Fréttir

Hneykslismál Sjálfstæðisflokksins ekki fyrirstaða, enda séu „vandamál í öllum flokkum“

Ari Trausti Guðmundsson, þingmaður Vinstri grænna, leggur hneykslismál Sjálfstæðisflokksins að jöfnu við mistök og galla annarra flokka. „Ég held að það séu vandamál í öllum flokkum,“ sagði Katrín Jakobsdóttir aðspurð um frændhygli Sjálfstæðisflokksins í Harmageddon-viðtali.

Ari Trausti Guðmundsson, þingmaður Vinstri grænna, telur að hneykslismál Sjálfstæðisflokksins séu sambærileg þeim mistökum og göllum sem aðrir stjórnmálaflokkar hafa verið gagnrýndir fyrir á undanförnum árum. Í þessu samhengi bendir hann á „litla samhæfni“ Pírata og aðkomu Samfylkingarinnar að ríkisstjórn Geirs H. Haarde í aðdraganda hrunsins auk þess sem hann rifjar upp að Vinstri græn hafi sætt gagnrýni fyrir „ýmis mistök“ í ríkisstjórnartíð Jóhönnu Sigurðardóttur og Steingríms J. Sigfússonar. 

Þetta kemur fram í umræðum á Facebook-síðu Ara Trausta, sem var oddviti VG í Suðurkjördæmi fyrir síðustu þingkosningar. Ari er spurður hvort VG taki síendurtekna misbeitingu Sjálfstæðisflokksins á valdi alvarlega. Hann svarar með því að vísa til þess að allir flokkar hafi sinn djöful að draga. Orðrétt skrifar Ari: „Skoðaðu flokkana sem til reiðu eru: VG harðlega gagnrýnd fyrir ýmis mistök í Jóhönnustjórn, S gagnrýnd fyrir stjórn með Geir H. og stjórnina með VG, Miðflokkurinn býsna óljós í kringum einhvern mest gagnrýnda stjórnmálamann Íslands, Framsókn nýkomin úr tæpl. 4 ára sveltistjórn með D. C-ið harðir markaðshyggjustjórnmálamenn, P gagnrýndir fyrir litla samhæfni og F býsna óljós þegar kemur að framkvæmd sinnar stefnu og með umdeildan rasisma að baki. Og D-ið, um hann má skrifa margt og ófagurt. Hvernig vinna stjórnmálamenn sem eiga skv. stjórnarskrá að mynda ríkisstjórn úr þessu landslagi? Þeir ræða alvarlega við alla í þeirri röð sem getur talist SKÝRANDI um möguleikana. Daðra við alla, rökræða við alla, reyna að finna andstöðu og samstöðu.“

Málflutningur Ara Trausta er í sama anda og ummæli sem Katrín Jakobsdóttir lét falla í Harmageddon-viðtali á dögunum. Þegar útvarpsmaðurinn Máni Pétursson vakti máls á tilhneigingu Sjálfstæðisflokksins til frændhygli á kostnað hins opinbera sagði Katrín: „Ég held að það séu vandamál í öllum flokkum svo maður segi það nú.“

Segir Sjálfstæðisflokkinn hafa róið á mið útlendingaandúðar

Fullyrt er í frétt sem birtist á Vísi.is í dag að Edward Hákon Hujbens, varaformaður Vinstri grænna, telji að ekki geti skapast sátt um samstarf við Sjálfstæðisflokkinn nema Bjarni Benediktsson, formaðurinn, verði utan ríkisstjórnarinnar. 

Edward Hujbensvaraformaður VG

Stundin hafði samband við Edward og spurði hvort þetta væri raunverulega hans afstaða. Hann segir að svo sé ekki. Edward segist hafa verið að lýsa þeim röddum sem hafi heyrst innan flokksins. „Þarna er ég ekki að lýsa afstöðu minni heldur þeim sjónarmiðum sem flokksmenn hafa viðrað við mig,“ segir hann. Sjálfur segist Edward treysta Katrínu Jakobsdóttur og Svandísi Svavarsdóttur til að meta hvað er skynsamlegast í þessum efnum. 

Samfylkingin, Píratar og Viðreisn lýstu í gær yfir vilja til að ræða við Vinstri græn um myndun ríkisstjórnar, annaðhvort með Framsóknarflokknum eða Flokki fólksins. Edward tjáði sig um þetta og sagði ljóst að Framsóknarflokkurinn væri alfarið á móti samstarfi við Viðreisn. Um leið vakti hann máls á því að það væri „sterk taug útlendingaandúðar“ í Flokki fólksins.

Stundin spurði Edward hvort hann teldi þetta frekar eiga við um Flokk fólksins heldur en Sjálfstæðisflokkinn sem hefur rekið harða útlendingastefnuundanfarin ár og þrengt að réttindum fólks sem sækir um hæli á Íslandi. „Sá flokkur hefur vissulega verið að róa á þau mið, en Flokkur fólksins hefur sterkari stimpil á sér hvað þetta varðar,“ segir Edward. 

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Fréttir

Nýtur trausts innan lögreglunnar þrátt fyrir nauðgunarkærur

Fréttir

Hent út af heimili sínu eftir að hún steig fram

Ríka Ísland

Ríka Ísland

Leiðari

Hvers virði eru völdin?

Greining

Miðflokkurinn er stærsta popúlíska hreyfing Íslands

Fréttir

Greiðsluþakið hækkað þrátt fyrir loforð um lækkun

Mest lesið í vikunni

Úttekt

Laun íslenskra bæjarstjóra hærri en í erlendum stórborgum

Fréttir

Nýtur trausts innan lögreglunnar þrátt fyrir nauðgunarkærur

Fréttir

Hent út af heimili sínu eftir að hún steig fram

Fréttir

Sósíalistar vilja afnema greiðslur slökkviliðsins til borgarstjóra

Fréttir

Bróðir Hauks handtekinn fyrir að flagga tyrkneska fánanum á Stjórnarráðshúsinu

Fréttir

Vildi ekki verða „húsþræll“ í vinstri- og miðjusamstarfi en myndaði atkvæðablokk með Sjálfstæðisflokknum