Fréttir

Reyndur náttúruverndarsinni skipaður umhverfisráðherra

Sigríður Andersen, Guðlaugur Þór Þórðarson og Þórdís Kolbrún Reykjfjörð halda ráðuneytum sínum. Þá verður Ásmundur Einar Daðason félagsmálaráðherra. Katrín Jakobsdóttir leitaði út úr þingflokknum og skipaði óvænt reyndan umhverfisverndarsinna í umhverfisráðuneytið.

Nýr umhverfisráðherra Náttúruverndarsinninn Guðmundur Ingi Guðbrandsson fer í ráðuneyti umhverfismála. Mynd: Landvernd

Óvæntasta útspilið í myndun nýrrar ríkisstjórnar er ákvörðun Katrínar Jakobsdóttur forsætisráðherra að skipa Guðmund Inga Guðbrandsson, fyrrverandi framkvæmdastjóra náttúruverndarsamtakanna Landverndar, í umhverfisráðuneytið. 

Guðmundur Ingi er menntaður líffræðingur og umhverfisfræðingur að mennt. Hann hefur stundað rannsóknir í vist- og umhverfisfræðum við Háskóla Íslands og við alþjóðamál og rannsóknir hjá Landgræðslu ríkisins.

Þá hefur hann kennt í nokkrum námskeiðum við Háskóla Íslands, Landbúnaðarháskóla Íslands og Háskólasetur Vestfjarða síðan 2006. Guðmundur Ingi hefur auk þess starfað sem landvörður.

Guðmundur Ingi er einn fárra utanþingsráðherra í íslenskum ríkisstjórnum á þessari öld. Áður gegndu Gylfi Magnússon og Ragna Árnadóttir ráðherraembættum í vinstri stjórn Jóhönnu Sigurðardóttur, en Ólöf Nordal var einnig utan þings og svo Lilja Dögg Alfreðsdóttir.

Katrín Jakobsdóttir rökstyður ákvörðun sína meðal annars með þeim hætti að mikið álag verði á þingmönnum vegna aukinnar áherslu á hlutverk Alþingis, en einnig með því að Andrés Ingi Jónsson og Rósa Björk Brynjólfsdóttir tóku þá afstöðu að greiða atkvæði gegn stjórnarsamstarfinu á flokksráðsfundi Vinstri grænna.

Svandís Svavarsdóttir verður heilbrigðisráðherra.

Ásmundur ráðherra

Þá vekur athygli að Ásmundur Einar Daðason hefur verið skipaður félagsmálaráðherra fyrir hönd Framsóknarflokkinn. 

Sigurður Ingi Jóhannsson verður samgönguráðherra og Lilja Dögg Alfreðsdóttir mennta- og menningarmálaráðherra.

Willum Þór Þórsson verður formaður fjárlaganefndar Alþingis.

Kynjahlutfall í ríkisstjórninni er körlum í hag, þeir eru sex en konurnar fimm.

Páll Magnússon aftur ósáttur

Hjá Sjálfstæðisflokki halda flestir ráðherrar sætum sínum. Sigríður Andersen verður áfram dómsmálaráðherra, Guðlaugur Þór Þórðarson utanríkisráðherra, Þórdís Kolbrún Reykfjörð Gylfadóttir iðnaðar- og ferðamálaráðherra, en Kristján Þór Júlíusson fer í sjávarútvegsráðuneytið. Þá verður Bjarni Benediktsson fjármálaráðherra, líkt og hann var fram til síðasta árs.

Svo virðist sem tveir þingmenn Sjálfstæðisflokksins séu afar ósáttir. Jón Gunnarsson, fráfarandi samgönguráðherra, yfirgaf þingflokksfund áður en honum lauk og fór út um bakdyr. 

Páll Magnússon, fyrsti þingmaður Suðurkjördæmis, lýsir óánægju sinni á Facebook. „Í annað sinn á innan við ári hefur formaður Sjálfstæðisflokksins nú gengið framhjá Suðurkjördæmi þegar kemur að ráðherraskipan í ríkisstjórn sem flokkurinn á aðild að. Þetta gerist þrátt fyrir að kjördæmið sé annað höfuðvígi Sjálfstæðisflokksins á landinu. Ég mótmælti því harðlega í samtali við formanninn í morgun að hlutur kjördæmisins skuli þannig vera fyrir borð borinn og tilkynnti honum að af þessari ástæðu gæti ég ekki stutt þann ráðherralista sem hann lagði fyrir þingflokkinn. Áréttað skal að ég greiddi atkvæði með stjórnarsáttmálanum og styð ríkisstjórnina.“

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Viðtal

Fyrrverandi sambýlismaður minn er grunaður um að nauðga piltum

Fréttir

„Gerði ráðherra enga kröfu um að aðstoðarmaðurinn færi ekki að vinna fyrir sömu kröfuhafa og hann var að kljást við?“

Fréttir

Houssin ekki fylgdarlaust ungmenni við komuna til landsins

Fréttir

72,5 prósent vilja að Sigríður Andersen segi af sér

Pistill

Ferðasirkusinn við Austurvöll og siðanefndin sem hvarf

Aðsent

Öskuhaugar sögunnar og forysta Eflingar

Mest lesið í vikunni

Fréttir

Næsta bylting: Konur deila sögum af þvinguðu samþykki

Fréttir

Kölluð kellingartussa og negri

Fréttir

Kjartan ákærður fyrir gróf kynferðisbrot gegn dætrum sínum

Viðtal

„Neita að eyða allri ævinni í að vinna fyrir einhvern steinkassa“

Fréttir

Íslenskir læknar styðja bann við umskurði barna - lýsa alvarlegum fylgikvillum

Viðtal

Fyrrverandi sambýlismaður minn er grunaður um að nauðga piltum