Stundarskráin

Sultuslakt reggí, fyndnir Skotar og fróðleiksfúsir forsætisráðherrar

Úrval tónleika, sýninga og viðburða 9.–22. febrúar.

Hjálmar

Hvar? Græni Hatturinn, Akureyri
Hvenær? 9. & 10. febrúar kl. 22.00
Aðgangseyrir: 4.500 kr.

Það eru komin 14 ár síðan Hjálmar stigu fyrst á svið og buðu fram einstaka samblöndu sína af hljóðheimi Jamaíku og Íslands, sem hefur verið áhrifavaldur fyrir sveitir eins og Ojba Rasta og Amabadama. Hjálmar hafa ekki gefið út nýja plötu í sjö ár, þannig að gestir ættu ekki að gera ráð fyrir því að heyra eitthvað nýtt, aðeins ljúfa og sultuslaka tóna.

Hatari x Kraftgalli

Hvar? Stúdentakjallarinn
Hvenær? 9. febrúar kl. 22.00
Aðgangseyrir: Ókeypis!

Magnaða gjörningapönks-hljómsveitin Hatari – sem tæklar gjarnan tómlausa neysluhyggju, rísandi fasisma og siðferðislega afstæðishyggju með krítíska tómhyggju að vopni – býður fólki á ókeypis tónleika í boði Landsbankans og Félagsstofnun Stúdenta. Með þeim í för verður Kraftgalli,  nýjasta raftónlistarverkefni Arnljóts Sigurðssonar.

Scotch on Ice

Hvar? Gamla bíó og Harpa
Hvenær? 9. & 10. febrúar kl. 20.00
Aðgangseyrir: 3.900 kr. og 7.990 kr.

Á þessari hátíð sameina uppistandarar frá Íslandi, Bretlandseyjum, og víðar krafta sína til að berjast gegn myrkrinu með hlátri að vopni. Auk Íslendinga eins og Bylgju Babýlóns og Ara Eldjárn koma fram Jojo Sutherland, Liam Withnail, Tom Stade, og fleiri. Einnig er hægt að styrkja valdeflingarfélagið Hugarafl með miðakaupunum.

Stereo Hypnosis, Christopher Chaplin, & Snorri Ásmundsson

Hvar? Mengi
Hvenær? 10. febrúar kl. 21.00
Aðgangseyrir: 2.500 kr.

Íslenska tvíeykið Stereo Hypnosis og breska tónskáldið Christopher Chaplin spiluðu saman á Extreme Chill tónlistarhátíðinni í fyrra, en þremenningarnir ætla á ný að spinna saman tilraunakennda raftónlist á þessum tónleikum. Þeim til liðsaukar verður gjörningarlistamaðurinn Snorri Ásmundsson.

Ástarsögur í Hannesarholti

Hvar? Hannesarholt
Hvenær? 15. febrúar kl. 20.00
Aðgangseyrir: 3.000 kr.

Katrín Jakobsdóttir ber marga hatta og kemur gjarnan fram í fjölmiðlum sem þingmaður, formaður VG, og nú sem forsætisráðherra, en á þessu kvöldi mun hún bera annan og eldri hatt, sem bókmenntafræðingur. Hún mun rýna í íslenskar ástarsögur, þar á meðal „Pilt og stúlku“ og „Mann og konu“ eftir Jón Thoroddsen.

Valdimar

Hvar? Húrra
Hvenær? 15. febrúar kl. 21.00
Aðgangseyrir: 3.000 kr.

Viðkunnanlega keflvíska hljómsveitin, Valdimar, ratar á mölina þar sem hún mun flytja bæði þekktari slagara og svo nýtt efni. Tilfinningaríka hljómsveitin er að eigin sögn að vinna að þriðju breiðskífu sinni og búast má við því að heyra óheyrð lög.

Í svörtum fötum

Hvar? Hard Rock
Hvenær? 15. febrúar kl. 22.00
Aðgangseyrir: 2.990 kr.

Það eru komin 18 ár síðan að Í svörtum fötum fangaði tíðaranda byrjunar 21. aldarinnar með samkenndarlaginu „Nakinn“. Hljómsveitin gaf út fjórar breiðskífur áður en að alt-rock stefnan leið undir lok og meðlimir sveitarinnar fóru að sinna öðrum erindum, en á nokkurra ára fresti koma þeir saman til að fagna þessu hverfula tímabili.

Dr. Spock útgáfutónleikar

Hvar? Húrra
Hvenær? 16. febrúar kl. 21.00
Aðgangseyrir: 2.500 kr.

Háværa rokksveitin Dr. Spock hefur spilað á ógrynni af tónleikum, en tók sér pásu í nokkur ár á meðan annar söngvarinn hætti sér á svið stjórnmála. Nú þegar hann er laus aftur hefur hljómsveitin unnið hörðum höndum við að ljúka nýjustu plötu sinni, „Leður“, sem mun án efa vekja áhuga eldri rokkurum landsins.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Fréttir

Kölluð kellingartussa og negri

Viðtal

„Neita að eyða allri ævinni í að vinna fyrir einhvern steinkassa“

Fréttir

Slys hjá Arnarlaxi: Eldiskví með um 500 tonnum af laxi sökk í Tálknafirði

Viðtal

Keypti brúðarkjól og bað Guð um mann

Listi

Fimm réttir úr fortíð og nútíð

Fréttir

Helga Vala skoraði á Alþingi að aflétta leyndinni tafarlaust – Jón: „Dæmigerð popúlistauppákoma“

Mest lesið í vikunni

Fréttir

Vilhjálmur fékk 3,4 milljónir endurgreiddar – Þingmenn hæðast að umræðunni

Fréttir

Stjórnun kynferðisbrotadeildar ábótavant – Sigríður skipti yfirmanni út fyrir stjórnanda með minni reynslu af rannsókn kynferðisbrota

Fréttir

Kölluð kellingartussa og negri

Pistill

Karlar að spara okkur pening

Fréttir

Ferðaþjónustubændur í máli við Íshesta

Fréttir

Borgarstjórinn vísaði Eyþóri Arnalds af fundi í Höfða