Ísland situr í þriðja sæti yfir þau ríki sem hafa flest ökutæki á hvern íbúa, en alls voru 315.294 ökutæki skráð á Íslandi árið 2020. Það þýðir að 866 ökutæki eru á hverja þúsund íbúa. Öll þessi ökutæki þurfa hjólbarða. Árlega eru flutt inn til landsins þúsundir tonna af hjólbörðum. Þessir hjólbarðar, hvort sem negldir eða ónegldir, eyðast og þarf reglulega að skipta um þá eins og flestir þekkja. En hvað verður um alla þessa tugi þúsunda hjólbarða? Flestir telja að þeir fari beint í endurvinnslu, en sú er ekki raunin.

Raunin er sú að langstærstur hluti hjólbarða hafa verið urðaðir í stað þess að hafa verið sendir í endurvinnslu. Þar hafa þeir skapað mikla eldshættu og kviknaði síðast á þessu ári í miklu magni af hjólbörðum á urðunarstað Sorpu. Svo mikill var reykurinn og mengunin að íbúar í grennd við urðunarstaðinn voru beðnir um að loka öllum gluggum hjá …