Fréttir

Unglingar fengu áfengi og hlustuðu á ræður ráðherra Sjálfstæðisflokksins

Ólögráða menntaskólanemar fengu ókeypis áfengi á opnunarhátíð kosningaseturs ungra sjálfstæðismanna, þar sem ráðherrar flokksins héldu ræður. Formaður SUS segist harma ef það kom fyrir. Málið verður líklega rætt á stjórnarfundi SUS.

Unglingar að drykkju Samkvæmt gesti hátíðarinnar fengu unglingar að drekka áfenga drykki óáreyttir. Piltarnir þrír á myndinni eru undir áfengiskaupaaldri, þar af tveir sautján ára. Mynd: Ungir sjálfstæðismenn

Á myndum af nýafstaðinni opnunarhátíð kosningaseturs ungra sjálfstæðismanna má sjá menntaskólanema neyta áfengis, en samkvæmt lögum er óheimilt að selja, veita eða afhenda áfengi einstaklingum yngri en 20 ára. Nýkjörinn formaður Sambands ungra sjálfstæðismanna, Ingvar Smári Birgisson, segir Stundinni að það sé ekki stefna flokksins að gefa ungu fólki áfengi.

Hátíðin var auglýst sem „jazz kokteilboð“ þar sem boðið var upp á veitingar og áfenga og óáfenga drykki. Gestir voru samkvæmt SUS um 150, en ýmsir áhrifamenn flokksins mættu, meðal annars Bjarni Benediktsson, Sigríður Á. Andersen, Áslaug Arna Sigurbjörnsdóttir, og Guðlaugur Þór Þórðarson.

Einnig má sjá mikið af fólki með bjór eða vín í glasi, þar á meðal menntaskólanema sem voru sumir hverjir aðeins 16 ára.

ForsætisráðherraBjarni Benediktsson stillir sér hér upp með piltum. Þess ber að geta að þeir eru ekki með áfengi á myndinni.

Mætti ekki fyrir flokkinn, heldur ókeypis áfengi

Stundin kom sér í samband við einn gest hátíðarinnar sem sagði að engin hafi verið að fylgjast með drykkju unglinga, og að allir hafi verið með áfengi. „Ég mæti á staðinn, og ég sá að Bjarni Ben var með fyrirlestur, Sigríður Andersen og fleiri. Ég fer á barinn, bið um bjór, og starfsmaður rétti mér bara bjór. Það var það einfalt.“

„Ég er ekkert mjög hrifinn af Sjálfstæðisflokknum sjálfum, en ég mætti þarna bara fyrir áfengið.“

Gesturinn segist aldrei áður hafa mætt á svona hátíð. „Ég er ekkert mjög hrifinn af Sjálfstæðisflokknum sjálfum, en ég mætti þarna bara fyrir áfengið.“

Heimdallur, félag ungra sjálfstæðismanna í Reykjavík, rataði fyrr á þessu ári í fréttir fyrir að bjóða menntaskólanemum áfengi fyrir atkvæði. Gesturinn sagði að það hefði ekki verið þannig yfirskrift í þessari hátíð. „Það var ekki sagt að það þyrfti að sýna Sjálfstæðisflokknum stuðning, það var bara verið að bjóða upp á áfengi.“

„Ekki stefna ungra sjálfstæðismanna“

Ingvar, formaður SUS, segir að á viðburðum ungliðahreyfinga mæti oft fólk sem er yngra en 20 ára, og að það komi fyrir að það fái áfengi. „Það er hins vegar auðvitað ekki stefna ungra sjálfstæðismanna að fólk undir lögaldri drekki áfengi á viðburðum okkar. Okkur þykir miður ef að það hefur komið fyrir í þessu tilviki.“

Hann bætir við að SUS sé ekki sérstaklega að reyna að höfða til menntaskólanema með ókeypis áfengi. „Það mættu 150 manns í opnun kosningamiðstöðvar okkar, og í einhverjum tilfellum hefur fólk fengið áfengi sem ekki er orðið 20 ára. Auðvitað er það ekkert til fyrirmyndar, og við munum beita okkur fyrir því í auknum mæli að reyna að vera með einhvers konar fyrirkomulag sem kemur í veg fyrir að þetta endurtaki sig.“

Ingvar gat ekki svarað hvernig slíkt fyrirkomulag myndi líta út, en að það væri stjórnarfundur síðar í kvöld þar sem þetta mál yrði að öllum líkindum rætt.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Pistill

Áskorun um #strákahitting

Leiðari

Óvinir valdsins

Fréttir

Bjarni um viðskipti með Sjóvá sem fóru til saksóknara: „Mér líst mjög vel á þetta mál“

Pistill

Þorum við að vera við?

Fréttir

Fékk nóg af hagræðingartali ráðherra: „Við erum hér alla daga að reyna gera okkar besta“

Fréttir

Sagðist sjálfur hafa greitt skuldirnar sem faðir hans yfirtók

Mest lesið í vikunni

Fréttir

Lögbann á frekari umfjöllun um viðskipti forsætisráðherra

Fréttir

Faðir Bjarna Benediktssonar greiddi upp skuldir hans vegna áhættuviðskipta

Pistill

Það sem Sjálfstæðisflokkurinn vill ekki að þú vitir um húsnæðismál

Pistill

Áskorun um #strákahitting

Pistill

Baráttan við TR-kerfið – mig grunaði aldrei hversu niðurlægjandi hún yrði

Leiðari

Óvinir valdsins