkinga bera sig í kosningamyndbandi

Fréttir

Starfsfólk Árnastofnunar reitt við Ríkisútvarpið