Auglysingin hverfur eftir stutta stund...
Loka

Fréttir

Fastanefnd Íslands svarar Evrópuráðinu sem taldi fjölmiðlafrelsi ógnað á Íslandi

„Þannig staðfesti dómurinn að rétturinn til frjálsra og lýðræðislegra kosninga er nátengdur réttinum til frjálsrar tjáningar, en hvort tveggja eru hornsteinar lýðræðisþjóðfélags,“ segir í bréfi fastanefndar Íslands hjá Evrópuráðinu.

Fastanefnd Íslands hjá Evrópuráðinu hefur sent Evrópuráðinu bréf þar sem brugðist er við áhyggjum þess af lögbanni íslenskra stjórnvalda á fréttaflutning af fjármálum Bjarna Benediktssonar, fjármálaráðherra og fyrrverandi forsætisráðherra. 

Ísland lenti á eins konar válista Evrópuráðsins vegna ógna við fjölmiðlafrelsi þann 18. október 2017 eftir að sýslumaðurinn á höfuðborgarsvæðinu samþykkti beiðni Glitnis Holdco um lögbann á umfjöllun og upplýsingamiðlun Stundarinnar og Reykjavik Media um viðskiptagjörninga þáverandi forsætisráðherra og fjölskyldu hans. Á vef Evrópuráðsins kemur fram að ógnin við fjölmiðlafrelsi stafi frá íslenska ríkinu og að  um sé að ræða atburði sem geti haft kælingaráhrif á frelsi fjölmiðla. 

Í bréfinu frá fulltrúum íslenskra stjórnvalda er fjallað um dóm Héraðsdóms Reykjavíkur sem kveðinn var upp 2. febrúar síðastliðinn.

Bent er á að dómurinn hafi hafnað lögbannskröfunni á þeim grundvelli að fréttaflutningurinn hafi ekki falið í sér brot gegn friðhelgi einkalífs, enda hafi upplýsingarnar varðað forsætisráðherra og haft mikilvæga þýðingu fyrir lýðræðislega umræðu hér á landi. 

„Vert er að athuga að í dóminum er byggt á 10. gr. Mannréttindasáttmála Evrópu og vísað til dómaframkvæmdar Mannréttindadómstóls Evrópu við mat á því hvort takmarkanir á tjáningarfrelsi geti talist nauðsynlegar í lýðræðisþjóðfélagi. Sú staðreynd að lögbannsins var krafist 12 dögum fyrir þingosningar var einnig talin hafa þýðingu í málinu. Þannig staðfesti dómurinn að rétturinn til frjálsra og lýðræðislegra kosninga er nátengdur réttinum til frjálsrar tjáningar, en hvort tveggja eru hornsteinar lýðræðisþjóðfélags.“ Tekið er fram í bréfinu að Glitnir HoldCo hafi enn kost á því að áfrýja dómnum til efra dómstigs; þannig verði lögbannið áfram í gildi á meðan beðið er endanlegrar dómsúrlausnar. 

Fyrirvari: Fjölmiðillinn Stundin er aðili að lögbannsmálinu sem hér er fjallað um.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Pistill

Heiftarlegt uppgjör launafólks og stjórnmálaelítunnar framundan

Fréttir

Ríkislögreglustjóri heimilaði lífvörðum sona forsætisráðherra Ísraels að koma með skotvopn inn í landið

Fréttir

Kvartar yfir að „þurfa að sitja alltaf undir því að Sjálfstæðisflokkurinn sé einhver spillingarflokkur“

Fréttir

Kosningapróf Stundarinnar opnað

Fréttir

Í gullstöð Leifs Eiríkssonar á Miðnesheiði

Fréttir

Frambjóðandi Kvennahreyfingarinnar vildi kristna grunnskóla

Mest lesið í vikunni

Pistill

Neyðarkall til stjórnvalda

Pistill

Heiftarlegt uppgjör launafólks og stjórnmálaelítunnar framundan

Fréttir

Ríkislögreglustjóri heimilaði lífvörðum sona forsætisráðherra Ísraels að koma með skotvopn inn í landið

Fréttir

Stjórnarformaður Íbúðalánasjóðs á annað leigufélag sem græddi 12 milljónir í fyrra

Fréttir

Skoða ábendingu um „gerviverktaka“ í Hörpu

Fréttir

FME mat hæfi Hauks hjá Íbúðalánasjóði áður en hann hóf stórfelld íbúðakaup