Þessi grein birtist upphaflega í Stundinni fyrir meira en 2 árum.

Töluðu sig saman um að taka yfir Dropbox Jóhannesar

„Það þarf að loka net­fang­inu hans og end­urstilla lyk­il­orð­ið á drop­box reikn­ingn­um til að læsa hann úti af því,“ sagði Ingvar Júlí­us­son, fjár­mála­stjóri Sam­herja á Kýp­ur, í skila­boð­um til Örnu McClure, inn­an­hús­lög­fræð­ings út­gerð­ar­inn­ar, og Að­al­steins Helga­son­ar lyk­il­starfs­manns. Jón Ótt­ar Ólafs­son rek­ur ná­kvæm­lega hvernig hann braust inn á Drop­box upp­ljóstr­ar­ans í Namib­íu­mál­inu í yf­ir­lýs­ingu sinni til dóm­stóla.

Töluðu sig saman um að taka yfir Dropbox Jóhannesar

Jón Óttar Ólafsson, rannsakandi Samherja, sótti gögn inn á Dropbox-geymsluský Jóhannesar Stefánssonar í kjölfar þess að hann steig fram og ljóstraði upp um Namibíumálið svokallaða. Þetta er staðfest í yfirlýsingu hans sjálfs til namibískra dómstóla. 

„Ég opnaði að nýju í fyrsta sinn drop-box sem ég hafði lokað í júlí 2016. Það hafði aldrei verið greint af neinum allan þennan tíma,“ segir Jón Óttar í yfirlýsingu sinni. 

Þessi yfirlýsing Jóns Óttars, sem og annarra lykilstarfsmanna útgerðarinnar, var send namibískum dómstólum 31. apríl síðastliðinn. Í yfirlýsingunum er allri ábyrgð á mútugreiðslum og öðru ólöglegu vísað á Jóhannes sjálfan en þó á sama tíma dregið í efa að nokkuð saknæmt hafi átt sér stað.

Yfirlýsingar Jóns Óttars og Örnu Bryndísar Baldvins McClure, innanhúslögfræðings Samherja, lýsa nokkuð ítarlega hvernig þau komust yfir Dropbox-reikning Jóhannesar og hvenær þau sóttu þangað gögn. Samkvæmt upplýsingum Stundarinnar var um að ræða persónulegan aðgang hans, ekki geymslusvæði á vegum fyrirtækisins. 

Það skal tekið fram að í gögnum málsins er búið að þýða íslenskan póstinn yfir á ensku og er þetta þýðing af þeim texta á íslensku.

Ingvar fullyrti að inni á þessum dropbox-reikningi væri að finna skjöl sem tengdust starfseminni í Namibíu. Engu að síður var um að ræða persónulegt geymsluský Jóhannesar. 

Skoðaði gögnin eftir uppljóstrun

Arna lýsir því svo í yfirlýsingu sinni að Samherjafólk hafi munað eftir þessum reikningi eftir uppljóstrun Namibíumálsins. 

„Í janúar 2020 mundum við eftir Dropbox reikningi sem hafði verið lokaður síðan 21. júlí 2016 og endurræstum það. Fram að því hafði Dropboxið verið lokað og gleymt. Enginn hafði aðgang að því síðan því var lokað í júlí 2016,“ segir Arna í sinni yfirlýsingu. 

„Eftir ásakanir herra Stefánssonar og fjölmiðlateymisins í slagtogi með honum birtust fór ég í gegnum tölvupósta herra Stefánssonar sem og dropboxið hans frá 2016 sem hafði verið opnað að nýju,“ lýsir hún. 

Telja sig sjá kókaínpoka

Bæði Arna og Jón Óttar fullyrða að myndir í þessu geymsluskýi sanni að Jóhannes hafi neytt vímuefna og átt samskipti við vændiskonur. Ekki er þó að sjá í yfirlýsingum þeirra hvernig þau komast að þessari niðurstöðu. 

Á tveimur myndböndum segjast þau einfaldlega hafa borið kennsl á hvítt efni á hótelherbergi Jóhannesar sem líkist poka af kókaíni. Í yfirlýsingum sínum telja þau þessar myndir sína fram á að Jóhannes hafi verið óreglumaður og að yfirlýsingar Samherja þess efnis hafi átt rétt á sér. 

Að öðru leyti virðist ekki vísað í þau gögn sem hafi fundist á Dropbox reikningnum.

Ásakanir um eiturlyfjaneyslu virðast þó ekki tengjast efnisatriðum Namibíumálsins, sem snýst um að Samherji hafi greitt áhrifamönnum þar í landi fyrir aðgang að verðmætum hestamakrílskvóta.

Sex einstaklingar sæta nú ákæru vegna þessa í Namibíu og eru þau málaferli tilefni yfirlýsinga Samherjafólksins. 

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Samherjaskjölin

„Samherji gegndi lykilhlutverki í þessu hneyksli“ - Opið bréf til forsætisráðherra frá Namibíu
FréttirSamherjaskjölin

„Sam­herji gegndi lyk­il­hlut­verki í þessu hneyksli“ - Op­ið bréf til for­sæt­is­ráð­herra frá Namib­íu

Slétt­um fjór­um ár­um eft­ir að ljóstr­að var upp um fram­ferði Sam­herja í Namib­íu kall­ar leið­togi namib­ísku stjórn­ar­and­stöð­unn­ar eft­ir því að ís­lensk stjórn­völd taki ábyrgð, í opnu bréfi til for­sæt­is­ráð­herra Ís­lands. Hundrað millj­óna rík­is­styrk­ur til Sam­herja vek­ur reiði í Namib­íu.
Lögmaður namibískra sjómanna við Samherja: „Borgið það sem þið skuldið þeim“
RannsóknirSamherjaskjölin

Lög­mað­ur namib­ískra sjó­manna við Sam­herja: „Borg­ið það sem þið skuld­ið þeim“

Lög­mað­ur skip­verj­anna tutt­ugu og þriggja sem dæmd­ar voru bæt­ur vegna ólög­legr­ar upp­sagn­ar Sam­herja­fé­lags í Namib­íu, kall­ar eft­ir því að Ís­lend­ing­ar axli ábyrgð á fram­komu sinni í Namib­íu. Það stand­ist enga skoð­un að Sam­herji hafi ekki vit­að af mál­inu. For­stjóri Sam­herja lof­aði því að fyr­ir­tæk­ið myndi sjá til þess að stað­ið yrði við all­ar skuld­bind­ing­ar og sér­stak­lega hug­að að sjó­mönn­um sem starf­að hefðu fyr­ir fé­lag­ið.
Namibískir sjómenn stefna Samherjamanni eftir tveggja ára bið eftir bótum
FréttirSamherjaskjölin

Namib­ísk­ir sjó­menn stefna Sam­herja­manni eft­ir tveggja ára bið eft­ir bót­um

Á þriðja tug namib­ískra sjó­manna sem voru dæmd­ar bæt­ur vegna ólög­mætr­ar upp­sagn­ar Sam­herja­fé­lags í Namib­íu, hafa enn ekki feng­ið þær greidd­ar. Lög­mað­ur þeirra gagn­rýn­ir for­svars­menn Sam­herja fyr­ir að gang­ast ekki við ábyrgð sinni og hef­ur nú stefnt ein­um stjórn­anda Sam­herja og dótt­ur­fé­lagi þess, fyr­ir dóm í Namib­íu.
Inga þakkar Samherja fyrir en telur að kvótakerfið hafi lagt landið í auðn
FréttirSamherjaskjölin

Inga þakk­ar Sam­herja fyr­ir en tel­ur að kvóta­kerf­ið hafi lagt land­ið í auðn

Inga Sæ­land, formað­ur Flokks fólks­ins, seg­ist hafa slíðr­að sitt póli­tíska sverð þeg­ar hún söng á Fiski­deg­in­um mikla á Dal­vík um helg­ina. Hún skrif­ar þakk­ar­grein í Mogg­ann í dag og þakk­ar Sam­herja fyr­ir Fiski­dag­inn. Sam­kvæmt Ingu kom hún ekki fram á Fiski­deg­in­um sem stjórn­mála­mað­ur held­ur sem mann­eskja í sum­ar­fríi.

Nýtt efni

Mest lesið undanfarið ár