Auglysingin hverfur eftir stutta stund...
Loka

Fréttir

111 milljóna skattamáli Jóns Inga vísað frá dómi

Jón Ingi Gíslason, fyrrverandi formaður Framsóknarfélags Reykjavíkur, gegndi áfram trúnaðarstörfum í flokknum þótt siðanefnd teldi réttast að hann segði sig frá þeim. 

Héraðsdómur Reykjavíkur vísaði skattamáli Jóns Inga Gíslasonar, fyrrverandi formanns Framsóknarfélags Reykjavíkur, frá dómi í morgun. Málið varðar uppgjör á 44 framvirkum gjaldmiðlasamningum sem Jón Ingi gerði við Glitni og skiluðu honum tæplega 111 milljónum króna í fjármagnstekjur árin 2007 og 2008. Hann taldi tekjurnar ekki fram á skattframtölum og kom sér þannig undan greiðslu fjármagnstekjuskatts upp á rúmlega 11 milljónir króna. 

Skattrannsóknarstjóri hóf rannsókn á málinu árið 2011 og vísaði því í framhaldinu til ríkisskattstjóra og embættis sérstaks saksóknara, nú héraðssaksóknara. Samkvæmt niðurstöðu Ríkisskattstjóra var Jóni Inga gert að greiða skattinn með 25 prósenta álagi, en mál sérstaks saksóknara gegn honum var þingfest árið 2013. Jón Ingi steig í kjölfarið til hliðar sem formaður Framsóknarfélagsins í Reykjavík. „Það hljóta að vera undarlegar sakir að ákæra menn fyrir að telja ekki fram tap, peninga sem menn aldrei fengu, aldrei vissu af og höfðu engan ráðstöfunarrétt yfir. Þetta voru kallaðar galdrabrennur hér áður fyrr,“ sagði Jón Ingi um málið í samtali við Viðskiptablaðið árið 2013. 

Héraðsdómur Reykjavíkur komst aðþeirri niðurstöðu í dag að beiting álagsins hjá skattyfirvöldum annars vegar og hins vegar rannsókn sérstaks saksóknara og ákæra í málinu sé reist á sömu annmörkum á skattframtölum Jóns Inga. Umrædd mál taki að auki til sama tímabils og varði í aðalatriðum sömu fjárhæðir. Þá vísar dómurinn til ne bis in idem-reglunnar í Mannréttindasáttmála Evrópu sem leggur bann við tvöfaldri refsimeðferð.

Einnig var litið til heildartíma rekstur beggja mála. Jón Ingi hafi verið settur í óhæfilega óvissu um réttarstöðu sína, enda hafi óþarfa tafir orðið á öllum stigum málarekstursins sem Jóni Inga verði ekki kennt um, þar með talið hjá skattyfirvöldum og ákæruvaldinu þar sem engar skýringar voru gefnar til réttlætingar á þeirri töf.  

Eins og DV greindi frá í fyrra komst siðanefnd Framsóknarflokksins að þeirri niðurstöðu að Jóni Inga bæri að stíga til hliðar úr öllum trúnaðarstörfum fyrir Framsóknarflokkinn á meðan skattamál hans væru til meðferðar fyrir dómstólum. Jón Ingi virðist þó áfram hafa gegnt trúnaðarstörfum fyrir Framsóknarflokkinn, því samkvæmt vef Reykjavíkurborgar er hann áheyrnarfulltrúi í stjórnkerfis- og lýðræðisráði Reykjavíkurborgar fyrir hönd Framsóknar og flugvallarvina og var viðstaddur síðasta fund ráðsins þann 26. febrúar síðastliðinn.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Viðtal

Næturnar voru algert helvíti

Fréttir

Salan á GAMMA: Fyrirtækið hefur glímt við rekstarerfiðleika

Greining

Miðflokkurinn er stærsta popúlíska hreyfing Íslands

Fréttir

Greiðsluþakið hækkað þrátt fyrir loforð um lækkun

Fréttir

„Mjög gott samráð“ milli ráðuneyta en töldu ekki ástæðu til að láta Norðurlöndin vita

Fréttir

Stundin fær fjölmiðlaverðlaun götunnar

Mest lesið í vikunni

Úttekt

Laun íslenskra bæjarstjóra hærri en í erlendum stórborgum

Fréttir

Sósíalistar vilja afnema greiðslur slökkviliðsins til borgarstjóra

Fréttir

Bróðir Hauks handtekinn fyrir að flagga tyrkneska fánanum á Stjórnarráðshúsinu

Fréttir

Vildi ekki verða „húsþræll“ í vinstri- og miðjusamstarfi en myndaði atkvæðablokk með Sjálfstæðisflokknum

Viðtal

Næturnar voru algert helvíti

Fréttir

Salan á GAMMA: Fyrirtækið hefur glímt við rekstarerfiðleika