Fréttir

Ekki skoðað hvort styrkveitendur væru í skattaskjóli

„Við höfum ekki sett okkur aðrar mælistikur en lögin, enda eru þau alveg nógu flókin og íþyngjandi,“ segir framkvæmdastjóri Viðreisnar.

Formaður og framkvæmdastjóri Benedikt Jóhannesson, fjármálaráðherra og formaður Viðreisnar, og Birna Þórarinsdóttir, framkvæmdastjóri Viðreisnar, samþykktu styrki frá aflandsfélagi. Mynd: Viðreisn

Ekkert er því til fyrirstöðu samkvæmt lögum að stjórnmálasamtök séu styrkt af eigendum eða dótturfélögum félaga í skattaskjólum. Samkvæmt ársreikningi Viðreisnar þáði flokkurinn styrk frá fyrirtækinu Aztiq Pharma ehf. í fyrra. Félagið tengist fjárfestunum Róberti Wessman og Árna Harðarsyni og er alfarið í eigu félagsins Aztiq Cayman L.P á Cayman-eyjum. Áður hefur Stundin greint frá því að Óli Björn Kárason, formaður efnahags- og viðskiptanefndar Alþingis, þáði prófkjörsstyrk frá fyrirtæki sem kemur fyrir í Panamaskjölunum vegna hlutdeildar í aflandsfélagi á Bresku Jómfrúareyjunum.

Birna Þórarinsdóttir, framkvæmdastjóri Viðreisnar, segir að ekki hafi verið skoðað sérstaklega hvort fjárstyrkir til flokksins kæmu frá eigendum eða dótturfélögum félaga í skattaskjólum. „Við fylgdum lögunum og þar er skýrt tekið fram frá hverjum má ekki taka við framlögum,“ segir hún og vísar til ákvæðis í lögum um fjármál stjórnmálasamtaka þar sem fram kemur að óheimilt sé að veita viðtöku framlögum frá erlendum ríkisborgurum, fyrirtækjum eða öðrum aðilum sem skráðir eru erlendis. „Við höfum ekki sett okkur aðrar mælistikur en lögin, enda eru þau alveg nógu flókin og íþyngjandi.“ 

Sveinn Arason ríkisendurskoðandi stakk upp á því á dögunum að Alþingi endurskoðaði hámarksupphæð fjárstyrkja sem einstaklingar og lögaðilar mega veita stjórnmálasamtökum. Þetta kom fram í viðtali við hann á RÚV eftir að greint var frá háum fjárstyrkjum Helga Magnússonar fjárfestis til Viðreisnar. Eins og Stundin greindi frá á fimmtudag bendir ekkert til annars en að Viðreisn hafi fylgt lagabókstafnum þegar flokkurinn tók við 1,6 milljónum króna frá Helga félögum sem eru alfarið í hans eigu, enda túlkar Ríkisendurskoðun lagaákvæði um tengda aðila með þeim hætti að Helgi, sem einstaklingur, sé ekki tengdur þeim félögum, lögaðilum, sem hann á 100 prósenta eignarhlut í.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Viðtal

Fyrrverandi sambýlismaður minn er grunaður um að nauðga piltum

Fréttir

„Gerði ráðherra enga kröfu um að aðstoðarmaðurinn færi ekki að vinna fyrir sömu kröfuhafa og hann var að kljást við?“

Fréttir

Houssin ekki fylgdarlaust ungmenni við komuna til landsins

Fréttir

72,5 prósent vilja að Sigríður Andersen segi af sér

Pistill

Ferðasirkusinn við Austurvöll og siðanefndin sem hvarf

Pistill

Vont fólk

Mest lesið í vikunni

Fréttir

Næsta bylting: Konur deila sögum af þvinguðu samþykki

Fréttir

Kölluð kellingartussa og negri

Fréttir

Kjartan ákærður fyrir gróf kynferðisbrot gegn dætrum sínum

Viðtal

„Neita að eyða allri ævinni í að vinna fyrir einhvern steinkassa“

Fréttir

Íslenskir læknar styðja bann við umskurði barna - lýsa alvarlegum fylgikvillum

Viðtal

Fyrrverandi sambýlismaður minn er grunaður um að nauðga piltum