Þessi grein birtist upphaflega í Stundinni fyrir meira en 6 árum.

Brynjar þekkti meðmælanda Roberts Downey þegar hann stýrði fundi um málið

Brynj­ar Ní­els­son, formað­ur stjórn­skip­un­ar- og eft­ir­lits­nefnd­ar, teng­ist með­mæl­anda Roberts Dow­ney, en hann skip­aði sama fót­boltalið og Hall­dór Ein­ars­son auk þess sem þeir unnu sam­an. Meiri­hluti nefnd­ar­inn­ar gekk út af fundi um máls­með­ferð­ina án þess að kynna sér gögn sem lögð voru fram á fund­in­um, með­al ann­ars um með­mæl­end­ur Roberts. Í lok fund­ar­ins lýsti formað­ur Pírata yf­ir van­trausti á Brynj­ar.

Brynjar þekkti meðmælanda Roberts Downey þegar hann stýrði fundi um málið
Mynd í dreifingu Brynjar Níelsson á mynd með Halldóri Einarssyni, einum meðmælenda Róberts Downey. Halldór kvaðst þekkja Róbert í gegnum fótboltann.

Brynjar Níelsson, þingmaður Sjálfstæðisflokksins og formaður stjórnskipunar- og eftirlitsnefndar Alþingis, þekkir Halldór Einarsson, einn meðmælanda Roberts Downey. Þetta staðfestir Brynjar í samtali við Stundina. „Já, við þekkjumst við Halldór, aðallega vegna þess að ég vann fyrir hann mikið hér áður. Þannig við erum búnir að þekkjast lengi við Halldór.“

 „Við erum búnir að þekkjast lengi við Halldór“

Mynd þar sem þeir Halldór og Brynjar skipa sama fótboltalið hefur gengið um samfélagsmiðla. Myndin er frá því að Old-boys lið Vals lék til úrslita um Íslandsmeistaratitilinn. Brynjar var þá enn að spila fótbolta en Halldór var titlaður „manager“ liðsins.

Í samtali við Vísi sagðist Halldór þekkja Robert Downey í gegnum fótboltann. Aðspurður segist Brynjar ekki hafa kynnst Roberti þar, líkt og Halldóri. „Nei, við erum sitthvor kynslóðin í fótboltanum. Ég þekki hann ekki úr fótboltanum,“ segir Brynjar. „Þeir eru einhverjir æskuvinir úr fótboltanum, en ég er alveg fimmtán árum yngri.“

Vantreysti Brynjari í stjórnskipunar- og eftirlitsnefnd 

Stjórnskipunar- og eftirlitsnefnd Alþingis fundaði um málsmeðferðina varðandi uppreist æru Roberts þann 14. ágúst. Að fundi loknum lýsti Birgitta Jónsdóttir, þingmaður Pírata, vantrausti á formanninn vegna framgöngu hans á fundinum.

„Þessu var stillt upp þannig að það væru ein­hverjar heilsu­far­s­upp­lýs­ing­ar sem væru bundn­ar lög­um um trúnað; per­sónu­vernd­ar­á­kvæði. Svo kom í ljós að þetta er allt mjög al­mennt“

„Þessu var stillt upp þannig að það væru ein­hverj­ar heilsu­far­s­upp­lýs­ing­ar sem væru bundn­ar lög­um um trúnað; per­sónu­vernd­ar­á­kvæði. Svo kom í ljós að þetta er allt mjög al­mennt en það er búið að binda okk­ur í minni­hlut­an­um þannig trúnaði að við erum að brjóta lög ef við upp­lýs­um um hverj­ir þess­ir meðmæl­end­ur eru,“ sagði Birgitta í sam­tali við mbl.is á þeim tíma. Hún greindi síðan frá því í viðtali við Morgunútvarpið í morgun að hún hefði lagt til að strikað yrði yfir allar upplýsingar sem gætu orkað tvímælis en því hefði verið hafnað.

Þá kom í ljós að nefndin hefði kallað eftir þessum upplýsingum og fengið, en þar sem Brynjar hefði ekki fylgst með pósthólfinu sínu var fundurinn ekki haldinn fyrr en mánuði síðar.

Meirihlutinn gekk út af fundinum 

Athygli vakti að meirihluti nefndarinnar, þingmenn Sjálfstæðisflokksins og Viðreisnar, gekk út af fundinum og neitaði að skoða gögnin, sem nefndin hafði kallað eftir og voru lögð fram á fundinum, þar á meðal upplýsingar um hina valinkunnu menn sem veittu Roberti meðmæli. „Ég skil ekki al­veg hvað er í gangi og fyrst þau hafa ekki séð þessi bréf þá geta þau vænt­an­lega ekki verið á fund­um. Við þurf­um að kalla eft­ir áliti lög­manns Alþing­is og for­sæt­is­nefnd­ar hvort þau geta setið á fund­um þar sem við erum að ræða við ráðuneytið um spurn­ing­ar sem vakna við lest­ur bréf­anna,“ sagði Birgitta.

Hildur Sverrrisdóttir, þingkona Sjálfstæðisflokksins og einn fulltrúi hans í eftirlits- og stjórnskipunarnefnd, skýrði þá afstöðu sína að ganga út af fundinum með því að hún þyrfti ekki að sjá „þessi svokölluðu meðmælabréf til að taka efnislega afstöðu til málsins“ eins og það liti út gagnvart nefndinni.

„Uppá­kom­an í nefnd­inni í gær virk­ar furðuleg. Hún þarfn­ast skýr­inga og ég skil ekki þau rök sem komið hafa fram.“

Óttarr Proppé, formaður Bjartrar framtíðar, sem nú hefur slitið ríkisstjórnarsamstarfinu gagnrýndi þessa uppákomu á sínum tíma. „Uppá­kom­an í nefnd­inni í gær virk­ar furðuleg. Hún þarfn­ast skýr­inga og ég skil ekki þau rök sem komið hafa fram.“

Spurði hvort Brynjar væri vanhæfur

Tveimur dögum síðar varpaði Bergur Þór Ingólfsson, faðir Nínu Rúnar Bergsdóttur, þolanda Downey, fram þeirri spurningu hvort Brynjar væri vanhæfur til þess að stýra stjórnskipunar- og eftirlitsnefnd í þessu máli vegna tengsla við Robert Downey. Þá hafði hann fundið gamlar fréttir þess efnis að Brynjar Níelsson væri lögmaður nektardansstaðarins Bóhem, líkt og Robert hafði verið áður en hann var dæmdur í fangelsi. Bætti hann því við að málflutningur Brynjars í málinu hefði verið þolendum Roberts þungbær.

„Af hálfu brotaþola hefur þessi málflutningur verið óþolandi, íþyngjandi og skert lífsgæði þeirra“

„Brynjar Níelsson, formaður stjórnskipunar- og eftirlitsnefndar alþingis, hefur að mínu mati gert lítið úr glæpum Róberts Árna Hreiðarssonar í fjölmiðlum og um leið smættað afleiðingar þeirra,“ sagði Bergur. „Af hálfu brotaþola hefur þessi málflutningur verið óþolandi, íþyngjandi og skert lífsgæði þeirra.“

Í samtali við DV sagði Brynjar að þetta væri bara „rugl umræða“. „Ég þekki bara Róbert nánast ekki neitt, nema að hann er bara lögmaður og menn heilsast á förnum vegi. Málið snýst heldur ekkert um Róbert. Það snýst bara um uppreisn æru. Kommon, þetta bara rugl, að vera velta þessu upp,“ sagði Brynjar, án þess að láta þess getið að hann þekkti einn meðmælanda Roberts Downey. 

Stjórnvöld leyndu upplýsingunum 

Þolendur Roberts og aðstandendur þeirra óskuðu ítrekað eftir því að fá upplýsingar um hina valinkunnu menn og það ferli sem lá að baki því að veita honum uppreist æru. Sigríður Andersen dómsmálaráðherra hafnaði því hins vegar að veita þessar upplýsingar. Úrskuðarnefnd upplýsinganefndar komst síðan að þeirri niðurstöðu að ráðuneytið ætti að veita þessar upplýsingar.

Sama dag og niðurstaða úrskurðarnefndar lá fyrir afhenti ráðuneytið gögnin í máli Roberts en svaraði enn ekki fyrirspurnum Stundarinnar um mál Hjalta, þrátt fyrir að Stundin hafi ítrekað óskað eftir þessum gögnum í gegnum síma, tölvupósti og heimsóknir í ráðuneytið.

Í gær greindu Stundin og Vísir frá því að faðir forsætisráðherra hefði verið einn þeirra sem veittu öðrum barnaníðingi, Hjalta Sigurjóni Haukssyni, meðmæli þegar honum var veitt uppreist æru sama dag og Robert Downey.

Í kjölfarið viðurkenndi dómsmálráðherra í Íslandi í dag að hún hefði greint Bjarna Benediktssyni einum frá því í júlí að faðir hans væri einn meðmælanda Hjalta.

Bjarni hafði því vitneskju um það þegar meirihluti stjórnskipunar- og eftirlitsnefndar gekk út af fundinum í ágúst og neitaði að skoða upplýsingar um meðmælendur Downey, með þeim skýringum að þær upplýsingar skiptu ekki máli.

Brynjar var verjandi Hjalta 

Í viðtali við Kastljós í gær greindi Brynjar svo frá því að hann hefði einhvern tímann verið verjandi Hjalta. Þegar hann var spurður að því hvort það væri ekki erfið staða fyrir hann að stýra fundum nefndarinnar og hugsanlega rannsókn á þessu máli vegna þess að um væri að ræða samflokksmenn hans svaraði hann: 

„Ef ég man rétt þá held ég að ég hafi meira að segja varið þennan Hjalta“

„Nei, nei, ég er alveg viss um það að ég hef verið skipaður verjandi eitthvað af þessum mönnum sem þarna eru. Ef ég man rétt þá held ég að ég hafi meira að segja varið þennan Hjalta einhvern tímann, svo það sé bara upplýst. Við vorum aldrei að skoða einstök mál. Við vorum að skoða framkvæmd á þessum málum. Það er það sem við vorum að gera, höfum gert og erum enn að. Þá var umræðan svolítið mikil um þetta einstaka mál Robert Downey, við erum ekki að ræða hér einstakt mál, við erum að ræða hvernig þetta er framkvæmt.“

Svandís Svavarsdóttir, þingflokksformaður Vinstri grænna og fulltrúi flokksins í nefndinni sagði í samtali við mbl.is í gærkvöldi að Brynjari væri ekki stætt að leiða nefndina áfram. „Mér þykir ein­boðið í ljósi tíðinda dags­ins að Brynj­ar Níels­son get­ur ekki verið verk­stjóri þess­ar­ar vinnu áfram.“

Þá sagði hún að þar sem stjórnskipunar- og eftirlitsnefnd ætti að veita framkvæmdarvaldinu eftirlit þyrfti forysta hennar að vera hafin yfir allan vafa. Eðlilegast væri að henni væri stýrt af stjórnarandstöðunni. Á það hefur Birgitta einnig bent. 

Fundað um endalokinBjarni Benediktsson á leið inn á fund með samflokksmönnum sínum í dag.

Stjórnarsamstarfinu slitið vegna trúnaðarbrests

Á stjórnarfundi Bjartar framtíðar í gærkvöldi var tekin ákvörðun um að slíta stjórnarsamstarfinu vegna trúnaðarbrests af hálfu dómsmálaráðherra og forsætisráðherra.

„Kerfi sem ein­kenn­ist af leynd­ar­hyggju og stend­ur vörð um of­beld­is­menn en ekki fórn­ar­lömb er meingallað“ 

Bjarni hafði þá veitt formönnum ríkisstjórnarflokkanna, þeim Óttarri Proppé og Benedikti Jóhannessyni, formanni Viðreisnar, þær upplýsingar að faðir hans hefði veitt meðmæli í máli tengdu uppreist æru, án þess að greina nánar frá því hvaða máli meðmælin tengdust. Það var á mánudag sem Bjarni greindi þeim frá því, sama dag og úrskurðarnefnd um upplýsingamál komst að þeirri niðurstöðu að þessi gögn ættu að vera opinber. 

„Kerfi sem ein­kenn­ist af leynd­ar­hyggju og stend­ur vörð um of­beld­is­menn en ekki fórn­ar­lömb er meingallað og djúp­stæð von­brigði þjóðar­inn­ar með viðbrögð stjórn­valda í þess­um mál­um er eitt­vað sem við verðum að taka mjög al­var­lega,“ sagði Þorgerður Katrín Gunnarsdóttir, ráðherra úr röðum Viðreisnar, í morgun og bætti því við að boða yrði til kosninga sem fyrst.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Uppreist æru

„Við erum ennþá meðvirk með spillingunni“
MenningUppreist æru

„Við er­um enn­þá með­virk með spill­ing­unni“

Karl Ág­úst Úlfs­son er einn ást­sæl­asti leik­ari og höf­und­ur þjóð­ar­inn­ar. Hann hef­ur lát­ið sig sam­fé­lags­mál varða í ára­tugi, fyrst á vett­vangi Spaug­stof­unn­ar, sem valda­menn töldu að væri á mála hjá óvin­veitt­um öfl­um. Hann seg­ir að sig svíði þeg­ar níðst er á lít­il­magn­an­um og hvernig feðra­veld­ið verji sig þeg­ar kyn­ferð­is­legt of­beldi kemst á dag­skrá. Ný bók hans, Átta ár á sam­visk­unni, er safn smá­sagna um fólk í sál­ar­háska.
Vaknaði af martröð um Róbert Downey þegar rannsókn var hætt á minnisbók með nöfnum stúlkna
FréttirUppreist æru

Vakn­aði af mar­tröð um Ró­bert Dow­ney þeg­ar rann­sókn var hætt á minn­is­bók með nöfn­um stúlkna

Minn­is­bók Ró­berts Dow­ney með nöfn­um 335 stúlkna verð­ur ekki rann­sök­uð frek­ar af lög­reglu, þar sem ekki hefðu fund­ist næg­ar vís­bend­ing­ar um að brot hefðu ver­ið fram­in, og þau væru fyrnd ef svo væri. Gló­dís Tara Fann­ars­dótt­ir, ein þeirra sem hann braut gegn og var skráð í minn­is­bók­inni, mót­mæl­ir harð­lega.

Mest lesið

Risar í landbúnaði orðnir að fríríki og geta stýrt verði eins og þeim sýnist
2
Rannsókn

Ris­ar í land­bún­aði orðn­ir að fríríki og geta stýrt verði eins og þeim sýn­ist

Laga­breyt­ing sem var fyr­ir einu og hálfu ári köll­uð „að­för að neyt­end­um“ var sam­þykkt á Al­þingi í lok síð­ustu viku með at­kvæð­um minni­hluta þing­manna. Um er að ræða af­nám á ólög­mætu sam­ráði stærstu land­bún­að­ar­fyr­ir­tækja lands­ins. Laga­breyt­ing­unni var laum­að inn í frum­varp á loka­metr­um af­greiðslu þess með mik­illi að­komu þeirra sem mest græða á henni.
Eina leiðin til að halda lífinu áfram var að koma út
3
ViðtalForsetakosningar 2024

Eina leið­in til að halda líf­inu áfram var að koma út

Bald­ur Þór­halls­son bældi nið­ur eig­in kyn­hneigð frá barns­aldri og fannst hann ekki geta ver­ið hann sjálf­ur. Fyr­ir 28 ár­um tók hann ákvörð­un um að koma út úr skápn­um, það var ekki ann­að í boði ef hann ætl­aði að halda áfram með líf­ið. Nú stefna þeir Fel­ix Bergs­son á Bessastaði. „Við eig­um 28 ára ást­ríkt sam­band að baki og höf­um ekk­ert að fela,“ seg­ir Fel­ix.
Óheyrilegar verðhækkanir á leigumarkaði: „Þeir eru eins og óðir hanar í mannaskít“
4
NeytendurLeigumarkaðurinn

Óheyri­leg­ar verð­hækk­an­ir á leigu­mark­aði: „Þeir eru eins og óð­ir han­ar í manna­skít“

Aug­lýs­ing sem birt­ist á fast­eigna­vefn­um Igloo hef­ur vak­ið mikla at­hygli og um­ræðu. Þar er fjög­urra her­bergja íbúð í Reykja­vík aug­lýst til leigu fyr­ir 550.000 krón­ur á mán­uði. Guð­mund­ur Hrafn Arn­gríms­son, formað­ur Leigj­enda­sam­tak­anna, seg­ir stöð­una vera grafal­var­lega. Hann seg­ir mörg heim­ili á leigu­mark­aði búi í dag við grimmi­lega og kerf­is­bundna fjár­kúg­un.

Mest lesið

Mest lesið í vikunni

Nýjar ógnir blasa við Íslendingum
1
Úttekt

Nýj­ar ógn­ir blasa við Ís­lend­ing­um

Ís­land get­ur orð­ið skot­mark í styrj­öld sem veik­asti hlekk­ur­inn í varn­ar­keðju Vest­ur­landa. Don­ald Trump hafn­ar skuld­bind­ingu Banda­ríkj­anna til að verja NATO-ríki sem borga ekki sinn skerf, en Ís­land er lengst frá því af öll­um. Ingi­björg Sól­rún Gísla­dótt­ir, fyrr­ver­andi ut­an­rík­is­ráð­herra, seg­ir varn­ar­samn­ing­inn við Banda­rík­in hafa „af­skap­lega tak­mark­að gildi“.
Halla nú ósammála mörgu sem hún beitti sér fyrir sem framkvæmdastjóri Viðskiptaráðs
3
FréttirForsetakosningar 2024

Halla nú ósam­mála mörgu sem hún beitti sér fyr­ir sem fram­kvæmda­stjóri Við­skipta­ráðs

Ár­ið 2007 mælti Halla Tóm­as­dótt­ir, sem þá var fram­kvæmda­stjóri Við­skipta­ráðs, fyr­ir breyt­ing­um til þess að Ís­land gæti orð­ið „best í heimi.“ Þar á með­al var að setja á flata og lága skatta, einka­væða há­skóla og heil­brigðis­kerfi, einka­væða nátt­úru­auð­lind­ir og stór­auka ensku­kennslu. Heim­ild­in kann­aði hver við­horf Höllu væru til mála­flokk­anna í dag.
Greiddi 450 þúsund krónur fyrir bílastæði í miðbænum á síðasta ári
4
Fréttir

Greiddi 450 þús­und krón­ur fyr­ir bíla­stæði í mið­bæn­um á síð­asta ári

„Ekki refsa fólki sem vinn­ur í mið­bæ Reykja­vík­ur,“ seg­ir Hall­dór Jóns­son, yf­ir­þjónn á Mat­ar­kjall­ar­an­um. Á síð­asta ári greiddi hann næst­um hálfa millj­ón króna bara í bíla­stæða­kostn­að. Hann sótti um áskrift í bíla­stæða­hús­inu á Vest­ur­götu fyr­ir tveim­ur ár­um en veit ekki hvort eða hvenær hann fái þá áskrift.
Risar í landbúnaði orðnir að fríríki og geta stýrt verði eins og þeim sýnist
9
Rannsókn

Ris­ar í land­bún­aði orðn­ir að fríríki og geta stýrt verði eins og þeim sýn­ist

Laga­breyt­ing sem var fyr­ir einu og hálfu ári köll­uð „að­för að neyt­end­um“ var sam­þykkt á Al­þingi í lok síð­ustu viku með at­kvæð­um minni­hluta þing­manna. Um er að ræða af­nám á ólög­mætu sam­ráði stærstu land­bún­að­ar­fyr­ir­tækja lands­ins. Laga­breyt­ing­unni var laum­að inn í frum­varp á loka­metr­um af­greiðslu þess með mik­illi að­komu þeirra sem mest græða á henni.

Mest lesið í mánuðinum

Heilbrigðiseftirlitið lét henda gömlum rækjum á WokOn - „Okkur blöskrar“
4
FréttirRannsóknin á Davíð og Pho Vietnam

Heil­brigðis­eft­ir­lit­ið lét henda göml­um rækj­um á Wo­kOn - „Okk­ur blöskr­ar“

Heil­brigðis­eft­ir­lit Reykja­vík­ur lét henda núðl­um, hrís­grjón­um og rækj­um á veit­inga­stað Wok On í Krón­unni á Fiskislóð í des­em­ber. Stað­ur­inn fékk fall­ein­kunn hjá eft­ir­lit­inu í byrj­un des­em­ber og var starf­sem­in stöðv­uð að hluta. „Við tök­um þetta mjög al­var­lega,“ seg­ir fram­kvæmda­stjóri Krón­unn­ar. Henni finnst að nið­ur­stöð­ur eft­ir­lits­ins ættu að vera að­gengi­legri.
Bankasýslan getur ekki gert grein fyrir tug milljóna kaupum á þjónustu
6
Viðskipti

Banka­sýsl­an get­ur ekki gert grein fyr­ir tug millj­óna kaup­um á þjón­ustu

Frá því að til­kynnt var að leggja ætti nið­ur Banka­sýslu rík­is­ins og fram að síð­ustu ára­mót­um þá keypti stofn­un­in þjón­ustu fyr­ir 57,4 millj­ón­ir króna. Hún get­ur ekki svar­að því nema að hluta af hverj­um hún keypti þessa þjón­ustu. Mest af því sem stofn­un­in get­ur gert grein fyr­ir fór til Logos, eða alls 15,3 millj­ón­ir króna á átta mán­uð­um í fyrra.
Friðrik keypti varðskip gegnum Ríkiskaup og græddi 40 milljónir við söluna
8
Fréttir

Frið­rik keypti varð­skip gegn­um Rík­is­kaup og græddi 40 millj­ón­ir við söl­una

Frið­rik Arn­gríms­son, fyrr­ver­andi fram­kvæmda­stjóri LÍÚ, sem heit­ir SFS í dag, keypti tvö varð­skip af ís­lenska rík­inu eft­ir út­boð hjá Rík­is­kaup­um og seldi þau til Tyrk­lands fyr­ir tæp­lega 40 millj­ón­um krón­um meira en hann greiddi fyr­ir þau. Hann var á sama tíma formað­ur nefnd­ar sem starf­aði með Rík­is­kaup­um um smíði nýs rann­sókna­skips fyr­ir Haf­rann­sókna­stofn­un.
Þorsteinn Már og Helga eiga rúmlega 71 milljarð og skulda nánast ekki neitt
9
Greining

Þor­steinn Már og Helga eiga rúm­lega 71 millj­arð og skulda nán­ast ekki neitt

Mikl­ar breyt­ing­ar hafa ver­ið gerð­ar á Sam­herja­sam­stæð­unni á síð­ustu ár­um og eign­ar­hald á henni að stóru leyti fært yf­ir til barna stofn­enda fyr­ir­tæk­is­ins. Fé­lag í eigu barna Þor­steins Más Bald­vins­son­ar sem fékk selj­endalán frá for­eldr­um sín­um til að kaupa hlut þeirra í Sam­herja hef­ur ein­ung­is greitt vexti af lán­inu og hagn­ast alls um 16 millj­arða króna á þrem­ur ár­um.
Nýjar ógnir blasa við Íslendingum
10
Úttekt

Nýj­ar ógn­ir blasa við Ís­lend­ing­um

Ís­land get­ur orð­ið skot­mark í styrj­öld sem veik­asti hlekk­ur­inn í varn­ar­keðju Vest­ur­landa. Don­ald Trump hafn­ar skuld­bind­ingu Banda­ríkj­anna til að verja NATO-ríki sem borga ekki sinn skerf, en Ís­land er lengst frá því af öll­um. Ingi­björg Sól­rún Gísla­dótt­ir, fyrr­ver­andi ut­an­rík­is­ráð­herra, seg­ir varn­ar­samn­ing­inn við Banda­rík­in hafa „af­skap­lega tak­mark­að gildi“.

Mest lesið í mánuðinum

Nýtt efni

Mest lesið undanfarið ár