Fréttir

Þingmaður fær engin svör um mál Hauks Hilmarssonar

Mánuður liðinn síðan Logi Einarsson óskaði eftir minnisblaði frá utanríkisráðuneytinu. Engin svör borist þrátt fyrir ítrekanir. Segir vinnubrögðin óskiljanleg og ólíðandi.

Þingmaður fær ekki svör Logi Einarsson, formaður Samfylkingarinnar, hefur beðið í mánuð eftir svörum um mál Hauks Hilmarssonar frá utanríkisráðuneytinu. Hann segir aðgerðarleysið ólíðandi.

Tæpur mánuður er síðan að Logi Einarsson, formaður Samfylkingarinnar, fór fram á að fá minnisblað frá utanríkisráðuneytinu varðandi mál Hauks Hilmarssonar, sem týndur er í Sýrlandi. Enn hefur ekkert svar borist við þeirri beiðni, þrátt fyrir að Logi hafi ítrekað beiðnina í tvígang. Logi furðar sig á þessum vinnubrögðum og segir þau ólíðandi.

Fyrstu fréttir af hvarfi Hauks bárust 6. mars síðastliðinn en hann var þá sagður hafa fallið í bardögum Kúrda við tyrkneska herinn 24. febrúar, í norðurhluta Sýrlands. Átta dögum síðar, 14. mars, fór Logi fram á það, á fundi utanríkismálanefndar Alþingis, að fá minnisblað frá utanríkisráðuneytinu um þær verklagsreglur sem giltu hjá borgaraþjónustu ráðuneytisins í málum sem þessum, og lagði hann sérstaka áherslu á að fá upplýsingar um mál Hauks, til hvaða aðgerða hefði verið gripið til að finna hann og hver staða mála væri. Viku síðar, 21. mars, ítrekaði nefndasvið Alþingis beiðni Loga, að hans ósk. Enn barst ekkert svar og 4. apríl var beiðni um að utanríkisráðuneytið skilaði slíku minnisblaði enn ítrekuð, án árangurs.

Mjög knýjandi að fá svör

Logi EinarssonUtanríkisráðuneytið hefur ekki svarað beiðni formanns Samfylkingarinnar um minnisblað vegna máls Hauks Hilmarssonar.

Logi segir í samtali við Stundina að þessi seinagangur sé bæði óskiljanlegur og algjörlega ólíðandi. „Þetta er ekki boðlegt. Látum það allt vera hvernig þetta birtist gagnvart mér og þinginu, þessi þögn, en þetta á bara fullt erindi við samfélagið og almenning. Þess vegna skil ég ekki þetta verkleysi. Spurning mín fjallaði líka almennt um hvernig fylgst væri með Íslendingum erlendis og hvaða verklagsreglur giltu hjá borgaraþjónustu utanríkisráðuneytisins, um hvernig haldið væri á þessum málum en ekki síst auðvitað í þessu sorglega máli. Það er mjög knýjandi að fá svör því þetta er það hörmulegasta sem fólk lendir í, að vita ekki um afdrif ástvina sinna.“

Fundur utanríkismálanefndar Alþingis stendur nú yfir og þegar Stundin heyrði í Loga, rétt áður en fundurinn hófst, sagði hann ekki sjá að neitt kynna í útsendum gögnum fyrir fundinn gæfi það til kynna að umrætt minnisblað myndi berast í dag. „Ég sendi á formann nefndarinnar og aðra nefndarmenn í gær beiðni um að fá stuðning við að nefndin myndi senda athugasemd til ráðuneytisins vegna þessa.“

Logi segir jafnframt ómögulegt annað en að utanríkisráðuneytið búi í það minnsta yfir einhverjum upplýsingum sem það geti miðlað. „Ég get ekki trúað því að það hafi ekkert það gerst, á þessum mánuði sem liðinn er, að það hafi ekki verið tilefni til þess að setja það niður á blað og birta það utanríkismálanefnd. Já, og alþjóð auðvitað líka.“

 

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Fréttir

Vigdís Hauksdóttir lætur víkinga bera sig í kosningamyndbandi

Aðsent

400 manns senda Katrínu Jakobsdóttur opið bréf vegna „vanrækslu stjórnvalda“ í máli Hauks

Fréttir

Segir ummæli Brynjars ófagleg og afvegaleiða umræðu

Aðsent

Typpi, hvalir og Kristján Loftsson

Fréttir

Inga Sæland segist ekki vera hugsjónalaus afæta

Fréttir

Kallar tilmæli Svandísar „veruleikafirringu“ – Ljósmæður telja sig hafa gert samning

Mest lesið í vikunni

Fréttir

Björn Ingi Hrafnsson ógjaldfær

Fréttir

Ætlar ekki að segja sig úr Sjálfstæðisflokknum

Viðtal

Finnur mun meira fyrir fötluninni á Íslandi

Fréttir

Forstjóri Isavia segir miklar launakröfur áhyggjuefni: Hækkaði sjálfur í launum um 400 þúsund milli ára

Fréttir

Vigdís Hauksdóttir lætur víkinga bera sig í kosningamyndbandi

Fréttir

Starfsfólk Árnastofnunar reitt við Ríkisútvarpið