Fréttir

Umboðsmaður fór fram á að ráðuneytið leiðrétti villandi svör

Dómsmálaráðuneytið svaraði upplýsingabeiðni þingkonu með villandi hætti og gaf ranglega til kynna að umboðsmaður Alþingis hefði lagt blessun sína yfir framferði Sigríðar Andersen dómsmálaráðherra.

Réttast að skrá símtalið Umboðsmaður Alþingis lýsti því sjónarmiði á fundi stjórnskipunar- og eftirlitsnefndar í september að dómsmálaráðherra hefði átt að skrá símtal sem hún átti við þáverandi forsætisráðherra þar sem hann var upplýstur um umsögn sem faðir hans hafði gefið barnaníðingi. Mynd: Morgunblaðið/Eggert

Dómsmálaráðuneytið veitti villandi upplýsingar í svari við upplýsingabeiðni Þórhildar Sunnu Ævarsdóttur, þingkonu Pírata, og gaf ranglega í skyn að umboðsmaður Alþingis hefði lagt blessun sína yfir það hátterni ráðuneytisins að skrá ekki símtal Sigríðar Andersen dómsmálaráðherra við Bjarna Benediktsson þegar Bjarni var upplýstur um að faðir hans, Benedikt Sveinsson, hefði veitt kynferðisbrotamanninum Hjalta Sigurjóni Haukssyni meðmæli vegna umsóknar hans um uppreist æru. 

Hið rétta er að Tryggvi Gunnarsson, umboðsmaður Alþingis, lýsti því sjónarmiði á fundi stjórnskipunar- og eftirlitsnefndar þann 21. september að samkvæmt lögum og reglum hefði ráðherra átt að skrá umrætt símtal. Ráðuneytið sendi Þórhildi Sunnu bréf og baðst velvirðingar á ónákvæmum svörum eftir að umboðsmaður hafði samband við ráðuneytið og benti á að framsetning í bréfi þess væri til þess fallin að valda misskilningi. 

Sögðu umboðsmann hafa farið yfir málið 

Báðust velvirðingarRáðuneytið bað þingkonu Pírata um að afsaka villandi svör eftir að umboðsmaður Alþingis hafði samband,

Í fyrra bréfi ráðuneytisins til Þórhildar var fullyrt að ráðuneytinu hefði ekki borið að skrá símtalið og vitnað til fundar þingnefndarinnar með umboðsmanni því til stuðnings. „Í því ljósi var ekki skylt að skrá símtalið sbr. 2. [gr.] reglna um skráningu samskipta í Stjórnarráði Íslands. Um þetta hefur verið fjallað ítarlega og hefur Umboðsmaður Alþingis m.a. farið yfir þennan þátt málsins með stjórnskipunar- og eftirlitsnefnd Alþingis hinn 21. september sl,“ sagði í bréfinu. Raunin er hins vegar sú að umboðsmaður tók skýrt fram á fundi stjórnskipunar- og eftirlitsnefndar að hann teldi að ráðherra hefði borið að skrá símtalið.

Skráðu þig inn til að lesa

Þú færð 4 greinar fríar í mánuði. Þú hefur síðan val um að styrkja óháða blaðamennsku með áskrift á hagstæðu verði, frá aðeins 1.290 krónum á mánuði. Leiðbeiningar má nálgast á stundin.is/leidbeiningar.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Pistill

Sannleikurinn um Viðar Guðjohnsen

Fréttir

Húsleit á Arnarnesinu hjá fiskútflytjanda úr Panamaskjölunum: „Ég hef ekkert að fela“

Viðtal

Dýralæknirinn sem keypti kaupfélag

Pistill

Katrín: Mas, mas, mas í heila mínútu

Úttekt

Ótrúlegur ráðherraferill Sigríðar Andersen: Lögbrot, leyndarhyggja og harka gagnvart hælisleitendum

Fréttir

Listi Roberts yfir stúlkur er enn til - lögregla hefji aftur rannsókn á kynferðisbrotum hans

Mest lesið í vikunni

Pistill

Sannleikurinn um Viðar Guðjohnsen

Fréttir

Húsleit á Arnarnesinu hjá fiskútflytjanda úr Panamaskjölunum: „Ég hef ekkert að fela“

Fréttir

Skýrsla Hannesar rituð á ensku – „Ótækt“ segir formaður íslenskrar málnefndar

Viðtal

Dýralæknirinn sem keypti kaupfélag

Pistill

Katrín: Mas, mas, mas í heila mínútu

Fréttir

Barnafjölskylda svipt framfærslufé vegna reglugerðar Sigríðar um útlendinga