Fréttir

Gillzenegger um Steinunni Valdísi: „Á hana dugar ekkert annað en lágmark tveir harðir“

Steinunn Valdís Óskarsdóttir, fyrrverandi borgarstjóri, ræddi í dag um áskorun Egils Gillzeneggers á menn að nauðga henni. Hann kallaði Steinunni Valdísi vændiskonu.

Steinunn Valdís Óskarsdóttir Grét í þjóðmálaþættinum Silfrinu í dag þegar hún rifjaði upp málið. Mynd: RÚV

Steinunn Valdís Óskarsdóttir, fyrrverandi borgarstjóri og þingmaður, ræddi um nauðgunarhótanir „nafngreindra manna“ í Silfrinu á RÚV í dag. 

„Ég sat undir því að þekktir nafngreindir menn hvöttu aðra karlmenn til þess að fara heim til mín og nauðga mér. Þeir hvöttu til nauðgana á mér vegna starfa minna í stjórnmálum og vegna þeirra mála sem ég hafði barist fyrir,“ sagði Steinunn Valdís.

Steinunn Valdís var ein 137 kvenna sem greindu frá kynferðislegri áreitni, ofbeldi og mismunun í stjórnmálum í yfirlýsingu í síðustu viku.

„Steinunn er portkonan sem vildi breyta orðinu ráðherra í ráðfrú fyrir konur.“

„Steinunn Valdís Óskarsdóttir, alþingismaður. Steinunn er portkonan sem vildi breyta orðinu ráðherra í ráðfrú fyrir konur. Steinunn þarf lim og það strax. Á hana Steinunni Valdísi dugar ekkert annað en lágmark tveir harðir og munu Buka og Yao taka þetta verkefni að sér. Fréttastofan ákvað að gefa Ásgeiri Kolbeinssyni frí í þetta skiptið, en Fréttastofan vill ekki hafa það á samviskunni að Ásgeir finnist hangandi í ljósakrónu í vesturbænum.“

Síðar var Egill Einarsson fenginn af fyrirtækinu Já til þess að hanna forsíðu símaskrár landsmanna, og valdi hann að birta mynd af sjálfum sér á kápunni með fimleikastúlkum úr Gerplu. Þá gaf hann út bækur og þætti, meðal annars Mannasiði Gillz, Lífsleikni Gillz og Heilræði Gillz. Þar ætlaði hann að leiða „kynbræður sína í allan sannleika um hvað það er að vera karlmaður, hvernig á að heilla hitt kynið og bregðast við hinum ýmsu aðstæðum.“

Sjálfur sagði Egill að um húmor hafi verið að ræða, ekki settan fram af honum, heldur persónunni Gillzenegger.

Meiri umræða um nauðgun

Símaskráin 2011Gillzenegger var gert hátt undir höfði þrátt fyrir húmor sem snerist um að hvetja til nauðgana á nafngreindum konum.

Árið sem símaskráin kom út kærðu tvær ungar stúlkur hann fyrir nauðgun, önnur þeirra 18 ára gömul stúlka sem sótti fjarþjálfun hjá Agli. Hvorugt málið fór fyrir dóm, heldur var þeim vísað frá, annars vegar af lögreglu og hins vegar af ríkissaksóknara þar sem þau þóttu ekki líkleg til sakfellingar. Áður hafði Egill sent yfirlýsingu á fjölmiðla þar sem hann sakaði aðra stúlkuna um að hafa sent á sig handrukkara til að kúga af sér fé, auk þess sem hann kærði hana og tvær vinkonur hennar, sem báru vitni í málinu, fyrir rangar sakargiftir. Það mál var einnig fellt niður. 

Í kjölfarið stefndi Egill fjórum ungmennum fyrir meiðyrði. Áður höfðu þau fengið viðvörun, þar sem farið var fram á að þeir myndu draga ummæli sín til baka, viðurkenna að þau væru ekki rétt og borgað Agli hálfa milljón króna, ella yrði þeim stefnt fyrir dóm. 

Eftir að Hæstiréttur sýknaði eitt þeirra, Inga Kristjón Sigmarsson, af ærumeiðingum fyrir að skrifa „Fuck you rapist bastard“ á mynd af Agli sem hann birti á Instagram á þeim forsendum að um gildisdóm væri að ræða, vísaði Egill málinu til Mannréttindadómstóls Evrópu, þar sem hann vann málið. „Það er ljóst að dómur Hæstaréttar stenst ekki kröfur Mannréttindasáttmálans um takmörk tjáningarfrelsis. Það er ekki þægileg tilfinning að vera saklaus maður sitjandi undir ummælum sem þessum,“ sagði Egill í samtali við Vísi af því tilefni. 

Í viðtali við unglingablaðið Monitor 2012 kvartaði Egill undan þeim áhrifum á líf hans sem nauðgunarkærur og umræða um það höfðu.

„Já, ég er fín fyrirmynd. Eða ég vona það. Hvað er fyrirmynd? Þeir sem eru alltaf að tönglast á að einhver sé vond fyrirmynd hafa örugglega frekar takmarkaða trú á ungu fólki. Ég veit að vinstrisinnaðir femínistar eru ekkert sammála því að ég sé góð fyrirmynd. Mér finnst ólíklegt að það muni gerast að ungir strákar velji sér einhverjar lopahúfur sem fyrirmyndir. Er eitthvað að því að ungir strákar velji sér fyrirmynd sem er reyklaus, dóplaus, í góðu formi og neiti að láta valta yfir sig?“

Hér er færsla Gillzeneggers í heild um Steinunni Valdísi og fleiri nafngreindar konur.

Færsla Gillzeneggers 

Fréttastofan leggur mikla áherslu á að eftirfarandi konur fái mök og það strax: (Ef Ásgeir Kolbeinsson treystir sér ekki í þetta verkefni þá hefur Fréttastofan náð samningum við eftirfarandi menn til að afgreiða „dömurnar“: Buka Wamukota Damnida Wanjala, Yao Vinza Yohanze Mohumbu og Jamal Johnson.) 

Drífa Snædal, framkvæmdastýra þingflokks vinstri grænna. Drífa Snædal fór mikinn í Kastljósinu á dögunum þar sem hún sat á móti Agli Helgasyni og reyndi að rífa kjaft. Aldrei hefur kvenmaður misst jafn mikið magn af saur í Kastljósinu áður. Drífa talaði í hringi og vissi ekki hvort það voru páskar eða jól. Fréttastofan hafði samband við Þórhall Gunnarsson ritstjóra Kastljóss og hafði hann þetta um málið að segja: „Ég vil helst ekki tjá mig um málið en ég get sagt að það er ennþá verið að reyna að þrífa stúdíóið og á mínum 35 ára ferli hef ég aldrei séð annað eins“. Fréttastofan hefur tilnefnt Ásgeir Kolbeinsson og Jamal Johnson í að tittlinga Drífu ASAP.

Kolbrún Halldórsdóttir, alþingismaður. Kolbrún hefur aldrei fengið stifan lim og því hefur Fréttastofan ákveðið að senda Ásgeir, Jamal, Buka og Yao alla í þetta verkefni. Kolbrún toppaði sjálfa sig í leiðindum þegar hún stakk upp á því að nýfædd börn yrðu ekki sett í blá eða bleik föt. Kolbrún er í fullri vinnu við að vera óþolandi og tala með rassgatinu og það er kominn tími til að þagga niður í henni endanlega og munu þessir herramenn sem Fréttastofan taldi upp áðan fylla hana eins og hátíðarkalkún. Það mun vonandi vera til þess að hún steingrjóthaldikjafti og fari að haga sér.

Steinunn Valdís Óskarsdóttir, alþingismaður. Steinunn er portkonan sem vildi breyta orðinu ráðherra í ráðfrú fyrir konur. Steinunn þarf lim og það strax. Á hana Steinunni Valdísi dugar ekkert annað en lágmark tveir harðir og munu Buka og Yao taka þetta verkefni að sér. Fréttastofan ákvað að gefa Ásgeiri Kolbeinssyni frí í þetta skiptið, en Fréttastofan vill ekki hafa það á samviskunni að Ásgeir finnist hangandi í ljósakrónu í vesturbænum.

Anna Margrét Björnsdóttir, blaðamaður. Fréttastofan verðlaunar að sjálfsögðu fólk sem gerir góða hluti og hún Anna Margrét Björnsdóttir er að gera mjög góða hluti og fær hún Blástursverðlaun Fréttastofunnar í ár. Samkvæmt áreiðanlegum heimildum Fréttastofunnar hefur Anna bætt öll met í blæstri á samstarfsfélögum sínum og yfirmönnum á Fréttablaðinu. Heimildarmaður Fréttastofunnar vildi ekki koma undir nafni en hann hafði þetta að segja: „Ég hef aldrei séð annað eins, hún gengur um fyrirtækið eins og mennsk Nilfisk ryksuga. Hún er duglegri að ryksuga inni hjá yfirmönnunum en af og til verðum við strákarnir niðri lucky og hún „ryksugar“ okkur ef þú veist hvað ég á við.“

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Fréttir

Jón Steinar þrýsti á að Robert Downey fengi uppreist æru „eftir þá hrakninga sem hann lenti í“

Fréttir

Guðni mátti ekki sjá minnisblöð um Downey og Hjalta: „Ber að eyða því í pappírstætara“

Fréttir

Frásagnir kvenna í læknastétt: „Það þarf nú bara að þvinga lykkjuna upp á ykkur “

Pistill

Með bakið upp við vegginn

Fréttir

Pressan borgaði ekki af jeppa Björns Inga og stefnir í þrot út af ógreiddum iðgjöldum starfsmanns

Pistill

Hvernig er hægt að losna við Trump?

Mest lesið í vikunni

Rannsókn

„Skelfilegar sögur“ úr Kvikmyndaskóla Íslands

Fréttir

Áralangar deilur innan fjölskyldu Ásmundar Einars hafa ratað til lögreglunnar

Fréttir

Björn Ingi keypti hús með auglýsingasamningi og kúlulánum frá GAMMA

Fréttir

Jón Steinar þrýsti á að Robert Downey fengi uppreist æru „eftir þá hrakninga sem hann lenti í“

Fréttir

Guðni mátti ekki sjá minnisblöð um Downey og Hjalta: „Ber að eyða því í pappírstætara“

Pistill

Okkar eigin Weinstein