Hillbilly byrjar venju samkvæmt á byrjunarreit og vill vita hvort list hafi verið í kringum þá Skarphéðin og Árna Má þegar þeir voru að alast upp. Hvorugur segir svo hafa verið, „ekki myndlist en mikið bókmenntatengt, sem er náttúrlega nátengt myndlist,“ segir Skarphéðinn og þræðir sína sögu fyrir Hillbilly. Hann ólst upp í Holtunum, í kringum Myndlista- og handíðaskólann, svo hann „sá alveg myndlist. Fór í myndmennt og á Kjarvalsstaði og annað slíkt en myndlistin kom ekki inn fyrr en ég byrjaði í Portinu, fannst áður eins og þetta væri frekar lokað svæði, myndlistin,“ svarar Skarphéðinn. Skarphéðinn er skáld og nú orðinn myndlistarmaður eftir fimm ára nám í Gallery Port, sem er líklega eitt besta nám í myndlist sem hugsast getur. En í uppeldi Árna, ætli þar hafi verið gluggi inn í myndlist? „Ekki í mínu tilfelli, sú eina sem ég veit að hefur verið í myndlist er dóttir systur …