Auglysingin hverfur eftir stutta stund...
Loka

Pistill

Bönnum kjarnorkuvopn

Auður Lilja Erlingsdóttir, formaður Samtaka hernaðarandstæðinga, furðar sig á því að Ísland sé ekki eitt 122 sem hafa samþykkt sáttmála um bann við kjarnorkuvopnum. „Á bak við afstöðu Íslands virðist liggja einhverskonar brengluð heimsmynd þar sem gríðarleg kjarnorkuvopnaeign Bandaríkjanna mun stuðla að heimsfriði,“ segir hún.

Samtökin ICAN sem berjast fyrir banni við kjarnorkuvopnum fengu nýverið friðarverðlaun Nóbels en barátta samtakanna hefur skilað sér í því að 122 ríki Sameinuðu þjóðanna hafa samþykkt sáttmála um bann við kjarnorkuvopnum. Í kjölfar viðurkenningarinnar kviknaði von í brjósti margra um að hún myndi hafa jákvæð áhrif á umræðuna um kjarnorkuafvopnun í heiminum, enda höfum við fyrirmyndir um bann við ýmsum vopnum. 

Það er góðra gjalda vert að hugsa á heimsvísu en því miður fyrir okkur hér á Íslandi getum við hafið baráttuna á heimavelli. Ísland er nefnilega ekki eitt þeirra 122 landa sem stóðu að samþykkt sáttmálans. Þess í stað tóku íslensk stjórnvöld afstöðu með NATÓ ríkjum undir forystu Bandaríkjanna, hunsuðu undirbúningsviðræðurnar. 

„Kjarnorkuvopnum hefur verið beitt, þeim hefur oft næstum því verið beitt og hættan á því að þeim verði beitt hefur sjaldan verið meiri en í dag.“

Á bak við afstöðu Íslands virðist liggja einhverskonar brengluð heimsmynd þar sem gríðarleg kjarnorkuvopnaeign Bandaríkjanna mun stuðla að heimsfriði og vernda okkur. Þetta á sér stað á sama tíma og rökum á borð við „en það myndi enginn nota kjarnorkuvopn“ er beitt til að draga úr því hættuástandi sem tilvist þessara vopna skapar. 

Heimurinn sem við búum í er bara ekki svo fullkominn. Kjarnorkuvopnum hefur verið beitt, þeim hefur oft næstum því verið beitt og hættan á því að þeim verði beitt hefur sjaldan verið meiri en í dag. 

Á sama tíma og 122 ríki Sameinuðu þjóðanna standa að sáttmála um bann við kjarnorkuvopnum leggur Bandaríkjaher til að framleidd verði smærri kjarnorkuvopn því að núverandi vopn eru of stór til að Rússum stafi raunveruleg ógn af þeim. Lausnin í nútíma öryggisfræðum er því að „auka fjölbreytni“ kjarnorkuvopna. 

Íslensk stjórnvöld standa á tímamótum. Hvort ætla íslensk stjórnvöld að standa að sáttmála um bann við kjarnorkuvopnum og skipa sér í hóp þjóða sem raunverulega berjast fyrir friði og afvopnum eða halda áfram að fylgja þjóðabandalagi stríðsógna og hörmunga? 

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Pistill

Heiftarlegt uppgjör launafólks og stjórnmálaelítunnar framundan

Fréttir

Ríkislögreglustjóri heimilaði lífvörðum sona forsætisráðherra Ísraels að koma með skotvopn inn í landið

Fréttir

Kvartar yfir að „þurfa að sitja alltaf undir því að Sjálfstæðisflokkurinn sé einhver spillingarflokkur“

Fréttir

Kosningapróf Stundarinnar opnað

Fréttir

Í gullstöð Leifs Eiríkssonar á Miðnesheiði

Fréttir

Frambjóðandi Kvennahreyfingarinnar vildi kristna grunnskóla

Mest lesið í vikunni

Pistill

Neyðarkall til stjórnvalda

Pistill

Heiftarlegt uppgjör launafólks og stjórnmálaelítunnar framundan

Fréttir

Ríkislögreglustjóri heimilaði lífvörðum sona forsætisráðherra Ísraels að koma með skotvopn inn í landið

Fréttir

Stjórnarformaður Íbúðalánasjóðs á annað leigufélag sem græddi 12 milljónir í fyrra

Fréttir

Skoða ábendingu um „gerviverktaka“ í Hörpu

Fréttir

FME mat hæfi Hauks hjá Íbúðalánasjóði áður en hann hóf stórfelld íbúðakaup