Fréttir

Ráðherra mátti ekki leyna upplýsingum um mál Roberts Downey

Sigríður Andersen dómsmálaráðherra gekk of langt í upplýsingaleynd í máli Roberts Downey. Dómsmálaráðuneytinu hefur verið gert að birta upplýsingar um nöfn þeirra „valinkunnu einstaklinga“ sem vottuðu um góða hegðun Roberts.

Sigríður Andersen Dómsmálaráðherra gekk lengra í upplýsingaleynd en lög upplýsingalög gera ráð fyrir. Mynd: Pressphotos

Sigríður Andersen dómsmálaráðherra gekk lengra í upplýsingaleynd um mál Roberts Downey en upplýsingalög heimila. Þetta kemur fram í úrskurði úrskurðarnefndar um upplýsingamál, en nefndin kvað í dag upp úrskurð vegna kæru fréttastofu RÚV. Dómsmálaráðuneytinu er gert að veita aðgang að bréfi Roberts þar sem sótt er um uppreist æru, að undanskildum upplýsingum um símanúmer hans, og þá verður jafnframt veittur aðgangur að þremur vottorðum nafngreindra manna sem lögð voru fram sem fylgigögn með umsókninni. 

Fréttastofa RÚV óskaði í sumar eftir aðgangi að afritum af gögnum sem Robert Downey, áður Róbert Árni Hreiðarsson, lagði fram með beiðni um uppreist æru. Sigríður lýsti því hins vegar yfir að ráðuneytið myndi ekki birta nöfn þeirra „valinkunnu einstaklinga“ sem vottuðu um góða hegðun Roberts. Þá neituðu fulltrúar Sjálfstæðisflokksins í stjórnskipunar- og eftirlitsnefnd að líta á gögnin þegar fjallað var um málið á fundi nefndarinnar.

Fréttastofan kærði synjun upplýsingabeiðninnar til úrskurðarnefndar um upplýsingamál, sem hefur nú kveðið upp úrskurð. Hér má lesa hann í heild sinni.

Eftirfarandi er yfirlýsing dómsmálaráðuneytis í kjölfar hans:

Í samræmi við úrskurð nefndarinnar mun dómsmálaráðuneytið veita aðgang að bréfi umsækjanda þar sem sótt er um uppreist æru, að undanskildum upplýsingum um símanúmer umsækjanda. Einnig verður veittur aðgangur að bréfi umsækjanda þar sem hann ítrekar beiðni sína um uppreist æru ásamt tilkynningu Fangelsismálastofnunar ríkisins til umsækjanda þar sem tilkynnt er um veitingu reynslulausnar. Þá verður jafnframt veittur aðgangur að þremur vottorðum nafngreindra manna sem lögð voru fram sem fylgigögn með umsókninni. 

Úrskurðarnefndin fellst þó á sjónarmið dómsmálaráðuneytisins um að vottorðin hafi að geyma að „ákveðnu leyti upplýsingar um einkamálefni sem sanngjarnt er og eðlilegt að leynt fari samkvæmt 9. gr. upplýsingalaga, meðal annars um heilsufar umsækjanda.“ Dómsmálaráðuneytinu er þar af leiðandi „óheimilt að veita almenningi aðgang að þeim á grundvelli 1. málsl. 9. gr. upplýsingalaga. Með vísan til 3. mgr. 5. gr. upplýsingalaga nr. 140/2012 ber ráðuneytinu þó að veita aðgang að öðrum hlutum skjalsins.“

Dómsmálaráðuneytið mun bregðast við úrskurði nefndarinnar eins fljótt og unnt er í dag. 

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Fréttir

Húsleit á Arnarnesinu hjá fiskútflytjanda úr Panamaskjölunum: „Ég hef ekkert að fela“

Pistill

Sannleikurinn um Viðar Guðjohnsen

Fréttir

Lofgrein um Davíð í Morgunblaðinu á skjön við Rannsóknarskýrsluna

Fréttir

Listi Roberts yfir stúlkur er enn til - lögregla hefji aftur rannsókn á kynferðisbrotum hans

Úttekt

Ótrúlegur ráðherraferill Sigríðar Andersen: Lögbrot, leyndarhyggja og harka gagnvart hælisleitendum

Fréttir

Tryggvi Þór og Friðjón könnuðu aðstæður til raforkuframleiðslu í Dölunum fyrir GAMMA

Mest lesið í vikunni

Úttekt

„Ekki kominn tími til að ég brenni allar veraldlegar eigur mínar“

Fréttir

Húsleit á Arnarnesinu hjá fiskútflytjanda úr Panamaskjölunum: „Ég hef ekkert að fela“

Fréttir

Skýrsla Hannesar rituð á ensku – „Ótækt“ segir formaður íslenskrar málnefndar

Pistill

VG framlengir tuttugustu öldina

Fréttir

Barnafjölskylda svipt framfærslufé vegna reglugerðar Sigríðar um útlendinga

Fréttir

Eigandinn í kosningaham á forsíðu Morgunblaðsins