Auglysingin hverfur eftir stutta stund...
Loka

Fréttir

Dæmdur fyrir hrottalega nauðgun gegn þroskahamlaðri konu – fékk uppreist æru í fyrra

Myndlistamaðurinn Tolli og Solla á Gló skrifuðu meðmæli fyrir mann sem dæmdur var fyrir kynferðisbrot árið 1998.

Maður sem dæmdur var í tveggja ára fangelsi fyrir að nauðga og misþyrma konu með þroskahömlun árið 1998, fékk uppreist æru þann 8. ágúst í fyrra.

Meðmælendur mannsins voru myndlistamaðurinn Þorlákur Morthens, oft kallaður Tolli, og Sólveig Eiríksdóttir, stofnandi veitingastaðarins Gló.

Nafn mannsins er afmáð í gögnunum sem dómsmálaráðuneytið afhenti Stundinni í gær. Að því er fram kemur í tölvupósti frá upplýsingafulltrúa ráðuneytisins er ástæðan sú að dómstólar ákváðu að þinghald í málinu væri lokað og að dómur yrði birtur án nafns. Hann var hins vegar nafngreindur í fjölmiðlum á sínum tíma. 

Fram kemur í dómi Héraðsdóms Reykjavíkur, sem kveðinn var upp þann 26. mars árið 1998, að maðurinn hafi haldið konunni, sem er með þroska á við 6 ára barn, nauðugri á heimili sínu í tæplega sólarhring og misþyrmt henni. Jafnframt fannst myndband með barnaklámi á heimili hans.

Sagði konuna hafa viljað það

Maðurinn hitti konuna í miðbæ Reykjavíkur aðfaranótt 6. desember og fór hann með hana á heimili sitt þar sem hann nauðgaði henni og misþyrmdi. 

Eftir að hann sofnaði áfengisdauða tókst konunni að hringja í foreldra sína sem leituðu aðstoðar lögreglu. Þegar lögreglan kom á heimili mannsins var hún í handjárnum og með mikla áverka.

Í dóminum kemur fram að maðurinn hafi viðurkennt að hafa handjárnað konuna, bundið og lamið með hundaól. Viðurkenndi hann að sumir áverkarnir á henni væru af sínum völdum en sagði að það sem fram fór hefði verið með vilja hennar.

Við ákvörðun refsingar var höfð hliðsjón af því að brotin beindust að kynfrelsi konunnar sem er þroskaheft. Hann hefði svipt hana frelsi í marga klukkutíma og valdið henni miklum áverkum. Þótti tveggja ára fangelsisrefsing hæfileg og 109 daga gæsluvarðhaldsvist kom refsingunni til frádráttar. 

Orðinn „fallegri og stærri einstaklingur“

Maðurinn sótti um uppreist æru þann 28. febrúar 2016. Fram kemur í meðmælabréfi Þorláks Morthens að hann hafi verið samferða honum undanfarin ár og kynnst þar „ábyrgum og traustum manni sem hefur lagt á sig mikla og heiðarlega vinnu í sjálfan sig og er í dag það sem við köllum traustur samborgari“. 

Í bréfi sínu segist Sólveig Eiríksdóttir hafa þekkt manninn í hartnær 30 ár. „Einstaklega opinn og hjartahlýr maður og er góður faðir og afi að ég veit,“ skrifar hún og bætir því við að hann hafi vaxið og dafnað, orðið að „fallegri og stærri einstaklingi á öllum sviðum“. Hann sé „traustur, heiðarlegur og góður vinur með einstaklega sterka réttlætiskennd“. 

Ólöf Nordal, þáverandi innanríkisráðherra, lagði til þann 19. júlí 2016, í samræmi við stjórnsýsluhefðir og lög, að maðurinn fengi uppreist æru og staðfesti Guðni Th. Jóhannesson forseti tillöguna þann 8. ágúst sama ár.

Uppfært kl. 18:39:

Haft var eftir Sólveigu Eiríksdóttur í fréttum Stöðvar 2 að með meðmælunum hefði hún ekki viljað samþykkja eða réttlæta á nokkurn hátt þann glæp sem maðurinn framdi. Hún hafi eingöngu verið að votta um góða hegðun hans á tilteknu tímabili, að hann sé orðin breytt og betri manneskja.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Fréttir

Deilan um útboð Isavia: 230 milljóna gróði af verslun 66° Norður í Leifsstöð

Fréttir

Ætlar ekki að segja sig úr Sjálfstæðisflokknum

Fréttir

Launahækkanir forstjóra „ógeðslegt misrétti“

Fréttir

Starfsfólk Árnastofnunar reitt við Ríkisútvarpið

Pistill

Þar var einu sinni svo gott að djamma og djúsa

Fréttir

Ráðuneytið segir kosningaloforð Eyþórs óheimilt

Mest lesið í vikunni

Pistill

Lærði að lifa af

Afhjúpun

Sigmundur Davíð lét setja upp stuðningssíður í nafni annarra

Fréttir

Björn Ingi Hrafnsson ógjaldfær

Fréttir

Einn ríkasti hópurinn losnar við fasteignaskatta samkvæmt loforðum Eyþórs

Úttekt

Okurlán Netgíró og tengslin við smálánafyrirtækin

Reynsla

Í lífshættu í hlíðum Marokkó