Aðeins 6 kílómetrum frá borgarmörkum Donetsk situr framlínubærinn Avdiivka, eyðibær sem hefur verið í fremstu víglínu síðan 2014 en eftir innrás Rússa í landið fyrr á þessu ári fór hann að verða fyrir stöðugum árásum stórskotaliðs, sem gerði tilveruna fyrir bæjarbúa ólifandi. Fyrir 2014 voru íbúar bæjarins um 32 þúsund, nú átta árum seinna eru um það bil 200 eftir. Oftar en ekki eru það einstaklingar sem hafa ekki tækifæri á að flytjast vegna veikinda, slæmrar félagslegrar stöðu og en þar eru líka nokkrir sem eru þar enn því þeir eru hliðhollir Rússum og bíða eftir að hersveitir Rússa nái yfir bæinn.

Bæjarbúar hafa lifað án rafmagns, rennandi vatns og hita síðan árásir hófust á ný í febrúar 2022. Mikið til, þá sérstaklega í byrjun stríðsins, þurfa íbúar að halda til í dimmum kjöllurum án matar og vatns – fólk sem rétt hætti sér út til að ná í vistir …