Ísraelskt fyrirtæki hefur í tæpan áratug selt vafasömum ríkisstjórnum um allan heim aðgang að hinu öfluga njósnaforriti Pegasus. Ný rannsókn fjölmiðla og mannréttindasamtaka sýnir umfangsmikla misnotkun á forritinu og bendlar það meðal annars við morð á pólitískum andstæðingum og blaðamönnum.

Upphaf rannsóknarinnar má rekja til þess að í fyrra komust mannréttindasamtökin Amnesty International yfir lista sem var sagður sýna 50 þúsund símanúmer einstaklinga sem væru undir eftirliti með notkun öflugs njósnabúnaðar frá ísraelska fyrirtækinu NSO. Amnesty deildi upplýsingunum með 17 virtum fjölmiðlum á borð við Guardian, Washington Post, Le Monde, Radio France, Die Zeit, Haaretz og fleiri.

Rúmlega 80 blaðamenn störfuðu í tæpt ár við að fletta ofan af þessu umfangsmikla máli og leiddi rannsókn þeirra í ljós að njósnaforriti frá NSO hafði verið komið fyrir í símum fjölda blaðamanna, stjórnmálamanna, lögfræðinga og fulltrúa mannréttindasamtaka. Forritið nefnist Pegasus og samkvæmt gögnum frá Wikileaks hefur það verið í notkun í að …