Auglýsingin hverfur eftir stutta stund...
Loka

Fréttir

Vísar ábyrgðinni á embættismenn: „Ég var erlendis á þessum vikum“

Sigríður Á. Andersen dómsmálaráðherra segist enga aðkomu hafa haft að ákvörðun um að veita ekki aðgang að gögnum um mál Roberts Downey.

„Ég var erlendis á þessum vikum svo því sé haldið til haga,“ sagði Sigríður Á. Andersen dómsmálaráðherra aðspurð um synjun ráðuneytisins á upplýsingabeiðnum um mál Roberts Downey í sumar.

Þórhildur Sunna Ævarsdóttir

Þórhildur Sunna Ævarsdóttir, þingkona Pírata, spurði ráðherra um aðkomu sína að þeirri ákvörðun á opnum fundi stjórnskipunar- og eftirlitsnefndar sem nú stendur yfir.

Hún sagðist enga aðkomu hafa haft að ákvörðunum um að birta ekki gögnin, heldur einungis sérfræðingar og embættismenn dómsmálaráðuneytisins.

Sem kunnugt er komst úrskurðarnefnd um upplýsingamál síðar að þeirri niðurstöðu í úrskurði sínum að dómsmálaráðuneytið hefði gengið lengra í upplýsingaleynd en eðlilegt væri samkvæmt ákvæðum upplýsingalaga. 

Robert Downey

Aðspurð hvers vegna ekki hefði verið haft samband við umsagnaraðila Roberts Downey áður en ráðuneytið synjaði brotaþolum og fjölmiðlum um aðgang að gögnunum beindi ráðherra talinu að þeirri skoðun sinni að rétt væri að hafa samband við umsagnaraðila á þeim tíma sem umsögnum þeirra sem sækja um uppreist æru er skilað inn í ráðuneytið.

Sigríður gekkst ekki við því að hafa gefið ranga mynd af viðbrögðum ráðuneytisins við upplýsingabeiðnum með því að láta að því liggja að ráðuneytið sjálft hefði vísað málinu til úrskurðarnefndar um upplýsingamál. 

„Ég hef aldrei haldið því fram að ég eða ráðuneytið hafi ákveðið að leita til úrskurðarnefndarinnar,“ sagði hún og sakaði Þórhildi Sunnu um útúrsnúning eftir að hún varpaði fram spurningu um málið.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Fréttir

Húsleit á Arnarnesinu hjá fiskútflytjanda úr Panamaskjölunum: „Ég hef ekkert að fela“

Fréttir

Lofgrein um Davíð í Morgunblaðinu á skjön við Rannsóknarskýrsluna

Fréttir

Sveinbjörg um þéttingu byggðar: „Höfum misst bæði hundinn okkar og köttinn okkar“

Fréttir

Tryggvi Þór og Friðjón könnuðu aðstæður til raforkuframleiðslu í Dölunum fyrir GAMMA

Fréttir

Listi Roberts yfir stúlkur er enn til - lögregla hefji aftur rannsókn á kynferðisbrotum hans

Fréttir

Margt helsta áhrifafólk landsins fagnaði með Davíð

Mest lesið í vikunni

Viðtal

Þakklátur fyrir þessa lífsreynslu

Úttekt

„Ekki kominn tími til að ég brenni allar veraldlegar eigur mínar“

Fréttir

Skýrsla Hannesar rituð á ensku – „Ótækt“ segir formaður íslenskrar málnefndar

Fréttir

Húsleit á Arnarnesinu hjá fiskútflytjanda úr Panamaskjölunum: „Ég hef ekkert að fela“

Fréttir

Umboðsmaður fór fram á að ráðuneytið leiðrétti villandi svör

Pistill

VG framlengir tuttugustu öldina