Listi

Tíu ótrúlegar staðreyndir um mál Roberts Downeys

Róbert Árni Hreiðarsson, nú Robert Downey, var með 335 kvenmannsnöfn á skrá, notaði nöfn og bankareikning sona sinna við að tæla unglingsstúlkur og hélt áfram að brjóta af sér eftir að lögreglurannsókn hófst í málinu. Hér eru tíu ótrúlegar staðreyndir í málinu.

1 Byrjaði á Ircinu

Róbert Árni Hreiðarsson byrjaði að tæla til sín unglingsstúlkur í gegnum „Ircið“, en færði sig yfir á samskiptaforritið MSN þegar það náði yfirhöndinni meðal unglinga. Halla Ólöf Jónsdóttir segir hann hafa nálgast sig á „Ircinu“ fljótlega eftir að hún fermdist, árið 2001. Róbert var þá 55 ára.

2 Peningar í veski unglingsstúlku komu upp um hann

Upp komst um brot Róberts Árna haustið 2005 eftir að Bergur Þór Ingólfsson og Eva Vala Guðjónsdóttir fundu 32 þúsund krónur í veski Nínu Rúnar Bergsdóttur, þá 14 ára. Hún viðurkenndi að lokum að hafa fengið peningana frá gömlum „barnaperra“ sem hafi greitt henni fyrir kynlíf.

3 335 kvenmannsnöfn í minnisbók

Við húsleit fundust meðal annars tveir farsímar, fjögur símkort og minnisbók sem innihélt 335 kvenmannsnöfn með ýmist eða bæði símanúmerum eða netföngum. Athygli vakti að við umrædd kvenmannsnöfn mátti víða sjá skráðar tölur sem lögregla taldi vísa á aldur stúlknanna.

4 Notaði nöfn sona sinna

Á bakhlið minnisbókarinnar voru þrjú karlmannsnöfn, Rikki, Árni og Robbi, og símanúmer við hvert nafn. Þetta eru nöfnin sem hann notaði til að blekkja og tæla stúlkurnar. Róbert Árni átti fimm syni. Sá elsti heitir Árni, næstelstur er Róbert, kallaður Robbi, og næst yngstur var Ríkharður, kallaður Rikki. Í tilfelli Höllu Ólafar notaði hann einnig bankareikning undir nafni og kennitölu Árna, sonar síns, til að leggja inn á hana pening.

5 Hélt áfram þrátt fyrir lögreglurannsókn

Róbert Árni hélt áfram að brjóta á stúlkum eftir að húsleit var gerð á heimili og vinnustað hans og honum varð kunnugt um að hann væri til rannsóknar vegna gruns um kynferðisbrot.  Árið 2006 braut hann gegn þremur 15 ára stúlkum, einni allt að fimmtán sinnum. 

6 Hélt lögmannsréttindunum og varði barnaníðinga

Róbert Árni hélt lögmannsréttindum sínum á meðan á rannsókn málsins stóð og eftir að ákæra hafði verið gefin út. Á þessu tímabili sinnti hann meðal annars réttargæslu í sakamálum og verjendastörfum í kynferðisbrotamálum. Sem verjandi meintra barnaníðinga fékk hann meðal annars að sitja yfirheyrslur yfir börnum í Barnahúsi.

7 Þótti þungur dómur

Í september 2007 var Róbert Árni dæmdur í þriggja ára fangelsi fyrir brot gegn fjórum unglingsstúlkum. „Þetta var nú þungur dómur og allir sem töldu það“, sagði Jón Steinar Gunnlaugsson, lögmaður Róberts, um dóminn á dögunum. 

8 Yfirheyrður einu og hálfu ári eftir kæru

Halla Ólöf Jónsdóttir, fimmta stúlkan, lagði fram kæru gegn Róberti Árna í nóvember 2007. Hann var ekki tekinn í skýrslutöku vegna málsins fyrr en í apríl 2009. Í dómnum segir að lögreglumaðurinn sem tók skýrsluna af honum hafi ekki náð á Róbert Árna fyrr þar sem hann hafi dvalið erlendis. Þess ber að geta að dómur Hæstaréttar í fyrra málinu féll í millitíðinni, í maí 2008, og Róbert Árni hóf afplánun í febrúar 2009.

9 Ekki gerð þyngri refsing

Þrátt fyrir að vera dæmdur var Róberti Árna ekki gerð refsing í máli Höllu Ólafar. Rökin voru þau að refsing hans hefði ekki orðið þyngri ef mál Höllu hefði verið dæmt með í máli hinna stúlknanna. Halla fékk hins vegar greiddar 300 þúsund krónur í miskabætur. Mál Höllu sýndi að Róbert var byrjaður að blekkja og tæla unglingsstúlkur mun fyrr en áður var talið.

10 Engin ábyrgð

Róbert Árni, nú Robert Downey, hefur aldrei tekið ábyrgð á brotunum og aldrei viðurkennt að hafa gert neitt rangt. Hann hefur nú fengið uppreist æru, en enginn vill bera ábyrgð á þeirri ákvörðun. Guðni Th. Jóhannesson forseti segir ákvörðunina liggja hjá ráðuneytinu og Bjarni Benediktsson, sem þá var settur innanríkisráðherra, segist ekki hafa haft neina aðkomu að málinu. 

Nánar er fjallað um mál Roberts Downey í 50. tölublaði Stundarinnar sem kom út í dag.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Fréttir

Gagnrýnir „afsal á forystuhlutverki Sjálfstæðisflokksins til VG“ og segir að frjálsar umræður leyfist ekki í Valhöll

Fréttir

VG ekki á móti því að tilteknir Sjálfstæðismenn gegni ráðherraembætti

Viðtal

Frá fíkli til flóttamanns

Fréttir

Óttast að trúfélagsapp safni persónuupplýsingum

Fréttir

Undanfarin ár sýnt að sjálfstæð peningastefna geti virkað á Íslandi

Mest lesið í vikunni

Pistill

Enn meiri spilling af völdum Sjálfstæðisflokksins

Pistill

Davíð spilar með Geir og þjóðina

Aðsent

VG – in memoriam

Fréttir

Selur bílinn sinn til að borga ríkinu fyrir eigin brottflutning

Fréttir

Umtalaðasta símtalið birt: „Þetta eru 100 millj­arð­ar, spít­al­inn og Sunda­braut­in“

Fréttir

Berjast fyrir betra LÍN