Auglysingin hverfur eftir stutta stund...
Loka

Fréttir

Ásmundur fékk rúmlega tvöfalda þá upphæð sem rekstur bílsins kostar

Samkvæmt útreikningum Félags íslenskra bifreiðaeigenda kostar rekstur bíls Ásmundar Friðrikssonar rúmlega helmingi minna en Alþingin greiddi honum vegna aksturskostnaðar. Hann fékk því um tvær og hálfa milljón króna í endurgreiðslur umfram áætlaðan kostnað.

Ásmundur Friðriksson Þingmaður Sjálfstæðisflokksins hefur fengið endurgreiðslur frá íslenska ríkinu vegna aksturs síns upp á 385 þúsund krónur á mánuði að meðaltali.

Rekstur á bíl Ásmundar Friðrikssonar, þingmanns Sjálfstæðisflokks, hefði átt að kosta rúmlega helmingi minna en þær 4,6 milljónir króna sem hann fékk endurgreiddar vegna aksturskostnaðar frá Alþingi. Félag íslenskra bifreiðaeigenda (FÍB) áætlar að það kosti rúmar 2 milljónir króna á ári að reka Kia Sportage jeppling Ásmundar, miðað við notkun hans á bílnum í fyrra, samkvæmt útreikningum sem Morgunútvarp Rásar 2 óskaði eftir.

Ásmundur keypti bílinn notaðan í desember 2016, en nýr kostaði slíkur bíll 6,7 milljónir króna í maí 2016. Árið 2017 ók Ásmundur tæpa 48 þúsund kílómetra og því reiknar FÍB með því að bíllinn falli meira í verði en meðalbíll, eða um 18% milli ára. Ásett verð bílsins nú gæti því verið í kringum 3,8 milljónir króna.

FÍB reiknar einnig fjármagnskostnað inn í dæmið, eða þá töpuðu innlánsvexti sem hefðu fengist fyrir peningana sem bíllinn kostaði. Alls nemur kostnaðurinn 2.071.376 krónum, eða meira en helmingi minna en Alþingi greiddi Ásmuni í akstursbætur. FÍB reiknaði einnig rekstrarkostnað bílsins ef hann hefði verið keyptur nýr og hækkar þá upphæðin í 2,44 milljónir króna.

Útreikningar FÍB líta svona út:

653.676 kr – Dísilolía
270.000 kr – Viðhald og viðgerðir
90.000 kr   – Hjólbarðar
160.000 kr – Tryggingar
26.000 kr   – Skattar og skoðun
13.000 kr   – Bílastæðakostnaður
36.000 kr   – Þrif og fleira
684.000 kr – Verðrýrnun
138.700 kr – Fjármagnskostnaður
Samtals: 2.071.376 krónur

Greiðslur umfram áætlaðan kostnað: Um 2,5 milljónir króna.

 

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Pistill

Heiftarlegt uppgjör launafólks og stjórnmálaelítunnar framundan

Fréttir

Ríkislögreglustjóri heimilaði lífvörðum sona forsætisráðherra Ísraels að koma með skotvopn inn í landið

Fréttir

Kvartar yfir að „þurfa að sitja alltaf undir því að Sjálfstæðisflokkurinn sé einhver spillingarflokkur“

Fréttir

Kosningapróf Stundarinnar opnað

Fréttir

Í gullstöð Leifs Eiríkssonar á Miðnesheiði

Fréttir

Frambjóðandi Kvennahreyfingarinnar vildi kristna grunnskóla

Mest lesið í vikunni

Pistill

Neyðarkall til stjórnvalda

Pistill

Heiftarlegt uppgjör launafólks og stjórnmálaelítunnar framundan

Fréttir

Ríkislögreglustjóri heimilaði lífvörðum sona forsætisráðherra Ísraels að koma með skotvopn inn í landið

Fréttir

Stjórnarformaður Íbúðalánasjóðs á annað leigufélag sem græddi 12 milljónir í fyrra

Fréttir

Skoða ábendingu um „gerviverktaka“ í Hörpu

Fréttir

FME mat hæfi Hauks hjá Íbúðalánasjóði áður en hann hóf stórfelld íbúðakaup