Fréttir

Atkvæði ólöglega skipaðra dómara réðu úrslitum þegar Hervör var kjörin forseti

Fjórir dómarar voru skipaðir við Landsrétt í fyrra án þess að sýnt væri fram á, í samræmi við kröfur stjórnsýslulaga, að þau væru í hópi hæfustu umsækjenda. Atkvæði þeirra skiptu sköpum þegar forseti Landsréttar var kjörin þann 15. júní 2017.

15 dómarar við nýtt millidómsstig Landsréttur tók til starfa í byrjun ársins eftir margra ára undirbúning. Mynd: Dómsmálaráðuneytið

Atkvæði þeirra dómara við Landsrétt sem skipaðir voru án þess að reglum stjórnsýsluréttar væri fylgt réðu úrslitum þegar Hervör Lilja Þorvaldsdóttir var kjörin forseti hins nýja millidómsstigs þann 15. júní 2017. 

Stundin hefur áreiðanlegar heimildir fyrir þessu en ekki hafa fengist nákvæm svör frá Landsrétti um hvernig staðið var að kjörinu og hvernig atkvæði einstakra dómara féllu.  

Dómarar funduðuHér má sjá fundargerð af fundi nýskipaðra Landsréttardómara þann 15. júní 2017 þegar forseti Landsréttar var kjörinn. Stundin fékk skjalið frá dómsmálaráðuneytinu á grundvelli upplýsingalaga.

Kosið var í tveimur umferðum og varð Hervör hlutskarpari í þeirri síðari. Þar hafði úrslitaáhrif að dómarar, sem skipaðir voru við Landsrétt að tillögu Sigríðar Andersen dómsmálaráðherra án þess að teljast í hópi 15 hæfustu umsækjenda að mati dómnefndar um hæfni umsækjenda, greiddu Hervöru atkvæði sitt. 

Sjálf hafði Hervör lent í 15. sæti á lista dómnefndarinnar, en hinir dómararnir sem buðu sig fram til að gegna forsetahlutverki við Landsrétt, þeir Davíð Þór Björgvinsson og Sigurður Tómas Magnússon, prýddu 1. og 2. sæti á lista dómnefndarinnar, þ.e. voru metnir hæfastir allra umsækjenda. 

Ólögleg málsmeðferð við skipun dómara

Fjórir dómarar voru skipaðir við Landsrétt í fyrra án þess að sýnt hefði verið fram á, í samræmi við meginreglur stjórnsýslulaga, að þau væru hæfustu umsækjendurnir. Þetta eru þau Arnfríður Einarsdóttir, Ásmundur Helgason, Ragnheiður Bragadóttir og Jón Finnbjörnsson. 

Eins og Stundin hefur greint ítarlega frá ákvað Sigríður Andersen dómsmálaráðherra að hunsa sérfræðiráðgjöf sem hún fékk í dómsmálaráðuneytinu við meðferð málsins. Þann 19. desember 2017 komst Hæstiréttur að þeirri niðurstöðu að ráðherra hefði ekki uppfyllt rannsóknarreglu stjórnsýsluréttarins við undirbúning þess og þannig brotið stjórnsýslulög. 

Ráðherra vöruð viðSigríður Andersen var hvött eindregið til þess af sérfræðingum þriggja ráðuneyta að rannsaka hæfni dómaraefna og rökstyðja betur ákvörðun sína um að víkja frá mati dómnefndar.

Skipun Arnfríðar Einarsdóttur og Jóns Finnbjörnssonar vakti mesta athygli. Arnfríður Einarsdóttir er eiginkona Brynjars Níelssonar, þingmanns Sjálfstæðisflokksins, en Brynjar tók það óvenjulega skref nokkrum vikum eftir skipun landsréttardómara að gefa eftir oddvitasætið á framboðslista Sjálfstæðisflokksins í Reykjavíkurkjördæmi suður og færa sig niður um sæti fyrir Sigríði Andersen, sem varð þá eina konan í oddvitasæti hjá Sjálfstæðisflokknum í alþingiskosningunum 2017 og þannig gulltryggð sem ráðherraefni flokksins. Jón Finnbjörnsson, sem lenti í 30. sæti á hæfnislista dómnefndarinnar, er eiginmaður Erlu S. Árnadóttur, sem er góðkunningi Sigríðar Andersen og var vinnuveitandi hennar til margra ára hjá lögmannsstofunni Lex. 

Hervör Lilja Þorvaldsdóttir, forseti hins nýja Landsréttar, er náfrænka Davíðs Oddssonar og hefur setið sem fulltrúi Sjálfstæðisflokksins í Landskjörstjórn. Bróðir hennar, Ólafur Börkur Þorvaldsson, var skipaður hæstaréttardómari af Birni Bjarnasyni árið 2003 þótt aðrir umsækjendur hefðu verið metnir hæfari samkvæmt 

Skráðu þig inn til að lesa

Þú færð 4 greinar fríar í mánuði. Þú hefur síðan val um að styrkja óháða blaðamennsku með áskrift á hagstæðu verði, frá aðeins 1.290 krónum á mánuði. Leiðbeiningar má nálgast á stundin.is/leidbeiningar.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Fréttir

Kölluð kellingartussa og negri

Viðtal

„Neita að eyða allri ævinni í að vinna fyrir einhvern steinkassa“

Fréttir

Slys hjá Arnarlaxi: Eldiskví með um 500 tonnum af laxi sökk í Tálknafirði

Viðtal

Keypti brúðarkjól og bað Guð um mann

Listi

Fimm réttir úr fortíð og nútíð

Fréttir

Helga Vala skoraði á Alþingi að aflétta leyndinni tafarlaust – Jón: „Dæmigerð popúlistauppákoma“

Mest lesið í vikunni

Fréttir

Vilhjálmur fékk 3,4 milljónir endurgreiddar – Þingmenn hæðast að umræðunni

Fréttir

Stjórnun kynferðisbrotadeildar ábótavant – Sigríður skipti yfirmanni út fyrir stjórnanda með minni reynslu af rannsókn kynferðisbrota

Fréttir

Kölluð kellingartussa og negri

Pistill

Karlar að spara okkur pening

Fréttir

Ferðaþjónustubændur í máli við Íshesta

Fréttir

Borgarstjórinn vísaði Eyþóri Arnalds af fundi í Höfða