Að morgni dags þann 22. júní síðastliðinn hringdi Birna Einarsdóttir, forstjóri Íslandsbanka, kauphallarbjöllunni í tilefni af skráningu fyrirtækisins á hlutabréfamarkað. Hlutafjárútboð Íslandsbanka er samkvæmt upplýsingum Kauphallarinnar stærsta frumútboð hlutabréfa sem farið hefur fram hér á landi. Hluthafar í bankanum eru um 24 þúsund, sem er mesti fjöldi hluthafa allra skráðra fyrirtækja á Íslandi.
Bankasala býr til gróða
Bjarni Benediktsson fjármála- og efnahagsráðherra sagðist ánægður með niðurstöðurnar úr „vel heppnuðu útboði Íslandsbanka“. Mikil eftirspurn og þátttaka almennings þótti honum „sérstaklega ánægjuleg“.
Almenningi stóð til boða að skrá sig fyrir allt niður í 50 þúsund krónum upp í eina milljón króna án skerðingar. Á meðan útboðsgengið var 79 krónur á hvern hlut endaði gengi bréfanna í 94,6 á fyrsta degi í viðskiptum í Kauphöllinni. Sá sem setti eina milljón króna í hlutafé í Íslandsbanka gat þannig grætt 200 þúsund krónur á fyrsta degi. Síðar hafa bréfin haldið áfram að hækka, samtals um …
Athugasemdir